Mateus 10:23 - O Novo Testamento na língua Kaingáng

²³ “Ag tỹ ẽmã ũ tá ãjag vóg kónãn kỹ ẽmã ũ ra pétẽm nĩ. Ki hã sóg tó mũ, ha mẽ. Israel ag jamã fĩn rãm kãn ke tũ ãjag tóg nĩ, kurã ẽn kã. Sĩ ti nĩ, ag tỹ ãjag vóg kónãn ke kurã ẽn ti. Kãtĩg jé sóg ke mũ, ag tỹ gen kỹ ãjag vóg mũ ra. Tỹ sóg ẽprã ke fi kósin nĩ, mỹr, ha mẽ.

Mateus 10:23 Iomraidhean Croise

Mateus 16:27

“Tỹ sóg ẽprã ke fi kósin nĩ. Kãtĩg mãn jé sóg ke mũ, kanhkã tá, isỹ jẽgnẽ jafã ag mré, inh jóg tỹ isỹ ũn mág han kỹ. Kỹ sóg vẽnh kar mỹ ag tỹ nén han ja ẽn kajãm ke mũ.

Mateus 16:28

Ha vé, ki hã sóg tó mũ. Ãjag kã mĩ ũ ag tóg Topẽ tỹ tỹ ẽg pã'i nĩ venh ke mũ, ag ter ke to hã, tag ki ẽg mré nỹtĩ ũ ag. Ẽprã ke fi kósin ẽn ve jé ag tóg ke mũ, ti tỹ tỹ pã'i nĩ ti. Inh hã vẽ,” he tóg, Jesus ti.

Mateus 2:13

Ag mũ kar kỹ José tóg kejẽn Topẽ tỹ jẽnẽ jafã vég mũ, ti vẽnh péti kỹ. Kỹ tóg ti mỹ: “ũn sĩ va tĩg, ga tỹ Egito ra, ti mỹnh fi mré. Herodes vỹ ti tén sór mũ. Kejẽn sóg ã mỹ: ha vỹn ké, henh ke mũ. Egito tá inh vĩ jãvãnh nĩ,” he tóg.

Mateus 23:34

Hã kỹ sóg ãjag mỹ, Topẽ vĩ tó tĩ pẽ ag jẽgnẽnh ke mũ, vẽnh vĩ hapẽ tó mũ ag, Topẽ vĩ rán tĩ pẽ ag, ag tỹ ãjag jyvẽn jé. Kỹ ãjag tóg ag kãgtén ke mũ gé, ha vem nĩ. Ka to ãjag tóg ag sanh ke mũ. Ag mrãnmrãn jé ãjag tóg ke mũ, ãjag tỹ vẽnh kanhrãn jafã krẽm. Ẽmã kar mĩ ãjag tóg ag nón mũnh mũ, ãjag tỹ ag vóg kónãn jé.

Mateus 23:36

Ãjag mỹ sóg tó mũ, ha mẽ. Ãjag hã to ti jũnh ke mũ, Topẽ ti, ãjag jógjóg ag tỹ ag kãgtén tugrĩn, ãjag tỹ ag kãgtén tugrĩn ke gé,” he tóg, Jesus ti.

Mateus 24:27

Inh kãtĩg mãn ke vỹ, ta tỹ kóm kóm ke ri ke nĩnh mũ. Ti tỹ kóm kóm ke kỹ ẽg tóg, nén kar vég tĩ, rã jur ja tá, rã pur ja tá ke gé. Inh kãtĩg mãn ke vỹ ri ke nĩnh mũ. Tỹ sóg ẽprã ke fi kósin nĩ,” he tóg.

Mateus 24:30

Kỹ vãhã ẽprã ke fi kósin vỹ vẽnh ven ke mũ, kanhkã tá. Kỹ ga kri mũ kar vỹ kygfỹ kãn ke mũ sir, povo kar ti, vẽnh kar tỹ inh kãtĩg ven kỹ. Kanhkã góg kã mĩ sóg kãtérenh ke mũ. Tar pẽ sóg nĩnh mũ, ha vem nĩ, kỹ inh ve vỹ kókov pẽ nĩnh mũ gé.

Mateus 24:34

Sỹ ke há vẽ, ha mẽ: ũri ũn rĩnrĩr nỹtĩ ag tỹ nén kar ẽn venh ke vẽ, ag kãgter ke to hã.

