Lucas 9:49 - O Novo Testamento na língua Kaingáng

⁴⁹ Kỹ João tóg ti mỹ: “Senhor',” he mũ. “Ũ ve ẽg tóg. Vẽjagrẽ kórég pan ti tĩ, ã jiji tó kỹ. Hã ra tóg tỹ ẽg mré ke tũ nĩ, hã kỹ ẽg tóg ti mỹ: “vẽjagrẽ kórég pan sór tũg nĩ,” hé,” he tóg.

Lucas 9:49 Iomraidhean Croise

Mateus 3:14

Hã ra tóg João mỹ e tĩ, kỹ tóg ti mỹ: “ã hã tỹ inh kypenh ke vẽ vẽ,” he mũ. “Inh mỹ tóg e tĩ, ã tỹ inh mỹ: ha inh kypé, hen kỹ,” he tóg mũ.

Lucas 5:5

Kỹ tóg ti mỹ: “kuty tag kã ẽg tóg rede tỹ ki fón’, ki fón’ he ja nĩgtĩ vẽ. Hã ra ẽg tóg nén ũ kãgmĩ ja tũ nĩ. Hã ra sóg ã vĩ tugrĩn ki fón mãn ke mũ ha,” he mũ.

Lucas 9:33

Kỹ ũ tỹ ti mré vẽmén nỹtĩ ẽn ag tóg mũ sór mũ sir. Kỹ Pedro tóg Jesus mỹ: “Senhor',” he mũ. “Tag ki tóg há nĩ,” he tóg. “Ẽg tỹ tag ki pãjó tãgtũ han kỹn hỹn há nĩnh mũ, ã mỹ, Moisés mỹ, Elias mỹ ke gé,” he tóg. Hã ra tóg krĩ tũ nĩ, hã kỹ tóg pãjó tó mũ.

Han Kãme 5:28

“ãjag mỹ ẽg tóg: ker ẽn jiji tó mãn hẽ', he ja nĩgtĩ',” he mũ. “Ge ra ãjag tóg Jerusalém tá ke kar ag mỹ tugtó ja nĩgtĩ. Ãjag hỹn ti ter to ẽg jagtar han sór mũ,” he tóg.

1 Tessalônica 2:16

Hã kỹ ag tóg inh mỹ: “ker fóg ag mỹ vĩ hẽ',” he tĩ. “Ker kanhgág ag mỹ Topẽ vĩ tó hẽ', ag krenkren tũ nĩ jé,” he tóg tĩ. Hã ki ag tóg Topẽ vĩ mranh kãn tĩ. Hã kỹ Topẽ tóg ag to jũ mũ sir. Kỹ tóg ag vóg kónãn kãn ke mũ gé sir, vẽnh kaja jé.