Lucas 9:26 - O Novo Testamento na língua Kaingáng

²⁶ Iso mỹ'ãg tũg nĩ, inh vĩ to. Ãjag tỹ ũri iso mỹ'ãg kỹ sóg ãjag to mỹ'ãg ke mũ gé, inh kãtĩg mãn kỹ. Tỹ sóg ẽprã ke fi kósin nĩ. Sĩnvĩ ti nĩnh mũ, inh kãtĩg mãn kỹ, inh jóg tỹ inh jẽnẽn kỹ. Kỹ ti tỹ jẽgnẽ jafã ag vỹ inh mré kãmũnh mũ gé, Topẽ tũ ag,” he tóg.

Lucas 9:26 Iomraidhean Croise

Mateus 16:27

“Tỹ sóg ẽprã ke fi kósin nĩ. Kãtĩg mãn jé sóg ke mũ, kanhkã tá, isỹ jẽgnẽ jafã ag mré, inh jóg tỹ isỹ ũn mág han kỹ. Kỹ sóg vẽnh kar mỹ ag tỹ nén han ja ẽn kajãm ke mũ.

Mateus 25:31

Kỹ Jesus tóg ag mỹ: “ẽprã ke fi kósin kãtĩg mãn kỹ tóg ge nĩnh mũ, ha mẽ,” he mãn mũ. “Isỹ jẽgnẽ jafã ag vỹ inh mré kãmũnh ke mũ. Kỹ sóg inh nĩgja sĩnvĩ ẽn kri nĩnh ke mũ sir, kỹ inh jykre tar vỹ vẽnh ven ke mũ.

Mateus 26:64

Kỹ Jesus tóg: “ki hã ã tóg tó mũ,” he mũ. “Kỹ sóg ãjag mỹ tag tó mũ gé, ha mẽ. Ẽprã ke fi kósin vỹ tỹ inh nĩ,” he tóg. “Kỹ ãjag tóg ũ tỹ nén ũ kar han mũ ẽn pẽgja tá inh venh ke mũ. Kanhkã góg kã mĩ sóg kãtérenh ke mũ gé,” he tóg.

Marcos 8:38

Ũri ke ag tóg vyr mỹ topẽ ũ hynhan tĩ, kỹ ag tóg Topẽ vĩ mranh tĩ gé. Ag kã mĩ iso mỹ'ãg tũg nĩ. Ãjag tỹ ũri inh vĩ to mỹ'ãg kỹ sóg, inh kãtĩg mãn kỹ ãjag to mỹ'ãg ke mũ gé, isỹ Topẽ tỹ jẽgnẽ jafã mág ag mré kãtĩg kỹ. Ijóg vỹ tóg isỹ ũn mág han ke mũ. Tỹ sóg ẽprã ke fi kósin nĩ,” he tóg.

João 12:43

Ẽprã ke ag tỹ ag to vĩ há han mũ tag vỹ ag mỹ sér tĩ, kỹ Topẽ tỹ ag mỹ vĩ há han mũ vỹ ag mỹ pãgsĩ nĩ.

João 5:44

Inh ki ge sór tũ ãjag nỹtĩ, ãjag tỹ ẽprã ke ag vĩ jẽmẽn kỹ. Ag tỹ ãjag mỹ vĩ há han kỹ tóg ãjag mỹ sér tĩ. Kỹ ãjag tóg Topẽ tỹ ãjag mỹ nén tónh ke mũ mĩ ẽkrég tũ nĩgtĩ. “Inh jykre mỹ ti mỹ há nĩ vỹ?” he sór tũ ãjag nĩ.

Han Kãme 10:22

Kỹ ag tóg ti mỹ: “Capitão tỹ Cornélio tỹ ẽg jẽgnẽ vẽ,” he mũ. “Ũn jykre kuryj vẽ, kỹ tóg Topẽ kamẽg tĩ. Judeu kar ag tóg ti to há nỹtĩ, ti to ag tóg vĩ há han tĩ. Topẽ tỹ jẽnẽ jafã vỹ ti mỹ tó ja nĩ, ti tỹ ã jé prẽr jé, ã tỹ ti ĩn ra tĩg jé, ti mỹ Topẽ kãmén jé,” he ag tóg.

Roma 1:16

Inh pijé Topẽ vĩ sér tag to mỹ'ãg sór mũ'. Topẽ hã ne tag to ẽg kren han tĩ', ẽg tỹ kri fin kỹ. Topẽ jykre tar hã vẽ. Judeu ag kren han sór tóg mũ, kar kỹ fóg kar ke gé, kanhgág kar ke gé, fag ke gé.

2 Corinto 12:10

Hã kỹ inh krój nĩ tóg inh mỹ sér tĩ, ag tỹ iso vĩ kónãn ti ke gé, inh jagtar nĩ ti ke gé, ag tỹ inh vóg kónãn ti ke gé, inh kanẽ jur ti ke gé. Inh mỹ tóg sér kar tĩ, sỹ Cristo hã tỹ fe nĩn kỹ. Inh krój nĩ ẽn kã sóg tar nĩ, mỹr, ha mẽ.

Galácia 6:14

Ag jãvo sóg tỹ ũn mág nĩ sór tũ nĩ. Nén pir tóg inh mỹ sér tĩ, hã vỹ: ẽg pã'i tỹ Jesus Cristo tỹ krunh to sa ja ẽn, he mũ. Kỹ sóg ẽprã ke jykre han sór tũ nĩ ha.