Mateus 24:48

Kejẽn ti camarada ũ tóg hã ra jykre pãno nĩ. Kỹ tóg: “ẽg patrão vỹ kãtĩg vãnh han mũ,” he mũ sir.

Mateus 25:13

“Hã kỹ sóg ãjag mỹ: vẽnh ki rĩr, nũr tũg ri ke han nĩ, he mũ. Kãtĩg jé sóg ke mũ. Hã ra ãjag tóg inh kãtĩg ke kurã ki kagtĩg nỹtĩ, inh óra ki ke gé. Hã kỹ inh jãvãnh to krónh ke tũg nĩ,” he tóg.

Mateus 26:64

Kỹ Jesus tóg: “ki hã ã tóg tó mũ,” he mũ. “Kỹ sóg ãjag mỹ tag tó mũ gé, ha mẽ. Ẽprã ke fi kósin vỹ tỹ inh nĩ,” he tóg. “Kỹ ãjag tóg ũ tỹ nén ũ kar han mũ ẽn pẽgja tá inh venh ke mũ. Kanhkã góg kã mĩ sóg kãtérenh ke mũ gé,” he tóg.

Mateus 4:12

Kejẽn ag tóg João ség mũ sir, kỹ Jesus tóg mẽg mũ. Kỹ tóg ga tỹ Galiléia ra vỹn ke mãn mũ.

Marcos 13:26

Kỹ vãhã vẽnh kar vỹ ẽprã ke fi kósin kãtére venh ke mũ sir, kanhkã góg kãmĩ, inh jykre tar pẽ nĩn kỹ. Inh ve vỹ kókov pẽ nĩnh mũ gé.

Lucas 18:8

Hã ra tóg ãjag krenkren han ke mũ, kãnhmar, ha vem nĩ. Ki hã sóg tó mũ,” he tóg. “Hã ra ag mỹ ẽprã ke fi kósin ẽn kãtĩg mãn kỹ ti mré mũ sór mũ vỹ?“ he tóg.

Lucas 21:27

Kỹ vãhã vẽnh kar vỹ inh kãtĩg venh ke mũ. Kanhkã góg kã mĩ sóg kãtĩg ke mũ. Kỹ sóg tar nĩnh mũ, inh ve vỹ kókov nĩnh mũ. Ãjag tỹ tag ve kỹ ãjag tóg isỹ tỹ ẽpra ke fi kósin nĩ ẽn ki kanhró nỹtĩnh mũ,” he tóg, Jesus ti.

João 7:1

Tag pãte Jesus tóg Galiléia mĩ tĩ mũ. Judéia ra tĩg sór tũ tóg nĩ ver, ag tỹ tá ti tén sór kỹ, Judeu ag pã'i ag.

Han Kãme 17:10

Kuty ẽn kã Jesus mré ke ag tóg Paulo mỹ: “ha tĩg, Beréia ra,” he mũ. Silas mỹ ag tóg ke mũ gé. Kỹ ag tóg mũ mũ. Ag tỹ Beréia tá junjun kỹ ag tóg Judeu ag vẽnh kanhrãn jafã kã ra ge mũ, ag mỹ Topẽ vĩ tó jé.

Han Kãme 17:14

Kỹ Jesus mré ke ag tóg Paulo mỹ: “ha tĩg, canoa mág kã mĩ,” he mũ. Hã ra Silas vỹ tĩ tũ nĩ, Timóteo ke gé. Beréia tá ag nỹtĩ.

Han Kãme 20:1

Vẽnh kar tỹ jatu hen kỹ Paulo tóg Jesus ki ge kỹ nỹtĩ ag jé prẽr mũ, ag jyvẽn jé. Kỹ tóg ag mỹ: “sỹ tĩg ke nẽ ha,” he mũ. Kỹ tóg ga tỹ Macedônia ra tĩ mũ sir.

Han Kãme 8:1

Jãvo tóg Saulo ẽn mỹ há tĩ, ag tỹ ti tén kỹ. Kurã ẽn kã ag tóg Jesus ki ge kỹ nỹtĩ kar vóg kónãn jagy han mũ, Jerusalém tá. Kỹ ag tóg jagtar tãvĩ nỹtĩ. Kỹ ag tóg vẽnh kãpugpóv kãn mũ sir. Ga tỹ Judéia kar mĩ ag tóg mũ mũ, ga tỹ Samaria mĩ ke gé.