Lucas 9:4 - O Novo Testamento na língua Kaingáng

⁴ “Ãjag tỹ ĩn ra ge mũ hã ki nũgnũr' hem nĩ, hã ki ãjag tỹ kurã ki kãpanh ke tá krỹg nĩ,” he tóg.

Lucas 9:4 Iomraidhean Croise

Mateus 10:11

“Kỹ ãjag tóg kejẽn, ẽmã ũ tá junjun ke mũ. Tá ũn jykre há jãvãnh nĩ. Kỹ ẽn ĩn ra gem nĩ. Ẽn ĩn krẽm ãjag tỹ kurã ki kã panh ke mũ ẽn tá krỹg nĩ.

Marcos 6:10

“Ãjag tỹ ẽmã ũ tá junjun kỹ, ãjag tỹ ĩn kãra ge mũ hã ki nũgnũr' hem nĩ, hã ki ãjag tỹ kurã ki panh ke mũ ẽn tá krỹg nĩ,” he tóg.

Lucas 9:3

Hã kỹ tóg ag mỹ: “ãjag mũn kỹ nén ũ ma mũ tũg nĩ. Vãtó va mũ tũg nĩ, sako ke gé, ẽmĩ ke gé, jãnkamy ke gé. Kur régre rĩnh tũg nĩ gé,” he mũ.

Lucas 9:5

“Ag tỹ ãjag mỹ: “kãge jẽg ra,” he jãvãnh nỹtĩn kỹ tá kãpam nĩ. Tá kãpa kỹ ãjag pẽn hã kykũkũnh nĩ, ag tỹ to ki kanhró nỹtĩ jé sir, Topẽ tỹ ag tovãnh ken ki,” he tóg.

Han Kãme 16:15

Kỹ ẽg tóg fi kypég mũ, fi mré ke kar fag mré hã. Kỹ fi tóg ẽg mỹ: “inh mré inh ĩn ki nỹtĩm nĩ, sỹ ãjag ki rĩr jé,” he mũ. Vĩ ki fi tóg ẽg kutãn mũ. Kỹ ẽg tóg fi mỹ: “he,” he mũ.