Mateus 10:16 - O Novo Testamento na língua Kaingáng

¹⁶ “Carneiro vỹ, vẽnh jy nĩgãn ki kagtĩg nỹtĩ, mĩg tỹ ag mãn sór mũ ra. Ri ke ãjag nỹtĩ, hã ra sóg ãjag jẽgnẽnh mũ, ũ tỹ tỹ mĩg ri ke ag to, hã ra Topẽ hã vỹ ãjag jy nĩgãn ke mũ sir. Hã kỹ vẽnh ki rĩr há han nĩ. Pỹn jykre ri ke han nĩ. Vãjig tóg tĩ, kỹ ẽg tóg kãnhmar ti tỹ hẽ ri ke tũ nĩgtĩ. Kỹ sórãg jykre ri ke han nĩ gé. Jũ vãnh pẽ ti nĩ, nén ũ vẽnh mỹ han tũ ti nĩgtĩ.

Mateus 10:16 Iomraidhean Croise

Mateus 24:25

Ãjag mỹ sóg tó kãn mũ, ti kutẽnh ke to hã,” he tóg, Jesus ti.

Mateus 24:45

Kỹ tóg ag mỹ ti kãtĩg mãn ke tó mãn mũ. “Kejẽn patrão tóg hẽn ra tĩg sór mũ. Kỹ tóg ti camarada ag kã ũ kuprẽg mũ, ti tỹ ti jo ti mré camarada ag ki rĩr jé, ag mỹ vẽjẽn ven jé, vẽjẽn ke horan ki.

Mateus 25:2

Ũ tỹ 5 fag vỹ jykre kórég nỹtĩ, jãvo ũ tỹ 5 (ke) fag vỹ jykre há nỹtĩ.

Mateus 25:4

Fag jãvo ũn jykre há fag vỹ vyrmỹ tỹ ki mĩn jafã ma mũ mũ.

Mateus 25:9

Hã ra fag tóg fag mỹ: “ẽg tỹ ãjag mỹ vẽnh kãpãm kỹ tóg ẽg mỹ kã kyn kenh ke mũ gé, ãjag ri kén. Ũ kanẽnh mũjẽg,” he mũ.

Lucas 10:3

“Ha mũjẽg. Ha vé, mé krẽ vỹ vẽnh jy nĩgãn ki kagtĩg nỹtĩ, mĩg tỹ ag mãn sór kỹ. Mé krẽ ẽn ri ke ãjag nỹtĩ. Ge ra sóg ãjag jẽgnẽg mũ. Kỹ Topẽ vỹ ãjag jy nĩgãn mũ,” he tóg.

Lucas 21:15

Inh hã vỹ ãjag vĩ han ke mũ. Inh jykre nĩm jé sóg ke mũ ãjag mỹ, ãjag tỹ ag mỹ tó há han jé. Kỹ tóg ag tỹ ãjag vĩ kafãn sór mũ ra ag mỹ vẽnh mỹ tĩnh mũ, ãjag kato tẽ ag tỹ ne tónh ke tóg tũ tĩnh mũ, ha vem nĩ.

Han Kãme 20:29

Isĩg kỹ ũ ag tóg ãjag ki junjun ke mũ, kỹ ag tóg mĩg ri ke nỹtĩ, ti mẽg mãn sór kỹ, hã vỹ: Jesus ki ge kỹ nỹtĩ ag kókén sór mũ, he mũ.

1 Corinto 14:20

Inh kanhkã', to jykrén há han nĩ. Gĩr tỹ nén ũ to jykrén tũ ẽn ri ke nỹtĩ sór tũg nĩ. Vẽjykre pãno hã to gĩr tỹ ki kagtĩg nĩ ẽn ri ke nỹtĩm nĩ, ãjag tỹ ti kórég han tũ nĩ jé. Kỹ tóg inh mỹ ãjag tỹ ũn sanh há ag tỹ nén ũ há to jykrén há ẽn ri ke nỹtĩnh há tĩ.

2 Corinto 1:12

Ha vé, vẽjykre kuryj hã han sóg tĩ. Ki hã tó sóg tĩ gé. Topẽ jykre hã han sóg tĩ. Inh pijé isỹ vẽsóg ki nén to jykrén mũ ẽn han tĩ'. Topẽ hã ne isar han tĩ', isỹ ti jykre ki króm jé. Kỹ sóg ãjag mỹ ti jykre hã kãmén ja nĩgtĩ gé.

2 Corinto 11:14

Satanás jykre hã vẽ. Vẽsỹ tóg Topẽ tỹ jẽnẽ jafã ri ke han tĩ, ón kỹ, Nén Kórég ti.

2 Corinto 11:3

Hã ra sóg ãjag to: “ag mỹ ti tovãnh sór tũ nĩ vỹ?“ he mũ. Pỹn vỹ ũn ve fi mỹ ón, Japo ti, ti jykre e nĩn kỹ. Kỹ fi tóg ti vĩ kri nĩm. Kỹ tóg ãjag mỹ ón sór mũ gé, ha vem nĩ, ãjag tỹ Cristo tovãnh jé, ãjag tỹ ti to tar nĩ ẽn to krónh ke jé.

2 Corinto 8:20

Jãnkamy e vẽ, ẽg tỹ ma mũnh ke ti, kỹ tóg inh mỹ ũ tỹ tag to iso jykrén kónãn ha mẽ tĩ, isỹ inh pir mỹ ma tĩ mũ ra. Kỹ tóg inh mỹ há tĩ, ũ ag tỹ inh mré ki rĩr mũn kỹ.

Filipos 2:15

Hã tugnĩn ũ tóg ãjag to jykrén kónãn ke tũ nĩ, ãjag tỹ kygnẽg tũ nĩn kỹ. Kỹ ãjag tóg tỹ Topẽ krẽ nỹtĩ gé, ãjag tỹ ti jykre há han kỹ. Ẽprã ke kar vỹ jykre pãno nỹtĩ, Topẽ vĩ mranh kỹ. Kỹ ãjag tóg ag mỹ jẽngrẽ ri ke nỹtĩ, ãjag tỹ ag mỹ Topẽ vĩ kãmén kỹ.

Colossos 1:9

Epafras vĩ mẽ kỹ sóg ãjag to Topẽ mré vẽmén tĩ sir. Ti mỹ sóg to vĩ tĩ, ãjag tỹ ti tỹ ãjag ki nén ve sór mũ ẽn ki kanhrãn kãn jé, ti tỹ ãjag mỹ krĩ há nĩm jé, ti tỹ ti kuprĩg tỹ ãjag kanhrãn jé.

Colossos 4:5

Ũ tỹ ẽg jãvo Jesus ki ge tũ ag mỹ vĩ há han nĩ. Kurã kren tũg sórm nĩ.

1 Tessalônica 2:10

Isỹ nén han mũ ve kãn ãjag tóg, kỹ Topẽ vỹ inh vég tĩ gé. Topẽ jykre hã han isóg tĩ, vẽjykre kuryj ti. Nén ũ vẽnhmỹ han vãnh sóg nĩgtĩ. Ãjag rĩnve sóg han, ãjag tỹ Jesus ki ge kỹ nỹtĩn kỹ.

1 Tessalônica 5:22

Ti há tũ nĩn kỹ jẽmẽ tũg nĩ, ãjag tỹ nén ũ kórég han tũ nĩ jé. Nén ũ kórég han sór tũg nĩ.