Mateus 10:22 - O Novo Testamento na língua Kaingáng

²² Vẽnh kar vỹ ãjag to jũ kỹ ãjag vóg kónãn sór nỹtĩ, isugrĩn. Hã ra ũ tỹ isovãnh tũ ẽn ag hã vỹ, krenkren ke mũ, kurã tỹ ẽgno ẽn kã,” he tóg.

Mateus 10:22 Iomraidhean Croise

Mateus 10:39

Ãjag tỹ iser ri ke han sór tũ nĩn kỹ ãjag tóg nũgme ki vár ke mũ, ãjag tỹ ãjag jykre tovãnh sór tũ nĩn kỹ. Ãjag tỹ isugrĩn kãgter sór kỹ ãjag tóg rĩr krỹg ja tũ ẽn venh ke mũ, ãjag tỹ ãjag jykre tovãnh kỹ,” he tóg, Jesus ti.

Mateus 24:13

Hã ra ũ tỹ isovãnh tũ pẽ ẽn ag tóg, krenkren ke mũ.

Mateus 24:9

“Kar kỹ ãjag jagtar ke mũ, ãjag tỹ inh ki ge kỹ nỹtĩ tugrĩn. Ãjag vóg kónãn jé ag tóg ke mũ, ãjag kãgtén jé ag tóg ke mũ gé. Nação kar vỹ, ãjag to vĩ kónãn ke mũ, ãjag tỹ inh jiji tó tugrĩn.

Mateus 5:11

“Topẽ vỹ ãjag ve há han mũ, ag tỹ isugrĩn ãjag mỹ vĩ kónãn mũ ra, ag tỹ ãjag vóg kónãn mũ ra. Ag tỹ ón kỹ ãjag to vĩ vĩ he kỹ tóg há tĩ, ag tỹ ón kỹ: “jykre pãno ag nỹtĩ,” he mũ ra.

Marcos 13:13

Vẽnh kar vỹ tóg ãjag to vĩ kónãn ke mũ gé, ijiji tugrĩn. Hã ra ũ tỹ isovãnh tũ pẽ ẽn kren ke vẽ,” he tóg.

Lucas 21:17

Vẽnh kar vỹ ãjag to kórég tãvĩ nỹtĩnh mũ, ijiji tugrĩn.

Lucas 21:19

To tar nỹtĩm nĩ, ãjag vẽsỹrénh ke to, kỹ ãjag tóg rĩr krỹg ja tũ ẽn venh ke mũ,” he tóg, Jesus ti.

Lucas 6:22

“Topẽ vỹ ãjag ve há han mũ, ag tỹ isugrĩn ãjag to kórég nỹtĩn kỹ, ãjag mỹ: “ha mũ jẽg, hen kỹ. Ag tỹ isugrĩn ãjag mỹ vĩ kónãn kỹ tóg há tĩ, ag tỹ ón kỹ ãjag jykre kórég tó kỹ. Tỹ sóg ẽprã ke fi kósin nĩ mỹr,” he tóg.

Lucas 8:15

Kar ga há ki krãn kỹ nỹtĩ ag vỹ, ge nỹtĩgtĩ gé. Jẽmẽg ag tóg tĩ. Kỹ ag tóg, ag fe tỹ ti ki rã mũ sir, ag tỹ ti vĩ ki króm jé. Kỹ ag tóg, kanẽn há han mũ sir. Komẽr hã ag tóg, kanẽn há han', han', he mũ, ag tỹ nén ũ jagy vég mũ ra,” he tóg.

João 17:14

Ag mỹ sóg hur ã vĩ kãmén. Kỹ ũ tỹ inh ki ge tũ ag vỹ ag to jũ mũ, ag tỹ tỹ ag mré ke tũ nỹtĩn kỹ. Inh pijé tỹ ag mré ke nĩ gé', ũ tỹ ag to jũ mũ ẽn ag mré, fag ke gé.

João 7:7

Ũ tỹ iso jũ mũ ag pijé ãjag to kórég nỹtĩ'. Inh ã to tóg kórég nỹtĩ, isỹ ag mỹ: ãjag jykre vỹ kórég nĩ, hen kỹ.

Han Kãme 9:16

“Isugrĩn tóg jagtar ke mũ, ha vem nĩ,” he tóg.

Roma 2:7

Ẽn kã tóg ẽg mỹ ẽg rĩr krỹg ja tũ ven ke mũ, ũn jykre kuryj ag mỹ, fag mỹ ke gé. Ẽg tỹ ti jykre há to tar nỹtĩn kỹ tóg ẽg mỹ ẽg rĩr krỹg ja tũ ven ke mũ, ẽg tỹ tá tỹ ũn mág nỹtĩ jé.

2 Corinto 4:11

Kurã kar ki sóg ter kren tĩ, Jesus tugrĩn. Hã ki Jesus rĩr nĩ tóg inh ki ve há tĩ, inh fár vag ke mũ ra.

Galácia 6:9

Hã kỹ nén ũ há han to krónh ke tũg nĩ. Ve jé ẽg tóg ke mũ, Topẽ tỹ ẽg mỹ nén ũ há han ke ti.

