Mateus 10:2 - O Novo Testamento na língua Kaingáng

² Jesus tỹ ũn vin mũ ag jijin hã vẽ, ha mẽ. Ũn ve vỹ tỹ Simão nĩ, kỹ ti jiji ũ hã vỹ: Pedro, he mũ. Kar kỹ ti jãvy vỹ nĩ gé, hã vỹ: André, he mũ, Tiago ke gé, Zebedeu kósin tag ti, ti jãvy tỹ João ke gé,

Mateus 10:2 Iomraidhean Croise

Mateus 17:1

Kar kurã tỹ 6 tũg kỹ Jesus tóg ag mỹ: “mũ nỹ, vyr mỹ,” he mũ. Pedro mỹ tóg ke mũ. Tiago mỹ ke gé, ti jãvy tỹ João mỹ ke gé. Ag hã mré tóg tĩ mũ, pãnónh ra.

Mateus 20:20

Kỹ Zebedeu krẽ ag mỹnh fi tóg Jesus venh kãtĩ mũ, fi krẽ ag mré. Kỹ fi tóg ti krẽm mũg ke mũ.

Mateus 26:37

Kỹ tóg Pedro mré Zebedeu krẽ ag mỹ: “inh mré kãmũ jẽg,” he mũ. Fe kaj tóg nĩ sir. Mũmẽg tóg mũ gé.

Mateus 4:18

Kỹ tóg kejẽn, goj nig mág tỹ Galiléia ẽn fyr jagma tĩ mũ. Kỹ tóg tá ũn régre ag vég mũ, hã vỹ: Simão Pedro mré ti jãvy tỹ André, he mũ. Kur tỹ pirã kugmĩ jafã tỹ ag tóg, goj kã ki fón mũ. Ag rãnhrãj hã vẽ.

Mateus 4:21

Kỹ ag tóg mũ mũ, goj fyr jagma. Ag mũ sĩ han mũ ra tóg, ũn régre ũ ag ve mãn mũ gé, hã vỹ: Tiago mré ti jãvy tỹ João he mũ. Zebedeu krẽ ag vẽ. Canoa kã ki ag nỹtĩ, kur tỹ pirã kugmĩ jafã ki ag tóg han nỹtĩ nĩ. Ag panh vỹ, ag mré nĩ nĩ. Kỹ Jesus tóg, ag mỹ: “inh mré kãmũjẽg,” he mũ.

Marcos 1:29

Kar kỹ Jesus tóg ag vẽnh kanhrãn jafã tá kãkutẽ kỹ Simão Pedro ĩn kã ra rã mũ sir. André mré ti ĩn vẽ. Tiago vỹ João mré ra rã mũ gé.

Marcos 13:3

Kar kỹ tóg krĩ tỹ Oliveiras ra tĩg kỹ tá nĩ nĩ sir, Topẽ ĩn kakãm. Kỹ Pedro, Tiago, João, André ag tóg ag pin kỹ ti mỹ:

Marcos 6:30

Jesus tóg ti tỹ ũn vin mũ ag jẽgnẽ ja nĩgtĩ, ag tỹ vẽnh kar mỹ ti kãmén jé, ũn kagyga ag tỹ há' he jé ke gé. Hã ra ag tóg kejẽn ti to vỹnvỹn ke mũ sir, ti mỹ ag tỹ nén han ja ẽn kãmén jé.

Lucas 11:49

Hã kỹ Topẽ vỹ ãjag to vĩ ja nĩ. Ki kanhró ti nĩ, hã kỹ tóg ãjag to vĩ kónãn ja nĩ, ha mẽ. “Inh vĩ tó tĩ ag jẽgnẽ jé sóg ke mũ, isỹ ũn vin mũ ag ke gé, ag tỹ ag mỹ inh vĩ tó jé. Hã ra ag tóg ag vóg kónãn ke mũ, ag kãgtén jé ag tóg ke mũ,” he ja tóg nĩ, Topẽ ti.

Lucas 22:14

Kỹ tóg ag tỹ konh ke óra tá krỹg mũ. Kỹ tóg, ti tỹ ũn vin ja ag mré tá nĩ nĩ.

Lucas 22:8

Kỹ tóg Pedro jẽnẽg mũ, João mré. Kỹ tóg ag mỹ: “ha fénhta kãn mũjẽg,” he mũ.

Lucas 5:10

Zebedeu krẽ tỹ Tiago mré João mỹ ke gé. Simão mré ag tóg rãnhrãj mũgtĩ. Simão tỹ ti mỹ: “ã hỹn inh ré kỹ tĩg mũ ha,” hen kỹ tóg ti mỹ: “vó, mũmẽg tũg nĩ,” he mũ.“Pirã kugmĩ há ã tóg nĩ. Ã kanhrãn jé sóg ke mũ, ã tỹ ẽprã ke ag tỹ inh ki ge han jé,” he tóg.

