Mateus 10:1 - O Novo Testamento na língua Kaingáng

¹ Kỹ Jesus tóg ũn tỹ 12 ag jé prẽr mũ. Kỹ tóg ag mỹ vẽjykre nĩm mũ sir, ag tỹ vẽjagrẽ kórég pan jé, ag tỹ ũn kagyga ag hynhan jé ke gé.

Mateus 10:1 Iomraidhean Croise

Mateus 19:28

Kỹ Jesus tóg: “sỹ ke há vẽ,” he mũ. “Inh mré ãjag tóg mũ mũ. Tỹ sóg ẽprã ke fi kósin nĩ. Kejẽn sóg inh nĩgja kri nĩnh mũ, isỹ vẽnh kar jykre tugnỹm jé. Sĩnvĩ inh nĩnh mũ, kurã ẽn kã. Kỹ ãjag tóg ãjag nĩgja kri nĩgnĩ kỹ nỹtĩnh mũ gé, nĩgja tỹ 12 (ke) kri, ãjag tỹ povo tỹ Israel tỹ 12 (ke) ag jykre tugnỹm jé,” he tóg.

Mateus 26:20

Rã pur kar kỹ Jesus tóg tá jun kỹ ũ tỹ 12 (ke) ag mré ko mũ sir.

Mateus 26:47

Ti tỹ ver vẽmén jẽ ra Judas tóg jun mũ sir, ũ tỹ 12 (ke) ag kã ũ ẽn ti. Hã ra porisa ag tóg ti mré kãmũ mũ, rógro génh kỹ, ka kykyv génh kỹ ke gé. Topẽ tũ to pã'i ag tỹ ag jẽgnẽ vẽ, kófa ag ke gé.

Mateus 4:23

Kỹ Jesus tóg, ga tỹ Galiléia kar mĩ tĩ mũ sir, ag mré. Judeu ag vẽnh kanhrãn jafã krẽm tóg ag kanhrãn mũ. Ag mỹ tóg Topẽ vĩ sér tó mũ, ũ tỹ kanhkã tá nĩ ẽn tỹ tỹ ẽg pã'i nĩ tĩ. Ũn kagyga kar ag hynhan tóg, fag kar ke gé, gĩr kar ke gé.

Mateus 6:13

Kỹ ẽg tỹ ã vĩ mranh sór kỹ ẽg kren han nĩ, ẽg tỹ mranh tũ nĩ jé. Nén-Kórég jo ẽg vem nĩ. Ã hã ne tóg tar nĩ'. Ã hã ne tóg mág nĩ inhhã'. Ã jykre tóg tũ' henh ke tũ nĩ,” hem nĩ, Topẽ mỹ,” he tóg.

Mateus 9:35

Kỹ Jesus tóg ẽmã kar mĩ tĩ mũ, ẽmã kãsir mĩ ke gé. Vẽnh kanhrãn jafã krẽm tóg ag kanhrãn tĩ. Ag mỹ tóg ũ tỹ kanhkã tá nĩ ẽn tỹ tỹ ẽg pã'i nĩ ẽn kãmén tĩ. Kỹ tóg ũn kagyga ag hynhan tĩ gé sir.

Mateus 9:38

“Hã kỹ Topẽ mré vĩ, ti tỹ ũ jẽgnẽ jé, ag tỹ ag mỹ ti vĩ tó jé,” he tóg, Jesus ti, ti mré mũ tĩ ag mỹ.

Lucas 10:19

Ti kri ke vỹ tỹ inh nĩ. Ha vé, ãjag to sóg vãsãn mũ, pỹn tỹ ãjag kókég tũ nĩ jé, ãjag tỹ ti sãn mũ ra, pỹn kakrã ke gé, Nén-Kórég kar ag ke gé. Ũ vỹ ãjag kókén ke tũ pẽ nĩ gé.

Lucas 21:15

Inh hã vỹ ãjag vĩ han ke mũ. Inh jykre nĩm jé sóg ke mũ ãjag mỹ, ãjag tỹ ag mỹ tó há han jé. Kỹ tóg ag tỹ ãjag vĩ kafãn sór mũ ra ag mỹ vẽnh mỹ tĩnh mũ, ãjag kato tẽ ag tỹ ne tónh ke tóg tũ tĩnh mũ, ha vem nĩ.

Lucas 24:49

Ãjag mỹ sóg inh panh tỹ ãjag mỹ ti kuprĩg tó ja ẽn jẽnẽnh ke mũ. Hã kỹ tag ki nỹtĩm nĩ ver, ẽmã tỹ Jerusalém tag ki. Hẽ ra mũ tũg nĩ. Ti kuprĩg tỹ kanhkã tá kãtĩg kỹ ãjag tar han ke ẽn jãvãnh nĩ,” he tóg.

Lucas 6:13

Tỹ vaj kỹ tóg ti mré mũ tĩ ag jé prẽr kãn mũ, kỹ tóg ag kã mĩ ũ tỹ 12 (ke) ag hã kuprẽg mũ. Ag to tóg: “sỹ ũn vin mũ ag,” he mũ, hã vỹ: apóstolo, he mũ.

João 17:2

Ẽprã ke kar kri ã tóg inh fẽg, isỹ ã tỹ inh mỹ ũn vin mũ ag mỹ rĩr krỹg ja tũ ven jé, fag mỹ ke gé.

João 3:27

Hã ra João tóg ag mỹ: “há ti nĩ,” he mũ. “Topẽ tỹ ẽg mỹ nén nĩm mũ ẽn hã vég ẽg tóg tĩ,” he tóg.

João 3:35

Topẽ vỹ ti kósin to há tãvĩ nĩ, kỹ tóg ti mỹ nén (ũ) kar tovãnh, ti hã tỹ ki rĩr jé.

João 6:70

Kỹ tóg ũ tỹ 12 (ke) ag mỹ: “ãjag kuprẽg inh, hã kỹ ãjag tóg tỹ ũ tỹ 12 (ke) nỹtĩ. Hã ra ãjag kã mĩ ũn pir vỹ tỹ Japo tũ nĩ jãvo,” he mũ.

Han Kãme 1:8

“Hã ra Topẽ kuprĩg vỹ tỹ ãjag jagrẽ nĩnh ke mũ. Kỹ ti hã vỹ ãjag tar han ke mũ, ãjag tỹ inh kãmén jé. Jerusalém tá ãjag tóg inh kãmén ke mũ, ga tỹ Judéia tá ke gé, ga tỹ Samaria tá ke gé, ga fyn ja tá hã ke gé mỹr,” he tóg, Jesus ti.

Han Kãme 19:15

Ag tỹ ũn jagrẽ kórég mỹ Jesus jiji tó kỹ tóg ag mỹ: “Jesus ki kanhró sóg nĩ, Paulo mẽ inh huri ke gé, hã ra ãjag tóg tỹ ũ nỹtĩ?“ he mũ.

Nén Venh Ke 12:1

Kỹ kanhkã tá nén ũ vẽnh mỹ tóg vẽnh ven mũ. Ũn tỹtá fi vỹ tóg vẽnh ven mũ. Kỹ rã tóg fi mỹ tỹ fi kur nĩ. Kysã sãn kỹ fi tóg jẽ nĩ. Fi krĩ tógfĩ vỹ krĩg tỹ 12 (ke) tỹ há nĩ.