Lucas 9:51 - O Novo Testamento na língua Kaingáng

⁵¹ Kejẽn ti tỹ kanhkã ra tĩg ke kurã tóg kakó tĩ sir. Kỹ tóg to jykrén kỹ Jerusalém ra tĩg sór mũ, ag tỹ tá ti tén jé. Kỹ tóg vẽnh jo ũ ag jẽgnẽg mũ, ag tỹ ẽmã kãsir tá ti jun ke tó jé.

Lucas 9:51 Iomraidhean Croise

Marcos 16:19

Kar kỹ Jesus tóg kanhkã ra tãpry mũ sir, kỹ tóg tá jun kỹ Topẽ pẽgja tá nĩ mũ.

Lucas 12:50

Ti grug to hã sóg vẽsỹrénh ke mũ. Iser ke vẽ, kỹ tóg inh mỹ e tĩ. Sỹ ve jãvãnh tóg tĩ vẽ,” he tóg.

Lucas 13:22

Kỹ tóg tĩg mãn kỹ ẽmã e fĩn rãm mũ, ẽmã mág, ẽmã kãsir ke gé. Tĩg kỹ tóg ag kanhrãnrãn mũ sir. Kỹ tóg vãhã, ẽmã tỹ Jerusalém kukãm tĩ mũ.

Lucas 17:11

Kỹ tóg Jerusalém ra tĩg sór mũ. Hã kỹ tóg ga tỹ Samaria mré ga tỹ Galiléia fyr mĩ tĩ mũ.

Lucas 18:31

Kỹ tóg ũ tỹ 12 (ke) ag jé prẽr mũ, vyrmỹ. “Ha vé, Jerusalém ra ẽg mũnh mũ, kỹ sóg tá ve kãn ke mũ, vãsỹ Topẽ vĩ tó tĩ ag tỹ iso nén rán ja ẽn ti,” he tóg.

Lucas 19:11

Hã ra ũn e ag tóg ti vĩ mẽg mũ. Jerusalém to hã tóg nĩ, hã kỹ ag tóg ti to: “Topẽ tỹ tỹ ẽg pã'i nĩ hỹn vẽnh ven ke mũ, ti tỹ tá jun kỹ,” he mũ. Kỹ tóg ag mỹ.“hã tũ vẽ,” he sór mũ. Hã kỹ tóg:

Lucas 19:28

Kar tóg tá kãkutẽ kỹ ẽmã tỹ Jerusalém ra tĩ mũ.

Lucas 24:51

Ag mỹ vĩ há han kar tóg ag ré kỹ tĩ mũ. Kanhkã ra tóg tãpry mũ.

Lucas 9:57

Ag mũn kỹ ũ tóg ti mỹ: “sỹ ã mré tĩg há tóg tĩ,” he mũ. “Ã tỹ hẽn kã tá tĩg jamĩ sóg ã mré tĩg ke mũ,” he tóg.

João 13:1

Hã ra fénhta tỹ Páscoa vỹ kakó tãvĩ tĩ sir, hã ra tóg tá krỹg tũ nĩ ver. Kỹ Jesus vỹ ki kanhró nĩ, ti tỹ ũri ter ke ẽn ti. Ti kurã vỹ jun ja nĩ, ti tỹ ti panh ra tĩg jé. Ti mré mũ tĩ ag to tóg há tãvĩ ja nĩgtĩ, ag tỹ tỹ ti tũ nỹtĩn kỹ. Kỹ tóg ti ter ke kurã ẽn kã ag to há tãvĩ nĩ gé, tag ki, ẽprã.

João 16:28

Ti tỹ inh jẽnẽn hã kỹ sóg ga tag ki jun mũ. Hã ra sóg ũri inh mur ja ré kỹ tĩg ke mũ ha, inh panh kukãm,” he tóg.

João 16:5

Ũri sóg tĩg ke mũ, isỹ ũ tỹ inh jẽnẽg mũ ẽn ve jé. Kỹ ãjag pijé inh mỹ: “ã tỹ hẽ ra tĩg ke nẽ?” henh ke mũ'.

João 17:11

Inh mur ja ré kỹ sóg tĩg mũ, ijãvo ag tóg ẽgno ki nỹtĩnh mũ sir, isũ mré ã tũ ag. Ag jãvo sóg, ã venh tĩg mũ ha. Inh panh mág, há tãvĩ ã tóg nĩ. Fag jy nĩgãn nĩ, ã jykre ki. Ã hã ne inh mỹ ag vin'. Ã mré sóg tỹ ũn pir nĩ. Kỹ ag tỹ jagnẽ mré tỹ ũn pir nỹtĩ han nĩ gé, fag tỹ ke gé.