Lucas 9:10

Kejẽn Jesus tỹ ũn vin mũ ag vỹ ti to vỹnvỹn ke mũ, ti tỹ ag jẽgnẽ ja ẽn tá. Ti mỹ ag tóg kãmén mũ sir. Kỹ tóg ag mré vẽnh péju kỹ tĩ mũ, ẽmã tỹ Betsaida ra, vyr mỹ ag mré vẽmén jé.

João 12:22

Kỹ tóg André mỹ tónh tĩ mũ, kỹ ag tóg jagnẽ mré Jesus mỹ tónh mũ mũ.

João 13:23

Hã ra ũ tóg Jesus rã hã nĩ nĩ, ẽn kã, ti tỹ ti to há nĩn kỹ.

João 20:2

Kỹ fi tóg Simão Pedro to vẽnhvãg tĩ mũ sir, Jesus mré tĩ tĩ ũ to ke gé, ũ tỹ Jesus to há tãvĩ ẽn to. Kỹ fi tóg ag mỹ: “ẽg Senhor va ag tóg mũ ja nĩ,” he mũ. “Ti kej kã ki tóg tũ nĩ. Ag hỹn hẽ ra ti va kagáv,” he fi tóg.

João 21:2

Simão Pedro vỹ tá nĩ, Tomé ti ke gé, ag tỹ ũ to: “ũn vẽgni,” he mũ ẽn ti, kar kỹ Natanael ti ke gé, ẽmã tỹ Caná tá ke ẽn, ga tỹ Galiléia tá ke ẽn, kar kỹ Zebedeu krẽ ag vỹ tá nỹtĩ gé, Jesus mré mũ tĩ régre ũ ag ke gé.

João 21:20

Ag mũn kỹ Pedro tóg vẽsỹjãm ẽvãnh kỹ ũ tỹ Jesus nón kãtĩ mũ ẽn vég mũ gé, Jesus tỹ ũ to ha tãvĩ ẽn. Ag jẽn rén ja ẽn tá tóg Jesus rã hã nĩ ja nĩ. Ẽn kã tóg Jesus mỹ: “ũ nỹ hỹn ã ven ke mũ, pã'i ag mỹ?“ he ja nĩ. Ẽn hã vỹ Jesus nón tĩ mũ, Pedro tỹ ti mré tĩ ra.

João 21:24

João vỹ tỹ inh nĩ. Inh hã vỹ tag ve kãn ja nĩ, hã kỹ sóg rán. Ki hã tó sóg tĩ. Vẽnh kar vỹ tag ki kanhró nỹtĩ.

João 6:67

Kỹ tóg ũ tỹ 12 (ke) ag mỹ: “ãjag hỹn isovãnh sór mũ gé,” he mũ.

João 6:70

Kỹ tóg ũ tỹ 12 (ke) ag mỹ: “ãjag kuprẽg inh, hã kỹ ãjag tóg tỹ ũ tỹ 12 (ke) nỹtĩ. Hã ra ãjag kã mĩ ũn pir vỹ tỹ Japo tũ nĩ jãvo,” he mũ.

João 6:71

Ti tỹ Judas ẽn tó vẽ, Simão Iscariotes kósin ẽn. Ẽn vỹ kejẽn ti tovãnh kỹ pã'i ag mỹ ti fẽg mũ, ag tỹ ti se jé. Hã ra Jesus tóg ti tỹ nén han ke mũ ẽn ki kanhró ja nĩ.

João 6:8

Kỹ ag mré tĩ tỹ André he mũ ẽn, Simão jãvy ẽn tóg Jesus mỹ:

Han Kãme 1:13

Ũ tỹ tá kãmũ mũ ag hã vẽ, hã vỹ: Pedro, João, Tiago, André, Filipe, Tomé, Bartolomeu, Mateus, Tiago ũ, Alfeu kósin ẽn, Simão, Judas ũ, Tiago kósin ẽn, he mũ, Jesus tỹ ũn vin mũ ẽn ag.

Han Kãme 1:26

Kỹ ag tóg to joga he mũ sir, hã ra Matias tóg Judas jẽgja kã jẽ mũ. Hã kỹ tóg tỹ ũ tỹ 11 (ke) ag mré ke nĩ sir. Tỹ tóg apóstolo jẽ sir.

Han Kãme 12:2

Kỹ tóg soldado jẽnẽg mũ, ti tỹ Tiago tén jé, João kãke ẽn. Kyfé téj tỹ tóg ti tén mũ, rógro téj tỹ.

Han Kãme 3:1

Kejẽn Pedro mré João ag tóg Topẽ ĩn ra mũ mũ, meio dia pãte 3 óra ki. Judeu ag tỹ Topẽ mré vĩ jafã vẽ, hã vỹ: 3 óra, he mũ.

1 Corinto 15:7

Kar kỹ Tiago tóg ti ve gé, kar kỹ ti tỹ ũn vin mũ kar ag ke gé, apóstolo kar ẽn ag.

