Mateus 1:19 - O Novo Testamento na língua Kaingáng

¹⁹ Kỹ José tóg mẽg mũ sir, kỹ tóg ti mỹ e tĩ. Ũn jykre kuryj vẽ mỹr, hã kỹ tóg fi mỹ'a han sór tũ nĩ. Kỹ tóg fi pin kỹ fi mỹ: “kỹ inh hỹn ã tỹ prũg ke tũ nĩ ha,” he sór mũ sir.

Mateus 1:19 Iomraidhean Croise

Marcos 10:4

Kỹ ag tóg: “ã tỹ ã prũ fi fón sór kỹ fi mỹ vẽnh rán kỹ nĩm nĩ, fi tỹ kar kỹ tĩg jé, he ja tóg nĩ,” he mũ.

Marcos 6:20

Herodes vỹ ti kamẽg ja nĩ, ti tỹ jykre kuryj nĩn kỹ. Topẽ jykre hã han tóg tĩ ja nĩgtĩ. Kỹ Herodes tóg ti jy nĩgãn ja nĩ, ti jykre há tugrĩn. Ti vĩ tóg ti mỹ mẽ há ja nĩ, ge ra tóg to jykrén ja tũ nĩ.

Lucas 2:25

Hã ra Jerusalém tá ũ tóg nĩ nĩ, ti jiji hã vỹ: Simeão, he mũ. Ũn jykre kuryj vẽ. Topẽ kamẽg tóg tĩ, ti kuprĩg tỹ tóg jagrẽ nĩ. Ti tỹ Israel ag krenkren han ke mũ ẽn jãvãnh tóg tĩgtĩ.

Han Kãme 10:22

Kỹ ag tóg ti mỹ: “Capitão tỹ Cornélio tỹ ẽg jẽgnẽ vẽ,” he mũ. “Ũn jykre kuryj vẽ, kỹ tóg Topẽ kamẽg tĩ. Judeu kar ag tóg ti to há nỹtĩ, ti to ag tóg vĩ há han tĩ. Topẽ tỹ jẽnẽ jafã vỹ ti mỹ tó ja nĩ, ti tỹ ã jé prẽr jé, ã tỹ ti ĩn ra tĩg jé, ti mỹ Topẽ kãmén jé,” he ag tóg.

Han Kãme 27:39

Tỹ vaj kỹ ag tóg vég mũ sir, hã ra ag tóg goj vãso ẽn ki kagtĩg nỹtĩ. Kỹ ag tóg tá rỹnhrỹj vég mũ sir. Tá kóho tóg sĩ nĩ. Kỹ ag tóg ra canoa tĩn sór mũ.

2 Corinto 1:15

Tag to jykrén kỹ sóg ãjag ki jun kren ja nĩgtĩ. Isỹ ãjag ki jun ke vẽ vẽ, isỹ ãjag tar han mãn jé.