Mateus 11:18 - O Novo Testamento na língua Kaingáng

¹⁸ Gĩr tag ag ri ke ãjag nỹtĩ, João to, iso ke gé. João vỹ vãkre ja nĩgtĩ, jẽg tũ, kron tũ ke gé. Kỹ ãjag tóg ti to: jagrẽ kórég ti nĩ, he ja nĩgtĩ, ti vãkre to.

Mateus 11:18 Iomraidhean Croise

Mateus 10:25

Ũn vẽnh kanhrãn mũ tỹ ũ tỹ ti kanhrãn mũ ri ke nĩn kỹ tóg há tĩ. Ũn camarada tỹ ti patrão ri ke nĩn kỹ tóg há tĩ gé. Iso ag tóg: Belzebu, he ja nĩgtĩ, inh kato vãsãnsãn mũ ag, hã vỹ: Japo, he mũ. Tỹ sóg ũ tỹ ãjag kanhrãn mũ ri ke nĩ, ãjag patrão ri ke. Ag tỹ iso: Japo, hen kỹ ag tóg ãjag to vĩ kónãn mũ gé, ha vem nĩ, ãjag tỹ inh jykre hã han ti kỹ,” he tóg, Jesus ti.

Mateus 11:17

“Ãjag mỹ ẽg tóg vãkyn tĩ, kanhinnhir kỹ, hã ra ãjag ne, vẽnh gringrén jãvãnh nỹtĩ'. Kỹ ẽg tóg vẽsỹrénh mũ sir, kanhinnhir kỹ, hã ra ãjag tóg, ẽg mré kygfỹ jãvãnh nỹtĩ gé,” he ag tóg tĩ, ón kỹ jagnẽ to jũ kỹ.

Mateus 3:4

João ẽn kur tóg tỹ kãvãru pãnĩ sór kyki tỹ há nĩ. Kỹ tóg nén ũ fár hã tỹ vẽsógfĩg tĩ gé. Ópã hã ko ti tĩ, mỹg mré.

Mateus 9:34

Hã ra pã'i ag tóg mẽg mũ. Kỹ ag tóg ón kỹ Jesus to vĩ kónãn mũ. “Vẽjagrẽ kórég pan há tóg nĩgtĩ. Hã ra tóg vẽjagrẽ kórég ag pã'i jykre tỹ ag pan tĩ, ti tỹ tỹ Japo mré ke nĩn kỹ,” he ag tóg, ón kỹ.

Marcos 3:22

Kỹ Topẽ vĩ to ẽg kanhrãn tĩ ag tóg tá junjun mũ gé, ti ve jé. Jerusalém tá ag tóg kãmũ jẽg. Ag tỹ ti to: “Japo tỹ tóg jagrẽ nĩ. Hã kỹ tóg vẽjagrẽ kórég ag pan tĩ,” hen kỹ. “Belzebu jykre han tóg tĩ, Nén-Kórég ag pã'i mág ẽn jykre ti,” he ag tóg.

Lucas 1:15

Topẽ vỹ ti tỹ ũn mág han ke mũ. Vinho kron ke tũ tóg nĩ. Goj fa kron ke tũ ti nĩ gé, nén ũ fa kar ti. Topẽ kuprĩg vỹ tỹ ti jagrẽ nĩnh mũ, fi tỹ ver ti vég tũ hã ra.

João 10:20

Ũn e tóg ti to: “jagrẽ kórég ti nĩ, krĩ vẽnh mỹ ti nĩ, ti vĩ mẽ sór tũg nĩ,” he mũ.

João 7:20

Kỹ ũn e ẽn ag tóg ti mỹ: “krĩ vẽnh mỹ ã tóg nĩ, ã tén sór tũ ẽg nĩ,” he mũ.

João 8:48

Kỹ Judeu ag tóg ti mỹ: “Samaria tá ke ag ri ke ã tógTopẽ vĩ ki kagtĩg nĩ, kỹ ã jagrẽ kórég nĩ gé,” he mũ.

João 8:52

Kỹ Judeu ag tóg ti mỹ: “jagrẽ kórég ã nĩ,” he mũ. “Vãhã tóg ve há tĩ, ã jagrẽ kórég ti. Abraão vỹ ter, kỹ Topẽ vĩ tó tĩ ag kar vỹ kãgter. Hã ra ã tóg ón kỹ: “ãjag tỹ inh vĩ kri fi kỹ ãjag kãgter ke tũ pẽ nĩ,” he mũ.

Han Kãme 26:24

Ti tỹ tó kãn tũ ra Festo tóg jamã hára : “krĩ tũ ã nĩ, Paulo'! Ã tỹ vẽnh rá ve mág kỹ tóg ã krĩ tũ tĩ,” he mũ.

1 Corinto 9:27

Vẽnh hã to sóg rárá tĩ. Kỹ sóg isỹ nén to én mũ ẽn han ke tũ nĩ. Inh mỹ tóg Topẽ tỹ inh fón ha mẽ tĩ, isỹ ãjag jyvẽn kar kỹ vẽjykre pãno han kỹ. Hã kỹ sóg vẽso rárá tĩ, sỹ han tũ nĩ jé.