Mateus 10:41 - O Novo Testamento na língua Kaingáng

⁴¹ Ũ tóg Topẽ vĩ tó tĩ ag mỹ: “ha kãrã,” he tĩ, ag tỹ Topẽ vĩ tó tĩ tugrĩn. Ti tỹ ag mỹ vĩ há han kỹ tóg, Topẽ mỹ há tĩ sir. Kỹ tóg kejẽn ti mỹ nén ũ há tónh ke mũ, Topẽ ti. Ũ tóg ũn jykre kuryj ag mỹ: “ha kãrã,” he tĩ gé, ag jykre kuryj nỹtĩ tugrĩn. Ẽn mỹ tóg nén ũ há tónh ke mũ gé, Topẽ ti.

Mateus 10:41 Iomraidhean Croise

Mateus 16:27

“Tỹ sóg ẽprã ke fi kósin nĩ. Kãtĩg mãn jé sóg ke mũ, kanhkã tá, isỹ jẽgnẽ jafã ag mré, inh jóg tỹ isỹ ũn mág han kỹ. Kỹ sóg vẽnh kar mỹ ag tỹ nén han ja ẽn kajãm ke mũ.

Mateus 25:44

“Kỹ ag tóg inh mỹ: “ẽg hẽ ri ke kã ã kókĩr vé, ã kron há ti? Ã hẽ ri ke kã ẽg ĩn tá jun'? Ẽg hẽ ri ke kã ã kur tũ vé', ã kaga ti', ã se ti'? Ki kagtĩg ẽg nỹtĩ,” henh ke mũ gé.

Mateus 25:45

Kỹ sóg ag mỹ: ũn jagtar ag jagãgtãn ja tũ ãjag tóg nĩgtĩ, fag ke gé, hã kỹ tóg tỹ, ãjag tỹ inh jagãgtãn tũ ri ke nĩ, mỹr, ha mẽ, henh ke mũ.

Mateus 6:1

“Kỹ ãjag tỹ Topẽ jykre han sór kỹ ũ tỹ vẽjykre pãno han mũ ag jykre ri ke han tũg nĩ. Ón kỹ ag tóg, vẽnh kar rĩnve Topẽ jykre han sór tĩ, vẽnh kar tỹ ag ve jé. Kar kỹ ag tóg hã ra, hã tũ han tĩ sir, fag ke gé. Kỹ ag ri ke han tũg nĩ, ke tũ nĩ mũ ra ẽg jóg tỹ kanhkã tá nĩ ẽn vỹ tóg, ãjag mỹ ti kaja ven ke tũ nĩ,” he tóg.

Mateus 6:18

Hã kỹ ag tóg vég tũ nĩ, ãjag vãkrég mũ ti. Ẽg jóg hã ne vég mũ inhhã', ẽg tỹ ũn vég tũ ẽn hã vỹ vég mũ. Kỹ tóg kanhkã tá ãjag mỹ ãjag ganho nĩm ke mũ. Ẽg tỹ vẽnh kar vatánh tá nén han mũ vég tóg tĩ, Topẽ ti,” he tóg, Jesus ti.

Mateus 6:4

Kỹ ãjag tỹ ag jagãgtãn kỹ ẽg jóg tỹ kanhkã tá nĩ ẽn tóg, ãjag vég mũ sir, kỹ tóg ãjag mỹ nĩm ke mũ sir, ãjag ganho ti. Ẽg tỹ vẽnh vatánh tá nén han mũ ẽn ve kãn tóg tĩ, Topẽ ti,” he tóg, Jesus ti.

Mateus 6:6

Ag jãvo ãjag tỹ Topẽ mré vẽmén kỹ ãjag ĩn kã ra gem nĩ. Kỹ jãnkã nĩfénh nĩ. Kỹ tá Topẽ mré vĩm nĩ sir, ẽg jóg mré, ẽg tỹ ũn vég tũ ẽn mré. Kỹ tóg kanhkã tá ãjag mỹ nĩm ke mũ, ãjag ganho ti. Ẽg tỹ vẽnh kar vatánh tá nén han mũ ẽn vég tóg tĩ mỹr, Topẽ ti,” he tóg, Jesus ti.

Mateus 7:8

Hỹ, hã vẽ. Ãjag tỹ ti mỹ nén ũ to vĩn kỹ tóg, ãjag mỹ han mũ sir. Ãjag tỹ jãvãnh kỹ ãjag tóg, venh ke mũ sir,” he tóg.

Han Kãme 16:15

Kỹ ẽg tóg fi kypég mũ, fi mré ke kar fag mré hã. Kỹ fi tóg ẽg mỹ: “inh mré inh ĩn ki nỹtĩm nĩ, sỹ ãjag ki rĩr jé,” he mũ. Vĩ ki fi tóg ẽg kutãn mũ. Kỹ ẽg tóg fi mỹ: “he,” he mũ.

Roma 16:23

Gaio vỹ ãjag mĩ ẽkrég tĩ. Ti ĩn krẽm sóg jẽ, kỹ ẽg tóg ti ĩn krẽm culto han tĩ. Erasto vỹ ãjag mĩ ẽkrég tĩ gé, ũ tỹ ẽmã jãnkamy ki rĩr tĩ ẽn ti. Ẽg régre tỹ Quarto vỹ ãjag mĩ ẽkrég tĩ gé.

1 Corinto 9:17

Topẽ tỹ inh mỹ: “ha kãmén,” he tũ nĩ ra sóg kanhkã tá to gỹj venh ke tũ nĩ vẽ. Hã ra tóg inh mỹ: “ha kãmén,” he ja nĩ, kỹ tóg sỹ ti rãnhrãj ki rĩr há han mũ ve sór mũ sir inh ki, Topẽ ti.

Hebreu 6:10

Rãnhrãj há han ãjag tóg tĩ. Ti to ãjag há tãvĩ nỹtĩ. Ti tũ ki rĩr há han ãjag tóg tĩ gé. Topẽ vỹ tag vég tĩ, ãjag rãnhrãj há tag. Ti pijé kã jatu nĩgtĩ'. Vẽjykre vẽnh mỹ han tũ pẽ ti nĩgtĩ, Topẽ ti.

2 João 1:8

Vẽnh ki rĩrm nĩ, ãjag tỹ ag vĩ kri fig tũ nĩ jé, ãjag rãnhrãj tỹ ãjag mỹ tũ' he tũ nĩ jé. Vãsãn nĩ, ãjag tỹ tá ti kaja ve jé, Topẽ tỹ ẽg mỹ nén nĩm sór mũ ti.