Mateus 1:1 - O Novo Testamento na língua Kaingáng

¹ Jesus Cristo jógjóg ve ag rán hã vẽ. Jesus Cristo vỹ tỹ Davi krẽ'krẽ nĩ, kỹ Davi vỹ tỹ Abraão krẽ'krẽ nĩ.

Mateus 1:1 Iomraidhean Croise

Mateus 1:18

Jesus Cristo mur vỹ ge nĩ, ha mẽ. Ti mỹnh fi vỹ tỹ José prũnh ke fi nĩ. Hã ra fag tóg ver jagnẽ mré nỹ ja tũ nĩgtĩ. Ẽn kã Topẽ kuprĩg tóg fi mỹ gĩr han, hã kỹ fi tóg kufy nĩ ha, fi tỹ ũ mré nỹ tũ ra.

Mateus 1:2

Abraão vỹ Isaque han. Kỹ Isaque vỹ Jacó han. Kỹ Jacó vỹ Judá han, ti mré ke ag ke gé.

Mateus 15:22

Ti tỹ tá jun kỹ fóg ũ fi tóg ti venh kãtĩ mũ. Ga tỹ Canaã tá ke fi vẽ. Kỹ fi tóg Jesus tá jun kỹ prẽr mũ. “!..Senhor, Davi krẽ'krẽ..!“ he fi tóg. “!..Inh jagãgtãn ra..!“ he fi tóg. “!..Inh kósin fi vỹ jagrẽ kórég tãvĩ nĩ, inh mỹ tóg ã tỹ fi mỹ kutẽm há tĩ..!“ he fi tóg, prẽr kỹ.

Mateus 3:16

Ti tỹ Jesus kype kar kỹ ag tóg, goj kã tá kãpa mũ sir. Kỹ Jesus tóg, kanhkã ki ẽvãnh kỹ ti nor nĩ ẽn vég mũ, ha mẽ, kỹ tóg Topẽ kuprĩg kãtére ẽn vég mũ. Sórãg tẽ ri ke tóg nĩ, ti kãtére ti. Jesus kri tóg góm ke mũ.

Mateus 9:27

Kỹ Jesus tóg ĩn ẽn tá kãkutẽ mũ sir. Hã ra ũn kyvó régre ag tóg, ti nón mũ mũ. Kỹ ag tóg ti jé prẽr kỹ ti mỹ: “!..Davi krẽ'krẽ'..! !..Ẽg jagãgtãn ra..!“ he mũ, prẽnprẽr kỹ.

Lucas 1:33

Kỹ tóg tỹ pã'i mág nĩnh mũ sir, Jacó krẽ kar to. Ti tỹ tỹ pã'i mág nĩ tag vỹ tũ' henh ke tũ nĩ,” he tóg.

João 7:42

“Topẽ vĩ rá ki tóg: “Davi krẽ'krẽ vỹ tỹ ti nĩ, Cristo ti,” he mũ, “ẽmã tỹ Belém tá ke vỹ tỹ ti nĩ, Davi jamã ja ẽn tá,” he tóg, Topẽ vĩ tỹ rán kỹ nĩ ki. Hã kỹ tóg ẽg mỹ tỹ Cristo tũ nĩ,” he ag tóg.

Han Kãme 2:30

Ti tỹ ga mĩ tĩ mũn kã tóg Topẽ vĩ tó tĩ ja nĩgtĩ, Davi ti. Kỹ Topẽ tóg ti mỹ: ã krẽ'krẽ ag kã ũ vỹ tỹ pã'i mág nĩnh mũ, he ja nĩgtĩ. Ti tỹ Cristo kãtĩg ke tó jan hã vẽ.

Roma 1:3

hã vỹ: ẽg Senhor tỹ Jesus Cristo he mũ. Tỹ tóg vãsỹ pã'i mág tỹ Davi krẽ'krẽ ag kã ũ nĩ.

Roma 4:13

Topẽ vỹ Abraão mỹ: “ã krẽ vỹ ga kar mĩ mũnh mũ, kỹ tóg tỹ ag tũ kar nĩnh mũ,” he ja nĩgtĩ. Ti tỹ Topẽ vĩ kri fi tugrĩn tóg ti mỹ tag tó. Vẽjykre pãno ki króm tugrĩn ke pijé'. Ti tỹ Topẽ ki rã kỹ tóg ti mỹ tỹ ũn há nĩ, hã kỹ Topẽ tóg ti mỹ tag tó ja nĩ.

Roma 9:5

Ẽg jógjóg ve ag, ũ tỹ vãsỹ Topẽ mré vẽmén tĩ ag vỹ jógjóg ve nỹtĩ gé. Kỹ Cristo vỹ tỹ ag kã ũ nĩ gé, ag kanhkã, ti tỹ ga kri tĩg kỹ. Ẽg kri ke kar vẽ, Cristo ti. Topẽ vỹ tỹ ti nĩ. Ti hã mỹ ẽg vĩ há han to krónh kenh ke tũ nĩ, ga kri, kanhkã tá ke gé. Hã vẽ.

Galácia 3:16

Topẽ vỹ Abraão mỹ: “nén ũ há han jé sóg ke mũ, ã mỹ, ã krẽ'krẽ ag kã ũ mỹ ke gé,” he ja nĩ. Ti krẽ'krẽ ag kã ũn pir hã tó ja ti nĩ, hã vỹ: Cristo, he mũ.

1 Timóteo 2:5

Pir ti nĩ, Topẽ ti. Ũ tỹ Topẽ mré ẽg jagfy vĩ mũ ẽn vỹ pir nĩ gé, hã vỹ: ẽg mré ke tỹ Jesus Cristo, he mũ, ũ tỹ ẽg ri ke mur ja ẽn ti.

2 Timóteo 2:8

Jesus Cristo mĩ ẽkrén nĩ. Ti ter kar kỹ tóg rĩr mãn. Ti jógjóg ve vỹ tỹ Davi ja nĩgtĩ. Hã tó sóg tĩ, ti kãmén kỹ.

Nén Venh Ke 22:16

Kỹ Jesus tóg: “isỹ jẽnẽ jafã jẽnẽ inh,” he mũ, “ti tỹ ãjag mỹ ãjag tỹ nén venh ke mũ kar tó jé, ũ tỹ inh vĩ jẽmẽ jé vẽnh mãn tĩ ag kar mỹ. Davi krẽ'krẽ ag kã ũ ẽn vỹ tỹ inh nĩ. Krĩg mág hã sóg nĩ,” he tóg.