Lucas 9:46 - O Novo Testamento na língua Kaingáng

⁴⁶ Kejẽn Jesus mré mũ ag vỹ jagnẽ mỹ vĩ jũ han mũ. “Ẽg kã ũ tỹ hẽ nỹ tỹ ũn mág nĩ?” he ag tóg jagnẽ mỹ.

Lucas 9:46 Iomraidhean Croise

Roma 12:10

Jagnẽ to há tãvĩ nỹtĩm nĩ, ãjag tỹ ãjag mré pafa mũ ag to há ri ke nỹtĩm nĩ, jagnẽ to. Jagnẽ mỹ komẽr hã vĩm nĩ, ẽg tỹ pã'i mỹ komẽr hã vĩ ẽn ri ke.

Roma 12:3

Ha vé, Topẽ vỹ isar han, kỹ sóg ãjag jyvẽn há han ki kanhró nĩ. Hã kỹ sóg ãjag kar mỹ tag tó mũ. Vẽsỹ ũn mág han sór tũg nĩ. “Tỹ inh ũn mág nĩ,” he tũg nĩ, ã tỹ tỹ ũn mág tũ nĩn kỹ. Ẽg kar vỹ Topẽ ki ge kỹ nỹtĩ. Kỹ tóg ẽg kar tỹ nén ũ to tar han tĩ, ẽg kar tỹ ti rãnhrãj han jé. Tag to jykrén kỹ jagnẽ to é he tũg nĩ.

Filipos 2:14

Ãjag tỹ ti jykre han kỹ ti jykre to vĩ vĩ he tũg nĩ, ti tỹ kejẽn ãjag mỹ jagy ra. Kỹ jagnẽ mỹ jagnẽ vĩ kafãn tũg nĩ gé, ti jykre to.

Filipos 2:3

Vẽsỹ ũn mág han sór tũg nĩ. Jagnẽ kãfór han sór tũg nĩ. “Tỹ inh ũn sĩ nĩ,” hem nĩ. Jagnẽ mỹ: “inh kãfór ti nĩ,” hem nĩ gé.

3 João 1:9

à jamã tá igreja krẽm vẽnh mãn tĩ ag mỹ sóg vẽnh rá jẽnẽ. Hã ra Diótrefes vỹ inh vĩ mẽ jãvãnh nĩ. Ag kri ti tỹ ũn mág jẽ sór tĩ.