Mateus 1:21 - O Novo Testamento na língua Kaingáng

²¹ Gré ti nỹnh mũ, ha vem nĩ. Kỹ ti mỹ: Jesus, hem nĩ. Ãjag krenkren han jé tóg ke mũ, ãjag tỹ Topẽ vĩ mranh mũ ra,” he tóg.

Mateus 1:21 Iomraidhean Croise

Mateus 1:25

Hã ra tóg ver fi mré nỹ tũ nĩgtĩ. Kejẽn fi tóg fi kósin vég mũ. Kỹ tóg ti jijin kỹ ti mỹ: Jesus, he mũ. Tag pãte tóg vãhã fi mré nỹ mũ sir.

Lucas 1:13

Hã ra tóg ti mỹ: “inh kamẽg tũg nĩ,” he mũ. “Topẽ vỹ ã vĩ ẽn mẽ, kỹ tóg ã mỹ han ke mũ ha. Ã prũ fi kufyg jé ã tóg ke mũ, Isabel fi. vỹ kósin ke mũ. Fi tỹ ti ve kỹ tóg gré nỹnh mũ. Kỹ ã tỹ ti jijin kỹ ti mỹ: João, hem nĩ,” he tóg.

Lucas 1:31

“Ha vé, kufyg jé ã tóg ke mũ. Kỹ ã tóg kósin ke mũ. Ã tỹ ti jijin kỹ ti mỹ: Jesus, hem nĩ.

Lucas 2:11

Ãjag krenkren han tĩ vỹ ũri mur, hã vỹ: Cristo, he mũ. Davi jamã ja tá tóg mur. Tỹ tóg ẽg Senhor nĩ ha mỹr.

Lucas 2:21

Kar kurã tỹ 8 (ke) vỹ tũg mũ. Kỹ tóg gĩr sĩ ẽn gré fár junun kym ke kurã pétẽm mũ sir. Kỹ fag tóg ti jijin kỹ ti mỹ: Jesus, he mũ. Topẽ tỹ jẽnẽ jafã vỹ ti jiji tag tó ja nĩ, ti mỹnh fi tỹ ver ti tỹ kufyg tũ ki.

João 1:29

Tỹ vaj kỹ tóg Jesus vég mũ sir. Kỹ tóg ti to: “ti hã vẽ,” he mũ. “Ẽg tỹ Topẽ mỹ cordeiro tãnh ẽn ri ke ti nĩ. Ti hã vỹ ẽg kar tỹ Topẽ vĩ mranh ẽn jagfy ter ke mũ.

João 4:42

Fi mỹ ag tóg: “ã vĩ tugrĩn ẽg tóg ti ki ge ja nĩ. Hã kỹ ẽg tóg ũri ti vĩ mẽg mũ. Kỹ ẽg tóg ti vĩ tugrĩn ti ki ge pẽ han kỹ nỹtĩ, ũri. Ti ki kanhró ẽg tóg nỹtĩ ha. Vẽnh kar kren han tĩ ẽn vẽ mỹr,” he mũ.

Han Kãme 13:23

“Davi krẽ'krẽ ũ vẽ, hã vỹ: Jesus, he mũ. Topẽ vỹ vãsỹ ti kãtĩg ke tó ja nĩgtĩ. Kỹ tóg vãhã Jesus jẽnẽ ja nĩ, ẽg povo tỹ Judeu to, ti tỹ ẽg kren han jé.

Han Kãme 3:26

Ãjag hã mỹ tóg ti kósin jẽnẽ, ti rĩn mãn kỹ. Ãjag hã mỹ tóg tó vén, ãjag tỹ tỹ Judeu nỹtĩn kỹ. Ãjag tỹ ãjag jykre pãno tovãnh jé,” he tóg, Pedro ti, João mré.

Han Kãme 4:12

Ũ pijé ẽg kren han ke mũ vẽ'. Hã ra Topẽ tóg Jesus fẽg, ti hã tỹ ẽprã ke kar ag krenkren han jé, fag ke gé. Ẽg kren han ke mũ ũ venh ke tũ ẽg nĩ mỹr,” he tóg, Pedro ti.

Han Kãme 5:31

Kỹ Topẽ tóg ti tỹ pã'i mág han mũ, ti tỹ ti mỹ: kunĩg, inh pẽgja tá nĩ, hen kỹ. Jesus tỹ tóg ẽg kar krĩn sór mũ, ẽg kar tỹ vẽjykre pãno tovãnh jé, ti tỹ ẽg tỹ ti vĩ mranh tỹ vẽnh pãte fón jé.

Tito 2:14

Ẽg jagfy tóg ter ja nĩ, ti tỹ ẽg jykre kórég ẽn tỹ tũ' he jé. Kỹ tóg ẽg kykũg mũ, ẽg jãnhkri nỹtĩ jé. Kỹ ẽg tóg tỹ ti tũ nỹtĩ sir, vyr mỹ. Ẽg pijé tỹ ũ tũ nỹtĩ ha'.

Hebreu 7:25

Hã kỹ tóg, ti tỹ ũn ki rĩr nĩ ẽn ag krenkren han tĩ, ũ tỹ ti tugrĩn Topẽ jamã tá junjun ke mũ ẽn ag kar. Rĩr tóg nĩ nĩ, kỹ tóg ẽg jagfy Topẽ mré vẽmén tĩ. Kurã krỹg ja tũ ti nĩ.

1 João 1:7

Ẽg tỹ ti kóm kurã ki vẽjykre há ẽn han kỹ ẽg tóg jagnẽ to há nỹtĩnh mũ. Jagnẽ mré ke vỹ tỹ ẽg nỹtĩ, ẽg tỹ vẽjykre há han kỹ. Kỹ ti kósin tỹ Jesus vỹ ẽg kykũnh ke mũ sir, ti kyvénh tỹ, ẽg tỹ ti vĩ mranh ja hã ra.

1 João 3:5

Hã ra Cristo vỹ kãtĩg ja nĩ, ti tỹ ẽg tỹ ti vĩ mranh ja tỹ tũ' he jé. Tag ki kanhró ẽg tóg nỹtĩ. Ti pijé mranh ja nĩgtĩ' inhhã.

Nén Venh Ke 7:14

Kỹ sóg ti mỹ: “inh pijé ki kanhró nĩ',” he mũ. “Ã hỹn tóg ki kanhró nĩ,” he sóg ti mỹ. Kỹ tóg inh mỹ: “nén ũ jagy mág pẽ ve ja ag tóg nĩ, cordeiro tugrĩn,” he mũ. “Ag vóg kónãn jagy han ag tóg. Ag kur kygfa ag, cordeiro kyvénh tỹ, kỹ tóg kupri nỹtĩ, ag kur ti.