Mateus 11:10 - O Novo Testamento na língua Kaingáng

¹⁰ Topẽ vỹ ti jẽnẽ, ti tỹ ijo tĩg jé. Hã kỹ tag tóg, ti to rán kỹ nĩ gé: “ha vé, ã jo sóg ũ jẽnẽnh ke mũ, ti tỹ vẽnh kar jykre tỹ há' hen jé, ã tĩg ken jo. Ag jyvẽn jé tóg ke mũ, kỹ tóg ẽpry kure ri ke nĩ,” he ja tóg nĩ, Topẽ ti, João to.

Mateus 11:10 Iomraidhean Croise

Mateus 11:11

Ki hã sóg tó mũ, ha mẽ. Ẽprã ke ag kãfór kar ti nĩ, Topẽ vĩ tón ki. Ge ra ũ tỹ Topẽ tỹ tỹ ẽg pã'i nĩ vég mũ ag vỹ ti kãfór nỹtĩnh mũ, ag kãsir nỹtĩ ra,” he tóg.

Mateus 11:3

Kỹ tóg Jesus mỹ: “ã hã mỹ'?“ he mũ. “Ẽg tỹ ũn jãvãnh mũ mỹ tỹ ã nĩ'? Topẽ tỹ ũn jẽnẽg mũ hã mỹ tỹ ã nĩ'? Ẽg mỹ ũ jãvãnh mãn ke tũ nĩ ha', ã pãte'?“ he tóg.

Mateus 3:3

Hã ra Isaías tóg tag rán ja nĩ: “ẽmã tũ ja tá tóg jẽnh ke mũ, ga kórég tá. Tá tóg ag mỹ jamã há ra: ”ẽg Senhor kãtĩg ke jo vẽnh jãnhkrigkrig nĩ,” henh ke mũ. “Ẽpry kurég ãjag tóg tĩ, ãjag pã'i mág jun ken kỹ. Kỹ tag ri ke han nĩ. Ãjag jykre pãno tugvãnh nĩ,” he jé tóg ke mũ,” he ja tóg nĩ, Isaías ti. Ti tỹ João mur to hã ti kãmén jan hã vẽ.

Marcos 1:2

Vãsỹ Topẽ vĩ tó tĩ tỹ Isaías vỹ Jesus to tag rán ja nĩ, kỹ tóg: “ã jo sóg ũ jẽnẽnh mũ, ti tỹ vẽnh kar kãn jé, ã tĩg ken jo,” he mũ. “Ag jyvẽn jé tóg ke mũ, kỹ tóg ẽpry prun ri ke nĩ.

Lucas 1:76

Kỹ tóg ti kósin mỹ: “ha mẽ'!” he mũ. “Sĩ ã tóg nĩ ver. Ũ tỹ kynhmỹ nĩ ẽn vĩ tó jé ã tóg ke mũ, kỹ ag tóg ã to: Topẽ vĩ tó tĩ vẽ, henh ke mũ. Ẽg Senhor jo ã tóg tĩnh mũ, ã tỹ vẽnh kar mỹ Topẽ vĩ tó jé, kỹ ã tóg ti japry kure ri ke han ke mũ,” he tóg.

João 1:23

Kỹ tóg ag mỹ Isaías tỹ rá tó mũ, hã vỹ: “ũ tỹ ẽmã tũ ja tá jẽ kỹ vẽnh kar mỹ Topẽ jykre kãmén mũ ẽn vỹ tỹ inh nĩ,” he mũ. “Ũ tỹ vẽnh kar mỹ: “ẽg Senhor japry kure ra, ti jamĩn kurynh ra,” he tĩ ẽn vỹ tỹ inh nĩ,” he tóg.