Hebreu 3:14

Ha mẽ, Cristo tũ vỹ tỹ ẽg nỹtĩ, ẽg tỹ ti tovãnh sór tũ nỹtĩn kỹ. Ẽg tỹ ti ki rã vén mũ kã ẽg tóg ti to tar nỹtĩ ja nĩgtĩ. Ẽg tỹ ẽn ri ke ti to tar nỹtĩn kỹ ẽg tóg tỹ ti tũ nỹtĩ.

Hebreu 6:11

Hã ra sóg ãjag mỹ tag tó, ãjag tỹ ti to tar tãvĩ nỹtĩ jé, ãjag tỹ ti to krónh ke tũ nĩ jé. Kỹ ãjag tóg venh ke mũ, ãjag tỹ nén ve sór mũ ti.

Tiago 1:12

Kejẽn ũ tóg Jesus tugrĩn ẽg to jũ nĩ. Ẽg tỹ hã ra Topẽ tovãnh tũ nĩn kỹ tóg há tĩ. Kỹ ẽg Senhor tóg ẽg mỹ ẽg rĩr krỹg ja tũ ven ke mũ. Kỹ tóg ũ tỹ carreira ki ka féj tỹ coroa gỹjỹ he mũ ẽn ri ke nĩ sir. Ẽg Senhor vỹ ẽg mỹ: “rĩr krỹg ja tũ ve jé ãjag tóg ke mũ, ãjag tỹ iso há nỹtĩn kỹ,” he ja nĩgtĩ.

1 João 3:13

Inh kanhkã', ũ tỹ Topẽ ki rã tũ ag pijé ẽg to há nỹtĩnh mũ'. Tag jé ãjag mỹ kórég nỹ tũg hã ra.

Nén Venh Ke 2:10

Ãjag jagtar han jé ag tóg ke mũ, isugrĩn. Mũmẽg tũg nĩ hã ra. Japo vỹ ãjag kato vãsãn ke mũ. Kỹ ag tóg vẽseja kã tá ãjag vãm ke mũ. Kurã tỹ 10 (ke) ki ke vẽ, ag tỹ ãjag vóg kónãn ke ti. Isovãnh tũg nĩ. Kỹ ãjag tóg rĩr krỹg ja tũ venh ke mũ. Kỹ tóg ãjag mỹ sér tĩnh mũ, he tóg,” hem nĩ, vẽnh rán ki,” he tóg inh mỹ.

Nén Venh Ke 2:17

“Ũ nĩgrẽg nỹtĩ ag tỹ tỹ jẽmẽ jé, Topẽ kuprĩg vĩ ti. Ũ tỹ inh ki ge kỹ nỹtĩ ag hã mỹ tóg tó tĩ,” he tóg. “Ũ tỹ isovãnh tũ mỹ sóg kanhkã tá vẽjẽn tỹ péju kỹ nĩ ẽn nĩm ke mũ. Ag mỹ sóg pó kupri nĩm ke mũ gé. Kri vẽnh jiji tãg tóg rán kỹ nĩ. Ũ pijé vẽnh jiji tag ki kanhró nĩnh mũ'. Ũ tỹ mãg mũ ẽn hã tóg ki kanhró nĩnh mũ, ti jiji tãg ki, he tóg, hem nĩ,” he tóg, ũ tỹ tỹ ẽprã ke nĩ ve ẽn ti. Ti tỹ ẽmã tỹ Pérgamo tá ke ag mỹ vẽnh vĩ jẽnẽg mũn hã vẽ.

Nén Venh Ke 2:26

Ũ tỹ isovãnh tũ ẽn ag tỹ sóg pã'i hynhan ke mũ, povo kar kri, ũ tỹ inh vĩ ki króm mũ ag tỹ, ũ tỹ iso krónh ke tũ ẽn ag tỹ ke gé. Inh panh vỹ isỹ pã'i han, hã kỹ sóg ãjag tỹ pã'i han ke mũ gé,

Nén Venh Ke 2:3

Iso tar ãjag tóg nỹtĩ. Isugrĩn ãjag tóg jagtar, ge ra ãjag tóg iso krónh ke ja tũ nĩ.

Nén Venh Ke 2:7

“Ũ nĩgrẽg nỹtĩ ag tỹ tỹ jẽmẽ jé, Topẽ kuprĩg vĩ ti. Ũ tỹ inh ki ge kỹ nỹtĩ ag hã mỹ tóg tó tĩ,” he tóg. “Ũ tỹ isovãnh tũ ẽn vỹ ka tỹ ẽg rĩnrĩr han ke mũ ẽn kanẽ konh ke mũ, Topẽ jakré ẽn kanẽ,” he tóg, ũ tỹ tỹ ẽprã ke nĩ ve ẽn ti. Ti tỹ Éfeso tá ke ag mỹ vẽnh vĩ jẽnẽg mũn hã vẽ.

Nén Venh Ke 3:21

Ũ tỹ isovãnh tũ ẽn mỹ sóg: “inh mré nĩ,” he sór mũ. Kỹ tóg inh ri ke tỹ ũn mág nĩnh ke mũ. Inh panh mré sóg tỹ ũn mág nĩ ha, isỹ ti tovãnh ja tũ nĩn kỹ. Kỹ tóg tá inh mré nĩnh ke mũ gé,” he tóg, hem nĩ, vẽnh rán ki,” he tóg, ũ tỹ tỹ ẽprã ke nĩ ve ẽn ti.