Éfeso 4:11

Ti hã ne ti rãnhrãj kar to ẽg tar han tĩ'. Ũ ag vin kỹ tóg ag tỹ apóstolo hynhan. Ũ mỹ tóg: “ũ tỹ inh vĩ mẽ ja tũ ag mỹ inh vĩ tónh tĩg nĩ,” he mũ. Ũ tỹ tóg igreja to kófa han. Ũ mỹ tóg: “ũ tỹ igreja krẽm vẽnh mãn tĩ ag mỹ inh vĩ kãmén nĩ,” he mũ gé.

Hebreu 3:1

Inh kanhkã', Topẽ tũ vỹ tỹ ãjag nỹtĩ. Kỹ tóg ãjag kuprẽg, ãjag tỹ kanhkã tá ve jé. Hã kỹ Jesus mĩ ẽkrén nĩ. Topẽ vỹ ti fẽg. Kỹ tóg ẽg mỹ tỹ Topẽ tũ to pã'i mág ẽn ri ke nĩ, ẽg tỹ ti ki rã kỹ.

1 Pedro 1:1

Pedro tỹ ãjag mỹ carta rán hã vẽ. Jesus Cristo vỹ inh fẽg, sỹ tỹ ti apóstolo jẽ jé. Sỹ Topẽ tỹ ũn kuprẽg mũ ag mỹ rán hã vẽ. Ẽg mré ke tũ ag kã mĩ ãjag tóg mũgtĩ, ũ tỹ Jesus ki ge tũ ag kã mĩ, Ponto tá, Galácia tá, Capadócia tá, Ásia tá, Bitínia tá ke gé.

2 Pedro 1:1

Simão Pedro tỹ ãjag mỹ carta rán hã vẽ. Jesus Cristo tỹ inh fẽ vẽ, sỹ ti rãnhrãj han jé, sỹ tỹ ti apóstolo jẽ jé. Isỹ ũ tỹ inh mré Jesus Cristo ki ge kỹ nỹtĩ kar ag mỹ rán hã vẽ. Topẽ vỹ ẽg kuprẽg, ũn jykre kuryj ẽn, ẽg tỹ ẽg krenkren han mũ tỹ Jesus Cristo ki ge jé.

2 João 1:1

João tỹ rá vẽ, Igreja to kófa ẽn ti. Isỹ inh mré ke fi mỹ rán hã vẽ, Topẽ tỹ fi kuprẽg kỹ. Fi krẽ mỹ ke vẽ gé, hã vỹ: Topẽ ki ge kỹ nỹtĩ kar, he mũ. Ãjag to sóg há tãvĩ nĩ, ha mẽ. Kỹ ũ tỹ vẽnh vĩ há kri fig mũ kar vỹ ãjag to há nỹtĩ gé, inh mré.

3 João 1:1

João tỹ rá vẽ, Igreja to kófa ẽn ti. Sỹ inh mré ke tỹ Gaio mỹ rán hã vẽ.

Nén Venh Ke 1:1

Topẽ vỹ Jesus Cristo mỹ nén ũ tỹ hẽn ri ke ven, ẽg tỹ kãnhmar nén venh ke mũ ti. Kỹ Jesus vỹ ẽg mỹ ven, ẽg tỹ tỹ ti mỹ rãnhrãj tĩ nỹtĩn kỹ. Kỹ tóg ti tỹ jẽnẽ jafã jẽnẽ, ti tỹ ti mỹ rãnhrãj tĩ tỹ João mỹ tó jé gé.

Nén Venh Ke 1:9

Ãjag mré ke vỹ tỹ inh nĩ, inh, hã vỹ: João, he mũ. Jesus mré ke vỹ tỹ inh nĩ. Jagtar inh nĩ gé, ãjag jagtar ri ke. Hã ra sóg ãjag kóm to krónh ke tũ nĩgtĩ gé. Kỹ sóg ãjag mré Topẽ tỹ tỹ ẽg pã'i nĩ venh ke mũ gé. Goj vãso kã inh nĩ nĩ, ti jijin hã vỹ: Patmos, he mũ. Kã sóg se kỹ nĩ nĩ, isỹ Topẽ vĩ tó ja tugrĩn.

Nén Venh Ke 18:20

“Kanhkã tá nỹtĩ kar'. Mỹ sér nỹtĩm nĩ. Topẽ ki ge kỹ nỹtĩ kar', apóstolo kar', Topẽ vĩ tó tĩ kar', mỹ sér nỹtĩm nĩ. Tũ' he kãn ag huri, ẽmã ẽn tá ke kar ag. Topẽ vỹ hur ag vóg kónãn, ag tỹ ãjag vóg kónãn ja tugrĩn.“

Nén Venh Ke 22:8

Tag kar ve inh, mẽ inh ke gé, inh, hã vỹ: João, he mũ. Isỹ ve kãn kar kỹ sóg ũ tỹ inh mỹ tag ven mũ ẽn krẽm mũg ke mũ, sỹ ti mỹ: “Topẽ vỹ tỹ ã nĩ,” he jé.