Lucas 9:44 - O Novo Testamento na língua Kaingáng

⁴⁴ “ha mẽ há han,” he mũ. “Ẽprã ke fi kósin ẽn vỹ jagtar nĩnh ke mũ. Inh hã vẽ,” he tóg. “Ẽprã ke ag vỹ ag tỹ inh ki nén han sór mũ ẽn han ke mũ,” he tóg.

Lucas 9:44 Iomraidhean Croise

Mateus 16:21

Kỹ tóg komẽr hã ti mré mũ tĩ ag mỹ ti jagtar ke kãmén mũ. “Kãnhmar sóg Jerusalém ra tĩg mũ ha,” he tóg. “Tá sóg hã ra jagtar ke mũ. Kófa ag vỹ iso kórég nỹtĩnh mũ, ha vem nĩ, Topẽ tũ to pã'i ag, Topẽ vĩ to ẽg kanhrãn tĩ ag ke gé. Ag tỹ isén ke vẽ, hã ra sóg kurã tãgtũ ki rĩr mãn ke mũ,” he tóg, Jesus ti.

Mateus 26:2

“kurã régre tũg kỹ tóg tỹ, ẽg fénhta mág tỹ Páscoa nĩ,” he mũ. “Ẽn kã ag tóg, ẽprã ke fi kósin ti senh ke mũ, kỹ ag tóg, ka to ti sanh ke mũ. Inh hã vẽ,” he tóg, Jesus ti.

Marcos 8:31

Kỹ tóg: “tỹ sóg ẽprã ke fi kósin nĩ,” he mũ. “Ijagtar jagy han ke vẽ. Kófa ag tỹ iso: “kórég ti nĩ,” henh ke vẽ, Topẽ tũ ki rĩr tĩ ag ke gé, Topẽ vĩ to ẽg kanhrãn tĩ ag ke gé. Ag tỹ isén ke vẽ, kurã tãgtũ tũg kỹ sóg rĩr mãn mũ hã ra,” he tóg.

Marcos 9:31

Ti tỹ ti mré mũ tĩ ag kanhrãn sór vẽ, hã kỹ tóg ke mũ. Kỹ tóg ag mỹ: “ẽprã ke fi kósin ẽn vỹ jagtar nĩnh mũ,” he mũ. “Inh hã vẽ. Ẽprã ke ag vỹ ag tỹ isỹ nén han sór mũ ẽn han ke mũ. Ag tỹ isén ke vẽ. Hã ra sóg kurã tãgtũ tũg kỹ rĩr mãn mũ,” he tóg.

Lucas 1:66

“Gĩr tag hỹn hẽ ri kenh mũ?” he fag tóg mũ. Topẽ tỹ ti ki rĩr há han tóg ve há tĩ, hã kỹ tóg fag mỹ e tĩ.

Lucas 18:31

Kỹ tóg ũ tỹ 12 (ke) ag jé prẽr mũ, vyrmỹ. “Ha vé, Jerusalém ra ẽg mũnh mũ, kỹ sóg tá ve kãn ke mũ, vãsỹ Topẽ vĩ tó tĩ ag tỹ iso nén rán ja ẽn ti,” he tóg.

Lucas 2:19

Kỹ Maria fi tóg to jykrén mũ gé sir. Fi pijé kã jatun mũ', to jykrén tãvĩ han fi tóg nĩ nĩ.

Lucas 2:51

Kỹ tóg fag mré Nazaré ra tĩ mũ. Tá tóg jatun mỹ fag mré nĩ nĩ sir. Fag tỹ ti mỹ nén tó mũ han tóg mũ. Hã ra ti mỹnh fi pijé nén kar ẽn kã jatun mũ'.

Lucas 24:44

Kỹ tóg ag mỹ: “hã tó ja inh nĩ, ãjag mỹ, iser ke to hã, isỹ ãjag mré nĩ mũ ẽn kã,” he mũ. “Vãhã sóg ve kãn ja nĩgtĩ, Moisés tỹ iso nén rán ja ti, Topẽ vĩ tó tĩ ag kar tỹ nén rán ja ti ke gé, Topẽ to jãn ki ke gé,” he tóg.

Lucas 9:22

Kỹ tóg ag mỹ: “tỹ sóg, ẽprã ke fi kósin ẽn nĩ,” he mũ. “Ijagtar jagy han ke vẽ. Kófa ag tỹ iso: kórég ti nĩ, henh ke vẽ, Topẽ tũ to pã'i ag ke gé, Topẽ vĩ to ẽg kanhrãn tĩ ag ke gé. Ag tỹ isén ke vẽ. Kurã tãgtũ tũg kỹ sóg rĩr mãn mũ hã ra,” he tóg.

João 16:31

Kỹ tóg: “vãhã ãjag tóg inh ki ge kỹ nỹtĩ ha,” he mũ.

João 16:4

Ũri sóg ãjag mỹ tó mũ. Kỹ ãjag tóg, ãjag tỹ tag ve kỹ: ẽg mỹ tóg tó ja nĩ, ẽg tỹ ũri nén vég mũ tag ti, henh ke mũ,” he tóg. Vãsỹ sóg ãjag mré tĩ nĩ vẽ, hã ra sóg ãjag mỹ tag tó ja tũ nĩ ver.

João 19:11

Hã ra Jesus tóg: “Topẽ tỹ ã tỹ pã'i han tũ nĩ ra ã tóg tag han ki kagtĩg nĩnh mũ vẽ,” he mũ. “Hã kỹ ũ tỹ ã mỹ inh fẽg mũ ẽn vỹ ã tỹ Topẽ vĩ mranh mũ tag kãfór nĩ ha,” he tóg.

Han Kãme 2:23

“Hã ra Topẽ tóg ãjag mỹ ti fẽg ja nĩ. Hã kỹ ãjag tóg ka to ti sa ja nĩ. Ti tén ja ãjag tóg nĩ. Kỹ ũ tỹ ka to ti sãg mũ ẽn ag jykre vỹ pãno tãvĩ nĩ.

Hebreu 2:1

Hã kỹ tóg há tĩ, ẽg tỹ ti vĩ mẽ kỹ ti jykre hã han kỹ, ẽg tỹ tỹ prãnh ke tũ nĩ jé.