Lucas 9:30 - O Novo Testamento na língua Kaingáng

³⁰ Kỹ ũn régre ag tóg vãhã tá vẽnh ven mũ sir. Kỹ ag tóg Jesus mré vẽmén mũ sir. Moisés vẽ, Elias mré.

Lucas 9:30 Iomraidhean Croise

Lucas 1:17

Ẽg Senhor jo tóg tĩg ke mũ gé. Vãsỹ Topẽ vĩ tó tĩ tỹ Elias jykre han jé tóg ke mũ. Elias vỹ Topẽ kuprĩg tỹ jagrẽ ja nĩgtĩ. Ẽn ri ke han jé tóg ke mũ. Ti tỹ ag jyvẽn kỹ ag panh tóg ag krẽ mré vẽjykre pir han ke mũ. Topẽ mỹ tóg ag jykre tỹ há' henh ke mũ, Cristo kãtĩg ken jo, ã kósin tag ti,” he tóg, Topẽ tỹ jẽnẽ jafã ti, Zacarias mỹ.

Lucas 24:27

Kỹ tóg ti to nén rán ja kãmén kãn mũ sir, Moisés tỹ rá ti, Topẽ vĩ tó tĩ ag kar tỹ rá ti.

Lucas 24:44

Kỹ tóg ag mỹ: “hã tó ja inh nĩ, ãjag mỹ, iser ke to hã, isỹ ãjag mré nĩ mũ ẽn kã,” he mũ. “Vãhã sóg ve kãn ja nĩgtĩ, Moisés tỹ iso nén rán ja ti, Topẽ vĩ tó tĩ ag kar tỹ nén rán ja ti ke gé, Topẽ to jãn ki ke gé,” he tóg.

Lucas 9:19

Kỹ ag tóg ti mỹ: “ũ ag vỹ: João Batista vẽ, he tĩ, jãvo ũ ag vỹ: Elias vẽ, he tĩ gé, jãvo ũ ag vỹ: vãsỹ Topẽ vĩ tó tĩ ũ vỹ rĩr mãn, he tĩ gé, ã to,” he mũ.

Lucas 9:29

Tá jun kỹ tóg Topẽ mré vĩ mũ sir. Kỹ tóg vãhã vẽnh ve ũ han mũ. Vẽnh ve kupri han tóg mũ. Ti kur tóg kópréj nĩ, kókov tóg nĩ.

Lucas 9:31

Ag ve vỹ ti ve ri ke nĩ gé. Jesus mré ag tóg vẽmén mũ, ti tỹ Jerusalém tá ter ke to.

João 1:17

Moisés vỹ ẽg mỹ Topẽ tỹ ẽg jyvẽn mũ ẽn tó ja nĩgtĩ, ẽg tỹ ti vĩ ki króm jé. Hã ra Jesus tóg ẽg mỹ: “Topẽ vỹ ãjag mỹ vẽnh pãte fón sór mũ, ti tỹ ãjag to há nĩn kỹ,” he mũ. Ti hã ne ẽg mỹ vẽnh vĩ sér ẽn tó mũ'.