Mateus 11:1 - O Novo Testamento na língua Kaingáng

¹ Jesus tỹ ti mré mũ tĩ ag mỹ tó kãn kỹ tóg, tá kãkutẽ mũ sir, ũ tỹ 12 (ke) ag mré. Kỹ tóg ẽmã kar mĩ tĩ mũ sir. Vẽnh kar kanhrãnrãn tóg tĩ mũ, ag mỹ Topẽ vĩ tón kỹ.

Mateus 11:1 Iomraidhean Croise

Mateus 28:20

Kỹ isỹ ãjag mỹ nén tó mũ kãmén kãn nĩ gé, ag tỹ ki króm jé. Ha mẽ, ãjag mré sóg jẽ nĩ, kurã kar ki, ãjag tovãnh ke tũ sóg nĩ ha, ga tũg ke kurã ki ke gé,” he tóg, Jesus ti, ti tỹ ti mré mũ tĩ ag jẽgnẽn kỹ.

Mateus 4:23

Kỹ Jesus tóg, ga tỹ Galiléia kar mĩ tĩ mũ sir, ag mré. Judeu ag vẽnh kanhrãn jafã krẽm tóg ag kanhrãn mũ. Ag mỹ tóg Topẽ vĩ sér tó mũ, ũ tỹ kanhkã tá nĩ ẽn tỹ tỹ ẽg pã'i nĩ tĩ. Ũn kagyga kar ag hynhan tóg, fag kar ke gé, gĩr kar ke gé.

Mateus 7:28

Hã ki Jesus tóg krỹg he mũ sir, ag kanhrãn ki. Kỹ tóg vẽnh kar mỹ e tĩ sir, ti vĩ ti.

Mateus 9:35

Kỹ Jesus tóg ẽmã kar mĩ tĩ mũ, ẽmã kãsir mĩ ke gé. Vẽnh kanhrãn jafã krẽm tóg ag kanhrãn tĩ. Ag mỹ tóg ũ tỹ kanhkã tá nĩ ẽn tỹ tỹ ẽg pã'i nĩ ẽn kãmén tĩ. Kỹ tóg ũn kagyga ag hynhan tĩ gé sir.

Marcos 6:12

Kỹ ag tóg mũ mũ sir. “Ãjag jykre tovãnh nĩ,” he ag tóg mũ, vẽnh kar mỹ.

Lucas 23:5

Hã ra ag tóg ti tovãnh jãvãnh pẽ nỹtĩ. Kỹ ag tóg ti mỹ: “hã ra tóg vẽnh kar krĩ rỹ han tĩgtĩ,” he mũ. “Ga tỹ Judéia kar mĩ tóg tĩg ja nĩ, ga tỹ Galiléia mĩ ke gé, tag mĩ ke gé. Tĩg kỹ tóg vẽnh kar krĩn kónãn tĩgtĩ,” he ag tóg.

Lucas 8:1

Tag pãte Jesus vỹ ẽmã kar mĩ tĩg kãn mũ, ẽmã kãsir mĩ hã ke gé. Topẽ vĩ tó tóg tĩ mũ. Ag mỹ tóg: “Topẽ tỹ tỹ ãjag pã'i nĩ sór vẽ,” he mũ. Kỹ ũ tỹ 12 (ke) ag tóg ti mré mũ mũ.

João 15:10

Ãjag tỹ isỹ ãjag mỹ nén tó mũ ki króm kỹ ãjag tóg inh ki ge kỹ nỹtĩ nĩ, kỹ sóg ãjag to há nĩ gé. Hã kỹ sóg inh panh vĩ hã ki króm kãn mũ, kỹ tóg iso há tãvĩ nĩ.

João 15:14

Inh mré ke pẽ vỹ tỹ ãjag nỹtĩ, ãjag tỹ inh vĩ ki króm kỹ.

Han Kãme 1:2

Kỹ sóg ti tỹ kanhkã ra tãpry mũ rán huri ke gé. Ti tỹ kanhkã ra tãpry to hã tóg ti tỹ ũn kuprẽg mũ ag mré vẽmén ja nĩ ver. Topẽ kuprĩg tỹ ti mỹ nén tó mũ ẽn tó tóg mũ ag mỹ.

Han Kãme 10:38

Kỹ Topẽ tóg Jesus mỹ ti kuprĩg jẽnẽ ja nĩ. Kỹ tóg ti mỹ vẽjykre nĩm ja nĩ. Ga kar mĩ tóg tĩg ja nĩgtĩ. Nén há kar han ja tóg nĩgtĩ. Japo tỹ ũn vóg kónãn mũ ag tỹ tóg há' he ja nĩgtĩ gé. Topẽ hã ne ti mré han ja nĩgtĩ hã ra'.

Han Kãme 10:42

“Kỹ tóg ẽg mỹ: vẽnh kar mỹ inh kãmén nĩ, he ja nĩgtĩ. Topẽ vỹ ti tỹ vẽnh kar kãfór han, hem nĩ, he ja tóg nĩgtĩ. Kỹ tóg vẽnh kar jykre tugnỹm ke mũ sir, ũn rĩnrĩr mũ kar ag jykre, ũn kãgter mũ kar ag jykre ke gé, hem nĩ, iso, he ja tóg nĩgtĩ ẽg mỹ, Jesus ti,” he tóg.

1 Tessalônica 4:2

Tag kãmén sór isóg mũ ãjag mỹ, ẽg Senhor tỹ Jesus tỹ inh mỹ: “tag tóm nĩ,” he ja nĩn kỹ.

2 Tessalônica 3:10

Isỹ ver ãjag mré nĩn kỹ sóg ãjag mỹ: “ũn rãnhrãj vãnh ẽn vỹ ne konh ke tũ nĩ,” he ja nĩ.

2 Tessalônica 3:6

Inh kanhkã', vãhã sóg ãjag jyvẽn mũ gé sir. Ãjag jyvẽn tar han sóg mũ gé. Ẽg Senhor tỹ Jesus Cristo jykre tỹ sóg ãjag mỹ: “Jesus mré ke ũ ag tóg vẽnhmỹ mẽ nỹtĩ,” he mũ. Inh vĩ mranh sór ag nỹtĩ. Ẽn ag mré vĩ mãn tũg nĩ.

1 Timóteo 6:14

Sỹ tag tó sór vẽ, ã mỹ, ha mẽ: ã rãnhrãj ki rĩr há han nĩ. To krónh ke tũg nĩ. To kygnẽ sór tũg nĩ gé. Tag han kỹ ẽg Senhor tỹ Jesus Cristo tỹ vỹn ke ẽn jãvãnh nĩ.