Mateus 10:25 - O Novo Testamento na língua Kaingáng

²⁵ Ũn vẽnh kanhrãn mũ tỹ ũ tỹ ti kanhrãn mũ ri ke nĩn kỹ tóg há tĩ. Ũn camarada tỹ ti patrão ri ke nĩn kỹ tóg há tĩ gé. Iso ag tóg: Belzebu, he ja nĩgtĩ, inh kato vãsãnsãn mũ ag, hã vỹ: Japo, he mũ. Tỹ sóg ũ tỹ ãjag kanhrãn mũ ri ke nĩ, ãjag patrão ri ke. Ag tỹ iso: Japo, hen kỹ ag tóg ãjag to vĩ kónãn mũ gé, ha vem nĩ, ãjag tỹ inh jykre hã han ti kỹ,” he tóg, Jesus ti.

Mateus 10:25 Iomraidhean Croise

Mateus 12:24

Kỹ Pã'i ag tóg mẽg mũ sir, Jesus tỹ ti tỹ há' he ẽn ti. Hã kỹ ag tóg Jesus to: “jagrẽ kórég ti nĩ,” he mũ. “Nén-Kórég ag pã'i tỹ ti jagrẽ nĩ, Belzebu ẽn tỹ. Hã kỹ tóg Nén-Kórég ag pan tĩ,” he ag tóg mũ.

Mateus 12:27

“Belzebu tỹ tóg Nén-Kórég ag pan tĩ,” he ãjag tóg tĩ iso. Jãvo ãjag mré ke ag hỹn vẽjykre tỹ ne tỹ vẽjagrẽ kórég pan tĩ? Ag mỹ Nén-Kórég ag jykre tỹ ag pan tĩ gé', Topẽ jykre tỹ, vó? Topẽ jykre tỹ ag tóg ag pan tĩ. Ãjag tỹ tag to jykrén kỹ ãjag tóg inh jykre há ẽn ki kanhrãn ke mũ vẽ,” he tóg.

Mateus 9:34

Hã ra pã'i ag tóg mẽg mũ. Kỹ ag tóg ón kỹ Jesus to vĩ kónãn mũ. “Vẽjagrẽ kórég pan há tóg nĩgtĩ. Hã ra tóg vẽjagrẽ kórég ag pã'i jykre tỹ ag pan tĩ, ti tỹ tỹ Japo mré ke nĩn kỹ,” he ag tóg, ón kỹ.

Marcos 10:39

Kỹ ag tóg: “hỹ, ke jé ẽg tóg ke mũ,” he mũ. Hã ra Jesus tóg ag mỹ: “hỹ, jagtar jé ãjag tóg ke mũ, inh ri kén,” he mũ. “Vẽsỹrénh jé ãjag tóg ke mũ, inh ri kén.

Marcos 3:22

Kỹ Topẽ vĩ to ẽg kanhrãn tĩ ag tóg tá junjun mũ gé, ti ve jé. Jerusalém tá ag tóg kãmũ jẽg. Ag tỹ ti to: “Japo tỹ tóg jagrẽ nĩ. Hã kỹ tóg vẽjagrẽ kórég ag pan tĩ,” hen kỹ. “Belzebu jykre han tóg tĩ, Nén-Kórég ag pã'i mág ẽn jykre ti,” he ag tóg.

Lucas 11:15

Hã ra ũ ag tóg ti to: “jagrẽ kórég ti nĩ,” he mũ. “Nén-Kórég ag pã'i vỹ tỹ, ti jagrẽ nĩ, Satanás he mũ ẽn. Hã kỹ tóg Nén-Kórég ag pã'i jykre tỹ ag jagrẽ kórég pan tĩ,” he ag tóg ón kỹ.

Lucas 11:18

Ge ti nĩ, Nén-Kórég ag jykre ti. Nén-Kórég ag tỹ jagnẽ kato tẽn kỹ ag tóg, jagnẽ tỹ tũ' henh ke mũ gé. Hã kỹ tóg vẽnh mỹ nĩ, ãjag tỹ iso: “Satanás jykre tỹ tóg, Nén-Kórég ag pan tĩ,” he mũ ti,” he tóg.

Lucas 11:19

“Ãjag mré ke ag to jykrén nĩ. Nén-Kórég ag pan ag tóg tĩ gé. Ag pijé Satanás jykre tỹ ag pan tĩ'. Topẽ jykre tỹ ag tóg ag pan tĩ mỹr'. Ãjag tỹ tag to jykrén kỹ ãjag tóg inh jykre há ki kanhrãn ke mũ vẽ,” he tóg.

João 10:20

Ũn e tóg ti to: “jagrẽ kórég ti nĩ, krĩ vẽnh mỹ ti nĩ, ti vĩ mẽ sór tũg nĩ,” he mũ.

João 7:20

Kỹ ũn e ẽn ag tóg ti mỹ: “krĩ vẽnh mỹ ã tóg nĩ, ã tén sór tũ ẽg nĩ,” he mũ.

João 8:48

Kỹ Judeu ag tóg ti mỹ: “Samaria tá ke ag ri ke ã tógTopẽ vĩ ki kagtĩg nĩ, kỹ ã jagrẽ kórég nĩ gé,” he mũ.

João 8:52

Kỹ Judeu ag tóg ti mỹ: “jagrẽ kórég ã nĩ,” he mũ. “Vãhã tóg ve há tĩ, ã jagrẽ kórég ti. Abraão vỹ ter, kỹ Topẽ vĩ tó tĩ ag kar vỹ kãgter. Hã ra ã tóg ón kỹ: “ãjag tỹ inh vĩ kri fi kỹ ãjag kãgter ke tũ pẽ nĩ,” he mũ.