Lucas 9:52 - O Novo Testamento na língua Kaingáng

⁵² Kỹ ag tóg ẽmã sĩ ũ ki junjun mũ. Samaria tá ke ag jamã ũ vẽ. Tá ag tóg ti nũr ke ve sór mũ.

Lucas 9:52 Iomraidhean Croise

Mateus 10:5

Ũ tỹ 12 ẽn ag jẽgnẽg tóg mũ sir, Jesus ti, ag tỹ vẽnh kar mỹ Topẽ vĩ kãmén jé. Kỹ tóg ag mỹ: “ver fóg ag mỹ inh kãmén mũ tũg nĩ, kanhgág ag mỹ kãmén tũg nĩ gé ver,” he mũ. “Kỹ Samaria tá ke ag jamã ki ge tũg nĩ gé,” he tóg.

Lucas 10:1

Kỹ Jesus tóg ũ tỹ 70 (ke) ag vin mũ gé sir, ag tỹ ti jo mũ jé. Ũn régre tĩn', ũn régre tĩn' he tóg. Ag mỹ tóg: “ẽmã kar mĩ Topẽ vĩ kãmén mũjẽg,” he mũ. Ag nón tóg ra tĩg sór mũ gé.

Lucas 10:33

Kỹ vãhã Samaria tá ke ũ tóg ẽpry jagma kãtĩ mũ gé. Kỹ tóg tá jun kỹ ti vég mũ.

Lucas 17:11

Kỹ tóg Jerusalém ra tĩg sór mũ. Hã kỹ tóg ga tỹ Samaria mré ga tỹ Galiléia fyr mĩ tĩ mũ.

Lucas 17:16

Ti tỹ tá jun kỹ tóg ti krẽm mũg ke mũ. Ti mỹ tóg: “inh mỹ tóg há tĩ, ã tỹ isỹ há' hen kỹ,” he mũ. Samaria tá fóg ũ vẽ, ũ tỹ Jesus to kyrã mũ ẽn ti.

Lucas 7:27

Topẽ vỹ João jẽnẽ, ti tỹ ijo tĩg jé. Hã kỹ tóg rán kỹ nĩ, Topẽ vĩ ki, ha mẽ. “Ha vé, ã jo sóg ũ jẽnẽnh mũ, ti tỹ vẽnh kar tỹ há' he jé, ã tĩg ken jo. Ag jyvẽn jé tóg ke mũ, ti tỹ ag jykre kurynh jé,” he tóg, Topẽ vĩ tỹ rán kỹ nĩ ki, João to,” he tóg.

João 4:4

Galiléia ra tĩg jé tóg ver ga tỹ Samaria fĩn rãm mũ.

João 4:5

Tá tóg ẽmã ũ tá jun mũ, hã vỹ Sicar, he mũ. Israel jógjóg ve tỹ Jacó japỹg' he ja vỹ tá kakó nĩ. Ẽpỹ ẽn fi ja tóg nĩ, ti kósin tỹ José mỹ.

João 4:9

Ha ra tóg fi mỹ e tĩ. Kỹ fi tóg ti mỹ: “Judeu vỹ tỹ ã nĩ, hã ra ã tóg inh mỹ goj to vĩ mũ', isỹ tỹ Samaria tá ke nĩ ra',” he mũ. Judeu ag vỹ Samaria tá ke ag to é he tĩ.

João 8:48

Kỹ Judeu ag tóg ti mỹ: “Samaria tá ke ag ri ke ã tógTopẽ vĩ ki kagtĩg nĩ, kỹ ã jagrẽ kórég nĩ gé,” he mũ.