Mateus 10:7 - O Novo Testamento na língua Kaingáng

⁷ “Ũ tỹ kanhkã tá nĩ ẽn tỹ tỹ ẽg pã'i nĩnh ke vẽ, ũri,” hem nĩ, ag mỹ.

Mateus 10:7 Iomraidhean Croise

Mateus 10:8

Ũn kaga ag tỹ há' hem nĩ. Ũn kãgter mũ ag rĩnrĩn mãn nĩ gé. Ũn kaga kren vãnh ẽn kren han nĩ. Vẽjagrẽ kórég pan nĩ gé. Ãjag mỹ sóg ge ra inh jykre nĩm mũ, hã kỹ ag mỹ: “inh mỹ kajãm,” he tũg nĩ.

Mateus 11:1

Jesus tỹ ti mré mũ tĩ ag mỹ tó kãn kỹ tóg, tá kãkutẽ mũ sir, ũ tỹ 12 (ke) ag mré. Kỹ tóg ẽmã kar mĩ tĩ mũ sir. Vẽnh kar kanhrãnrãn tóg tĩ mũ, ag mỹ Topẽ vĩ tón kỹ.

Mateus 21:31

Kỹ ũ tỹ hẽ nỹ ti panh vĩ ki króm hỹn?“ he tóg. Kỹ ag tóg ti mỹ: “ũn sanh ti,” he mũ. Kỹ Jesus tóg “hỹ, hã vẽ,” he mũ. “Hã kỹ sóg ãjag mỹ ke mũ. Ũ tỹ governo mỹ jãnkamy mãg tĩ ũ ag vỹ Topẽ vĩ mranh, hã ra ag tóg to jykrén mãn kỹ ag jykre kórég tovãnh. Kỹ ũn mén tũ ũ fag vỹ fag jykre kórég tovãnh gé. Hã kỹ ag tóg Topẽ tỹ tỹ ẽg pã'i nĩ venh ke mũ, fag ke gé. Ti kósin sanh ri ke ag hã vẽ. Ag jãvo ãjag tóg kanhkã venh ke tũ nĩ, ãjag tỹ ón kỹ Topẽ mỹ: he, he mũ ra.

Mateus 21:43

“Hã kỹ sóg ãjag mỹ: ãjag tỹ Topẽ tỹ tỹ ẽg pã'i nĩ venh ke vẽ vẽ, hã ra ãjag tóg venh ke tũ nĩ,” he mũ. “Ũ ag hã vỹ venh ke mũ, povo ũ ag, ag tỹ inh vĩ kri fi kỹ,” he tóg.

Mateus 23:13

“Ón kỹ Topẽ vĩ to ẽg kanhrãn tĩ',” he tóg. “Fariseu',” he tóg. “Jykre régre ãjag nỹtĩ. Topẽ vỹ ãjag ve kónãn,” he tóg. “Ũ ag tóg ũ tỹ kanhkã tá nĩ ẽn tỹ tỹ ẽg pã'i nĩ ve sór nỹtĩ, hã ra ãjag tóg ag mỹ kanhkã ti nenh tĩ. Ag jãvo ãjag tóg, ve sór tũ nĩgtĩ,” he tóg.

Mateus 3:2

“Ãjag jykre pãno tovãnh nĩ, Topẽ tỹ tỹ ãjag pã'i nĩ jé,” he tóg.

Mateus 4:17

Ga ẽn tá nĩ kỹ tóg, ag mỹ Topẽ vĩ tó mũ, kỹ tóg ag mỹ: “ãjag jykre pãno tovãnh ra,” he mũ, “ãjag tỹ ũri ũ tỹ kanhkã tá nĩ ẽn tỹ tỹ ẽg pã'i nĩ ve jé,” he tóg, Jesus ti.

Marcos 6:12

Kỹ ag tóg mũ mũ sir. “Ãjag jykre tovãnh nĩ,” he ag tóg mũ, vẽnh kar mỹ.

Lucas 16:16

“Moisés tỹ ẽg mỹ Topẽ vĩ tó ja ẽn vỹ João tá krỹg, vãsỹ Topẽ vĩ tó tĩ ag tỹ ẽg mỹ nén tó ja kar ẽn ti. João tá jun kỹ vẽjykre tãg vẽ sir, hã vỹ: Topẽ tỹ tỹ ẽg pã'i nĩ, he mũ. Kỹ ũ tỹ hẽn ri ke ag tóg vãsãnsãn tĩ, ag tỹ ve jé.

Lucas 9:2

Kỹ tóg ag jẽgnẽg mũ sir, ag tỹ vẽnh kar mỹ Topẽ tỹ tỹ ẽg pã'i nĩ ẽn kãmén jé, ag tỹ ũn kagyga ag tỹ há' he jé gé.

Lucas 9:6

Kỹ ag tóg mũ mũ sir. Ẽmã kar mĩ ag tóg mũ mũ. Topẽ kãmén ag tóg mũ mũ sir. Ũn kagyga ag tỹ há' he ag tóg mũ gé sir, fag ke gé.

Lucas 9:60

Hã ra Jesus tóg ti mỹ: “vó, inh ki ge tũ ag vỹ ã panh kej han mũnh mũ. Hã kỹ tóg ã tỹ inh mré tĩg há tĩ, ã tỹ Topẽ tỹ tỹ ẽg pã'i nĩnh ke ẽn kãmén jé,” he mũ.

João 3:2

Ẽn vỹ Jesus ve sór mũ, kỹ tóg kuty ra ti venh tĩ mũ, ti mré vẽmén jé. Kỹ tóg ti mỹ: “Topẽ vỹ ã jẽnẽ. Hã kỹ ã tóg ẽg tỹ nén han vãnh ẽn hynhan tĩ. Topẽ tỹ ã mré han tũ nĩ ra ã tóg han ki kagtĩg nĩnh mũ vẽ,” he mũ.

Han Kãme 10:25

Pedro tỹ tá jun kỹ Cornélio tóg ti kato kãtĩg kỹ ti jo mũg ke mũ, “ti hỹn tỹ Topẽ nĩ,” hen kỹ.

Han Kãme 28:31

Vẽnh kar mỹ tóg Topẽ tỹ tỹ ẽg pã'i nĩ kãmén mũ sir, fe tar han kỹ. Ẽg Senhor tỹ Jesus Cristo kãmén tóg mũ sir. Ũ tóg ti mỹ: “vĩ tũg ra,” he tũ nĩ, ti se kỹ nĩ hã ra.

Han Kãme 4:2

Kỹ ag tóg Pedro ag to jũgjũ mũ, ag tỹ: “Jesus vỹ rĩr mãn. Kỹ ẽg tóg ti ri kén rĩr mãn ke mũ gé, ẽg ter kỹ,“ hen kỹ.