1 Timóteo 5:21

Tag han ra, ha mẽ. Ker han tũg hẽ'. Topẽ vỹ ã tỹ nén han mũ vég tĩ, Jesus Cristo ti ke gé, Topẽ tỹ jẽnẽ jafã ag ke gé. Ũ to: “ti tỹ iso há nĩn kỹ sóg ti mỹ vĩ tar han sór tũ nĩ, ti tỹ kygnẽ ja ra,” he sór tũg nĩ. Ge ra ti jyvẽn tar han nĩ.

2 Timóteo 1:12

Hã kỹ sóg se kỹ jẽ ha. Hã ra sóg mỹ'ãg ke tũ nĩ. Ti ki rã kỹ sóg jẽ ha. Ti ki kanhró sóg nĩ. Nén ũ kar to tóg tar nĩ. Hã kỹ tóg inh ki rĩr há han ki kanhró nĩ gé, sỹ ti mỹ vẽnh fẽg kỹ, isỹ kurã tỹ ẽgno pétẽm há han jé.

2 Timóteo 2:12

Ẽg tỹ ti tugrĩn nén ũ jagy kar to tar nỹtĩn kỹ ẽg tóg ti mré tỹ ũn mág nỹtĩnh ke mũ gé. Ẽg tỹ ti tovãnh kỹ tóg ẽg tovãnh ke mũ gé.

Hebreu 11:26

Ẽg tỹ Cristo tugrĩn jagtar nỹtĩ tag tóg ti mỹ ẽg riko nỹtĩ tag kãfór nĩ ja nĩgtĩ. Hã kỹ Egito tá ke ag riko tag tóg ti mỹ kórég ja nĩgtĩ, Moisés mỹ. Topẽ tỹ kanhkã tá ẽg mỹ nén ũ há nĩm ke ẽn hã to tóg jykrén ja nĩgtĩ.

Hebreu 13:13

Kỹ ẽg tóg ti jagtar ri ke han ke mũ gé. Ũ tỹ ti ki ge jãvãnh ag jykre han ke tũ ẽg tóg nĩ. Jesus tỹ ẽmã jy ró mã tá ter ja ẽn mĩ ẽg tóg ẽkrén ke mũ. Kỹ ẽg tóg ũ tỹ ti ki ge tũ ag mré ag jykre han ke tũ pẽ nĩ.

Judas 1:14

Ag hã to tóg rán ja nĩ, Enoque ti. Adão krẽ tỹ ki krẽg mãn tỹ 7 (ke) vỹ tỹ ti nĩ, Enoque ti. Ti hã vỹ ag to: “ha vé, ẽg Senhor vỹ jun ke mũ, ti tỹ jẽgnẽ jafã ag mré,” he ja nĩ. “E tãvĩ ag nỹtĩ, ti tỹ jẽgnẽ jafã ag.

Nén Venh Ke 1:7

Ha vé, kãtĩg mãn jé tóg ke mũ, kanhkã góg kã mĩ. Vẽnh kar vỹ ti venh ke mũ, ẽn kã, ũ tỹ ti kusón mũ ag mré hã. Kỹ povo kar vỹ ti tugrĩn jagtar kãn ke mũ. Vẽsỹrénh jé ag tóg ke mũ, ha vem nĩ. Hã vẽ.

Nén Venh Ke 20:11

Kỹ sóg nĩgja mág pẽ vég mũ gé, nĩgja kupri. Ũ tóg kri nĩ nĩ. Ti rĩnve ga tóg tũ' he mũ vãhã, kanhkã ti ke gé. Vẽnh ven mãn tũ tóg nĩ, kanhkã mré ga ti.

Nén Venh Ke 21:8

Hã ra ũ ag tóg pĩ gru fir kã ki vár ke mũ, hã vỹ: ũ tỹ isovãnh mũ ag, ũ tỹ vẽjykre pãno han tĩ ag, ũ tỹ ũ tén tĩ ag, ũ tỹ ag prũ tũ fag mré nỹgnỹ mũ ag, ũ tỹ fag mén tũ mré nỹgnỹ mũ fag, kujá ag, curandeiro ag, ũ tỹ vẽnh kãgrá jykre mĩ mũ mũ ag, ũn ón mũ ag, he mũ. Pĩ gru fir kã ki tóg ag vãm kãn ke mũ. Kỹ tóg ag kãgter pẽ han ri ke nĩ sir,” he tóg, ũ tỹ nĩgja kupri kri nĩ ẽn ti.

Nén Venh Ke 3:5

Ũ tỹ isovãnh tũ ẽn ag vỹ kur kupri ẽn rĩnh kãn ke mũ. Ag jigji kykũnh ke tũ inh nĩ, inh livro ki. Ũn rĩnrĩr ke mũ ag jygji vỹ ki ránrán kỹ nỹtĩ. Ẽn ag jigji tó jé sóg ke mũ, inh panh mỹ, ti tỹ jẽgnẽ jafã kar ag mỹ ke gé, he tóg, hem nĩ, vẽnh rán ki,” he tóg, inh mỹ, ũ tỹ tỹ ẽprã ke nĩ ve ẽn ti.