Mateus 10:14 - O Novo Testamento na língua Kaingáng

¹⁴ Kejẽn ũ tóg ãjag mỹ: “kãge jẽg ra” henh ke tũ nĩ, ẽmã ũ tá. Kỹ tá kãpam nĩ, ag tỹ ãjag vĩ mẽ jãvãnh nỹtĩn kỹ. Tá kãpa kỹ ãjag pẽn hã kykũnh nĩ. Kỹ ag tóg Topẽ tỹ ag to kórég nĩ ki kanhrãn mũ.

Mateus 10:14 Iomraidhean Croise

Mateus 10:13

Fag tỹ ãjag mỹ vĩ há han kỹ fag tóg, krĩ kuprã nỹtĩnh mũ. Fag tỹ ãjag mỹ vĩ há han tũ nĩn kỹ fag tóg, krĩ kuprã nỹtĩnh ke tũ nĩ. Fag jãvo ãjag tóg, krĩ kuprã nỹtĩnh mũ.

Mateus 18:5

Ãjag hã vỹ tỹ inh mré ke nỹtĩ. Ãjag tỹ isugrĩn gĩr tag to há nỹtĩn kỹ ãjag tóg, iso há nỹtĩ gé,” he tóg, Jesus ti.

Marcos 6:11

“Ẽmã ũ tá ke ag tóg kejẽn ãjag mỹ: “kãgem nĩ,” henh ke tũ nĩ, ag tỹ ãjag kãmén mẽ sór tũ nỹtĩn kỹ. Kỹ ãjag pẽn hã kykũnh nĩ, ãjag tỹ tá pa kỹ. Kỹ ag tóg Topẽ tỹ ag to kórég nĩ ki kanhrãn mũ, ha mẽ. Ki hã sóg tó mũ. Kurã tỹ ẽgno kã, isỹ vẽnh kar jykre tugnỹm ke kurã ẽn kã ag tóg jagtar nỹtĩnh mũ, ag tỹ ãjag vĩ jẽmẽ jãvãnh nỹtĩn kỹ,” he tóg.

Marcos 9:37

“Gĩr tỹ ge ri ke nỹtĩm nĩ. Ãjag tỹ isugrĩn ũn sĩ to há nỹtĩn kỹ tóg inh mỹ há tĩ, kỹ ãjag tóg ũ tỹ ijẽnẽg mũ ẽn to há nỹtĩ gé sir. Tỹ ũn mág nĩ to ken hã vẽ,” he tóg.

Lucas 9:48

Kỹ tóg ag mỹ: “gĩr tỹ ge to há nỹtĩm nĩ, isugrĩn,” he mũ. “Ãjag tỹ isugrĩn ti to há nỹtĩn kỹ ãjag tóg iso há nỹtĩ gé sir. Ãjag tỹ iso há nỹtĩn kỹ ãjag tóg ũ tỹ inh jẽnẽg mũ to há nỹtĩ gé sir. Kỹ ãjag kã ũn sĩ ẽn vỹ tỹ ãjag kãfór kar nĩnh mũ, ha mẽ,” he tóg.

Lucas 9:5

“Ag tỹ ãjag mỹ: “kãge jẽg ra,” he jãvãnh nỹtĩn kỹ tá kãpam nĩ. Tá kãpa kỹ ãjag pẽn hã kykũkũnh nĩ, ag tỹ to ki kanhró nỹtĩ jé sir, Topẽ tỹ ag tovãnh ken ki,” he tóg.

João 13:20

Ki hã sóg tó mũ, ha mẽ. Isỹ ãjag jẽgnẽnh ke vẽ. Kỹ ũ tỹ ãjag mỹ vĩ há han kỹ tóg inh mỹ vĩ há han ke mũ gé, hã ra tóg ũ tỹ inh jẽnẽg mũ ẽn mỹ vĩ há han ke mũ gé,” he tóg.

Han Kãme 13:51

Kỹ Paulo ag tóg ag pẽn kykũkũg mũ, ag mỹ: “Topẽ tovãnh ãjag huri,” he jé. Kỹ ag tóg ẽmã tỹ Icônio ra mũ mũ sir.

Han Kãme 18:6

Hã ra ag tóg ti kato vĩ mũ. Kỹ ag tóg Jesus to é he mũ. Kỹ Paulo tóg ti kur rũmrũm mũ, ag mỹ: “vẽnh hã ki ãjag tóg vãgfor ke mũ, nũgme ki vár kỹ,” he jé. “Ãjag mỹ sóg Jesus tó, hã ra ãjag tóg mẽ jãvãnh nỹtĩ. Kỹ ãjag tỹ vẽsóg ki vẽsỹrénh ke vẽ. Kỹ sóg fóg ag kar hã mỹ tónh tĩg ha, kanhgág ag kar mỹ ke gé,” he tóg mũ.

1 Tessalônica 4:8

Ẽprã ke vĩ pijé', sỹ ãjag mỹ nén tó mũ tag ti'. Topẽ vĩ vẽ mỹr. Ãjag tỹ inh vĩ tag han tũ nĩn kỹ ãjag tóg Topẽ vĩ mranh mũ. Ti kuprĩg tỹ tóg inh jagrẽ han ja nĩ', kỹ tóg tỹ ãjag jagrẽ han ja nĩ gé.