Mateus 10:26 - O Novo Testamento na língua Kaingáng

²⁶ “Ge ra ag kamẽg tũg nĩ, pã'i ag. Ẽg tỹ vẽnh péju kỹ nén han mũ tóg vẽnh ven kãn ke mũ. Ẽg tỹ vẽnh kar vatánh tá nén to jykrén mũ tóg vẽnh ven kãn ke mũ gé.

Mateus 10:26 Iomraidhean Croise

Mateus 10:28

Mũmẽg tũg nĩ, ag kamẽg tũg nĩ, pã'i ag. Ẽg tén há ag nỹtĩ, hã ra ag tóg nũgme ki ẽg fón ki kagtĩg nỹtĩ. Ũn pir hã kamẽg nĩ, hã vỹ: Topẽ, he mũ. Ti hã ne ẽg tén kar kỹ nũgme ki ẽg fón ki kanhró nĩ'. Kỹ ti hã kamẽg nĩ.

Marcos 4:22

Hã kỹ ãjag tỹ, ãjag tỹ nén ki kagtĩg ẽn ki kanhrãn kãn ke vẽ.

Lucas 24:47

“Kỹ ũ ag tỹ vẽnh kar mỹ inh kãmén ke vẽ. Ijiji tó jé ag tóg ke mũ. Vẽnh kar mỹ ag tóg: “ãjag jykre pãno tovãnh ra. Kỹ Topẽ vỹ ãjag mỹ vẽnh pãte fón ke mũ, ãjag tỹ ti vĩ mranh ja ti,” henh ke mũ. Povo kar mỹ ag tóg tónh ke mũ, hã ra ag tóg tag ki tó vén ke mũ, Jerusalém ki.

Lucas 8:17

Ge ti nĩ, sỹ ãjag mỹ nén tó mũ kar ti. Ver ãjag tóg to jykrén tũ nĩgtĩ. Ãjag tỹ vãhã to jykrén kãn ke vẽ. Ver ãjag tóg ki kagtĩg nỹtĩ. Ãjag tỹ vãhã ki kanhrãn kãn ke vẽ,” he tóg.

Han Kãme 1:8

“Hã ra Topẽ kuprĩg vỹ tỹ ãjag jagrẽ nĩnh ke mũ. Kỹ ti hã vỹ ãjag tar han ke mũ, ãjag tỹ inh kãmén jé. Jerusalém tá ãjag tóg inh kãmén ke mũ, ga tỹ Judéia tá ke gé, ga tỹ Samaria tá ke gé, ga fyn ja tá hã ke gé mỹr,” he tóg, Jesus ti.

Han Kãme 4:13

Kỹ tóg ag mỹ e tĩ. “Ẽg kamẽg tũ ag tóg nĩ mỹr,” he ag tóg, Pedro ag to. “Escola ki ge mág ja tũ ag nỹtĩ vẽ,” he ag tóg. To jykrén kỹ ag tóg: “Jesus mré ke ag vẽ,” he mũ.

Han Kãme 4:19

Hã ra Pedro tóg João mré ag mỹ: “Topẽ tóg ẽg mỹ: ha vẽnh kar mỹ tó, he ja nĩ. Hã ra ãjag tóg: “ker tó hẽ',” he mũ. Ẽg hỹn ũ tỹ hẽ vĩ han mũ', Topẽ vĩ vó, ãjag vĩ vó? Ne nỹ hỹn Topẽ mỹ há nĩnh mũ? Ẽg mỹ tó.

1 Corinto 4:5

Kỹ ũ jykre to vĩ sór tũg nĩ, kurã tỹ ẽgno to hã, ẽg Senhor kãtĩg ke to hã. Ti ha ne nén kar vẽnh ven han kãn ke mũ', ẽg tỹ vẽnh vatánh tá nén han mũ mré hã, ẽg tỹ kuty tá nén han mũ mré hã, ẽg tỹ nén ũ to jykrén mũ ẽn mré hã ke gé. Kỹ ẽg tóg mẽnh mũ sir, Topẽ tỹ ẽg mỹ vĩ há han ke ti. Vyrmỹ tóg ẽg mỹ tónh ke mũ, ẽg kar mỹ, ẽg tỹ nén han ja ti.

1 Pedro 3:14

Kejẽn ãjag tóg hã ra vẽjykre há tugrĩn vẽsỹrénh ke mũ, Topẽ vĩ tugrĩn. Kỹ mỹ sér nỹtĩm nĩ. Ẽprã ke ag kamẽg tũg nĩ. Ag vĩ jẽmẽ sór tũg nĩ, ag tỹ ãjag tỹ ti tovãnh han sór mũ ra.