Mateus 1:23 - O Novo Testamento na língua Kaingáng

²³ “ũn mén ja tũ fi vỹ kufy nĩnh mũ. Fi tỹ ti ve kỹ ag tóg ti to: Emanuel, henh ke mũ,” he ja nĩ. Emanuel to ken hã vẽ, hã vỹ: Topẽ vỹ ẽg ki rĩr há han ke mũ, he mũ.

Mateus 1:23 Iomraidhean Croise

Mateus 1:24

Kỹ tóg rĩr mũ sir, ti vẽnh péti kar kỹ. kỹ tóg fi mỹ: “ã ki sóg rĩr ke mũ,” he mũ. Ti tỹ Topẽ tỹ jẽnẽ jafã vĩ to jykrén kỹ tóg, ti mỹ ki krov nĩ sir, ti tỹ fi tỹ prũg ke ti.

Mateus 28:20

Kỹ isỹ ãjag mỹ nén tó mũ kãmén kãn nĩ gé, ag tỹ ki króm jé. Ha mẽ, ãjag mré sóg jẽ nĩ, kurã kar ki, ãjag tovãnh ke tũ sóg nĩ ha, ga tũg ke kurã ki ke gé,” he tóg, Jesus ti, ti tỹ ti mré mũ tĩ ag jẽgnẽn kỹ.

Lucas 20:44

“Hã kỹ Davi tóg Cristo to: “inh Senhor,” he ja nĩgtĩ. Kỹ ti krẽ'krẽ mỹ tỹ ti kri ke nĩ nĩ'?“ he tóg mũ. Hã ra ti kato tẽ ag tỹ ne tónh ke tóg tũ tĩ.

João 1:14

Ẽg tỹ ũ to: Topẽ vĩ, he mũ ẽn vỹ ẽg ri ke mur, kỹ tóg tỹ ẽprã ke jẽ sir. Ẽg mré tóg tĩ ja nĩgtĩ. Hã kỹ sóg ti vé. Pã'i mág vỹ tỹ ti nĩ, ũn tar, tag ve inh. Ẽg to há tãvĩ ti nĩ. Kỹ tóg ki hã tó tĩ gé. Tỹ tóg Topẽ kósin pir nĩ.

Han Kãme 18:9

Kejẽn Paulo tóg kuty kỹ nén nẽ vég mũ. Topẽ tỹ ti mỹ vẽnh ven vẽ, kỹ tóg ti mỹ: “kamẽg tũg ra,” he mũ. “Inh vĩ kãmén ra, kã nĩ tũg,” he tóg.

Roma 8:31

Tag tóg inh mỹ e tĩ. Sỹ to jykrén tũ tóg tĩ. Topẽ vỹ tỹ ẽg mré ke nĩ mỹr. Hã kỹ ẽg kato tẽ ũ pijé ẽg tỹ hẽ ri kenh mũ ha'.

Roma 9:5

Ẽg jógjóg ve ag, ũ tỹ vãsỹ Topẽ mré vẽmén tĩ ag vỹ jógjóg ve nỹtĩ gé. Kỹ Cristo vỹ tỹ ag kã ũ nĩ gé, ag kanhkã, ti tỹ ga kri tĩg kỹ. Ẽg kri ke kar vẽ, Cristo ti. Topẽ vỹ tỹ ti nĩ. Ti hã mỹ ẽg vĩ há han to krónh kenh ke tũ nĩ, ga kri, kanhkã tá ke gé. Hã vẽ.

2 Corinto 5:19

Ha vé, Topẽ vỹ Cristo jẽnẽ, ẽg tỹ ti ki ge jé. Kỹ tóg ẽg tỹ ti vĩ mranh tỹ tũ' he mũ gé sir, ẽg tỹ ti kaja kórég vég tũ nĩ jé. Kỹ tóg ẽg mỹ: “ha vẽnh kar mỹ tó, isỹ ag to há nĩ sór mũ ti,” he ja nĩ gé.

1 Timóteo 3:16

Ha vé, Topẽ tỹ ũri ẽg mỹ nén tó mũ tag vỹ tỹ nén ũ há tãvĩ nĩ. Vãsỹ ag tóg mẽ ja tũ nĩ. Ti jykren hã vẽ, ha mẽ: Jesus Cristo vỹ ẽg ri ke mur, ga kri, kỹ Topẽ tóg ti tỹ ũn mág han, tá, ti tỹ jykre kuryj nĩn kỹ. Kỹ tóg ti tỹ jẽgnẽ jafã ag mỹ ti ven. Kỹ ti mré mũ tĩ ag vỹ povo kar mỹ ti tó. Hã kỹ ga kri mũ ag vỹ ti ki ge mũ, Ẽg tỹ Jesus kãmén hã vẽ.

2 Timóteo 4:17

Ag jãvo ẽg Senhor vỹ isar han, ti tỹ inh mré tag kã jẽn kỹ. Hã kỹ vẽnh kar vỹ ti vĩ mẽ huri, isỹ ag mỹ kãmén kỹ. Povo kar ag vỹ hur mẽ kãn. Kỹ ẽg Senhor tóg ijy nĩgãn, ag tỹ mĩg mỹ inh fón tũ nĩ jé.

2 Timóteo 4:22

Ẽg Senhor mỹ sóg to vĩ tĩ, ti tỹ ã tar han jé, ti tỹ ãjag kar tar han jé gé. Hã vẽ.