João 6:62

“Kỹ ãjag hỹn hẽ ri kenh ke mũ, ãjag tỹ isỹ kanhkã ra tĩg mãn ẽn ve kỹ, isỹ tỹ ẽprã ke fi kósin nĩn kỹ?“ he tóg.

Han Kãme 1:2

Kỹ sóg ti tỹ kanhkã ra tãpry mũ rán huri ke gé. Ti tỹ kanhkã ra tãpry to hã tóg ti tỹ ũn kuprẽg mũ ag mré vẽmén ja nĩ ver. Topẽ kuprĩg tỹ ti mỹ nén tó mũ ẽn tó tóg mũ ag mỹ.

Han Kãme 1:9

Ti tỹ tag tó kar kỹ tóg vãhã kynhmỹ tãpry mũ sir ag rĩnve, kỹ kanhkã góg vỹ ti kri rũm ke mũ sir, ti ve mãn tũ ag tóg nĩ sir.

Éfeso 1:20

Ti tar tãvĩ nĩn kỹ tóg Cristo ter kar kỹ ti rĩn mãn ja nĩgtĩ gé. Kỹ tóg ti mỹ: “ha inh pẽgja tá nĩ,” he ja nĩ gé, kanhkã tá.

Filipos 3:14

Ag tỹ jagnẽ mré pétẽ ri ke han sóg tĩ mỹr. Jagnẽ mré ag tóg pétẽ tĩ, ũ tóg gỹjỹ he sór tĩ. Ẽn ri ke han sóg tĩ. Inh gỹjỹ vỹ tỹ isỹ rĩr krỹg ja tũ venh ke ti nĩ. Hã jé Topẽ tóg ẽg kuprẽg, Jesus Cristo tugrĩn.

1 Timóteo 3:16

Ha vé, Topẽ tỹ ũri ẽg mỹ nén tó mũ tag vỹ tỹ nén ũ há tãvĩ nĩ. Vãsỹ ag tóg mẽ ja tũ nĩ. Ti jykren hã vẽ, ha mẽ: Jesus Cristo vỹ ẽg ri ke mur, ga kri, kỹ Topẽ tóg ti tỹ ũn mág han, tá, ti tỹ jykre kuryj nĩn kỹ. Kỹ tóg ti tỹ jẽgnẽ jafã ag mỹ ti ven. Kỹ ti mré mũ tĩ ag vỹ povo kar mỹ ti tó. Hã kỹ ga kri mũ ag vỹ ti ki ge mũ, Ẽg tỹ Jesus kãmén hã vẽ.

Hebreu 12:2

Jesus hã mĩ ẽkrén nĩ. Ti hã vỹ ẽg tỹ Topẽ ki rã han. Kỹ tóg ẽg tỹ ti tovãnh ke tũ han ẽn ki kanhró nĩ gé. Krunh to sa kỹ tóg ter mỹr. Ag tỹ ti to é he mũ ra tóg ti mỹ tỹ nén ũ tũ tĩ. Ti tỹ kar kỹ nén venh ke ẽn mĩ tóg ẽkrén ja nĩ, nén tỹ ti mỹ sér nĩnh ke ẽn mĩ. Hã kỹ tóg ũri Topẽ pẽgja tá nĩ nĩ.

Hebreu 6:20

Jesus vỹ tá jun vén, ẽg jo. Kỹ tóg ẽg mỹ Topẽ to ẽpry ti han. Ẽg jagfy tóg tỹ Topẽ tũ ki rĩr tĩ to pã'i mág nĩ, Melquisedeque ẽn ri ke. Kỹ Jesus tỹ tỹ pã'i nĩ tóg kurã krỹg ja tũ nĩ. Kỹ tóg, ẽg jo Topẽ rĩnja tá nĩ nĩ, ẽg tỹ ti nón tá junjun jé gé.

1 Pedro 3:22

Kanhkã tá tóg nĩ nĩ, Jesus ti. Kỹ tóg Topẽ pẽgja tá nĩ nĩ. Tá tóg tỹ ũn mág nĩ, Topẽ tỹ jẽgnẽ jafã ag kri, ũn tar kar ag kri, ẽg tỹ kanhkã tá ũn vég tũ kar ẽn ag mré hã. Vẽnh kar kri ke vỹ tỹ ti nĩ, Jesus ti.