Lucas 9:20 - O Novo Testamento na língua Kaingáng

²⁰ Kỹ tóg ag mỹ: “ag jãvo ãjag hẽ ri ke tĩ, iso?” he mũ. Kỹ Pedro vỹ ti mỹ: “tỹ ã Cristo nĩ, Topẽ tỹ ẽg mỹ ũn jẽnẽg mũ ẽn vỹ tỹ ã nĩ,” he mũ.

Lucas 9:20 Iomraidhean Croise

Mateus 22:42

“Cristo to ãjag hẽ ri ke tĩ?“ he mũ. “Ũ krẽ'krẽ nẽ hỹn?“ he tóg. Kỹ ag tóg ti mỹ: “Davi krẽ'krẽ vẽ,” he mũ.

Mateus 26:63

Hã ra Jesus tóg nén ũ tó tũ nĩ. Kỹ pã'i mág tóg ti mỹ: “Topẽ vỹ rĩr nĩ,” he mũ. “Ti rĩnve sóg ã ki jẽmẽg mũ. Ã mỹ tỹ Cristo nĩ', ã mỹ tỹ Topẽ kósin nĩ'? Ha ẽg mỹ tó,” he tóg, pã'i mág ti.

Mateus 5:47

Kỹ ãjag tỹ ãjag mré ke ag hã mỹ: “ã mỹ há?” hen kỹ tóg tỹ, nén ũ tũ nĩ gé ver. Ũ tỹ Topẽ vĩ ki kagtĩg ag vỹ, ge nỹtĩgtĩ gé. Ag mré ke ag hã mỹ ag tóg: “ã mỹ há?” he tĩ gé, hã ra tóg tỹ nén ũ tũ nĩ ver.

Marcos 14:61

Hã ra tóg hun ke kỹ jẽ nĩ, nén ũ tó mẽ kã. Kỹ pã'i mág ẽn tóg ti mỹ: “ã mỹ tỹ Cristo nĩ'? Ã mỹ tỹ Topẽ kósin nĩ'?” he mãn mũ.

Marcos 8:29

Kỹ tóg: “ag jãvo ãjag iso hẽ ri ke tĩ?“ he mũ. Kỹ Pedro tóg ti mỹ: “tỹ ã Cristo nĩ,” he mũ.

Lucas 22:67

Hã kỹ ag tóg ti mỹ: “ã mỹ tỹ Cristo nĩ?“ he mũ. “Ha ẽg mỹ tó,” he ag tóg. Kỹ tóg ag mỹ: “ãjag pijé inh vĩ kri fig tĩ', isỹ ãjag mỹ tó mũ ra,” he mũ.

Lucas 9:19

Kỹ ag tóg ti mỹ: “ũ ag vỹ: João Batista vẽ, he tĩ, jãvo ũ ag vỹ: Elias vẽ, he tĩ gé, jãvo ũ ag vỹ: vãsỹ Topẽ vĩ tó tĩ ũ vỹ rĩr mãn, he tĩ gé, ã to,” he mũ.

João 1:41

Kỹ tóg vẽsỹmér ti kãke venh tĩ kỹ ti mỹ: “Messias ve inh,” he mũ. Messias to ken hã vẽ, hã vỹ: Cristo, he mũ, hã vỹ: Topẽ tỹ ũn jẽnẽg mũ, he mũ.

João 1:49

Kỹ tóg ti mỹ e tĩ. “Topẽ kósin vỹ tỹ ã nĩ, Rabi',” he tóg. “Ẽg povo tỹ Israel kri pã'i vỹ tỹ ã nĩ,” he tóg.

João 11:27

“Hỹ, Cristo vỹ tỹ ã nĩ, Topẽ kósin ti, ũ tỹ ga kri jun ke mũ ẽn ti. Tag vỹ inh mỹ tỹ hã nĩ,” he fi tóg.

João 20:31

Sỹ vẽnh rá tag han vẽ, ũ tỹ vég mũ kar ẽn tỹ Jesus ki ge sór jé, ti to: “Cristo vỹ tỹ ti nĩ, Topẽ kósin vỹ tỹ ti nĩ,” he jé. Kỹ ag tóg ti ki ge kỹ rĩr krỹg ja tũ ẽn venh ke mũ, ti tugrĩn, fag mré hã, mỹr, ha mẽ.

João 4:29

“mũ nỹ, ũ ve jé. Inh mỹ tóg sỹ nén han ja tó kãn. Ti mỹ tỹ Cristo tũ nĩ vỹ?“ he mũ.

João 4:42

Fi mỹ ag tóg: “ã vĩ tugrĩn ẽg tóg ti ki ge ja nĩ. Hã kỹ ẽg tóg ũri ti vĩ mẽg mũ. Kỹ ẽg tóg ti vĩ tugrĩn ti ki ge pẽ han kỹ nỹtĩ, ũri. Ti ki kanhró ẽg tóg nỹtĩ ha. Vẽnh kar kren han tĩ ẽn vẽ mỹr,” he mũ.

João 7:41

Kỹ ũ ag tóg ti to: “Cristo vỹ tỹ ti nĩ, Topẽ tỹ ẽg mỹ ũn jẽnẽg mũ ẽn vỹ tỹ ti nĩ,” he mũ gé. Hã ra ũ ag tóg: “Cristo mỹ hỹn ga tỹ Galiléia tá kãtĩ mũ vỹ?“ he mũ.

Han Kãme 17:3

Ag mỹ tóg Cristo kãmén mũ, ti jagtar ja ti, ti ter kar rĩr mãn ja ẽn ti. “Jesus hã vẽ, hã vỹ: Cristo, he mũ. Vãsỹ tóg rán kỹ nĩ, Cristo jagtar ke ti, ti rĩr mãn ke ti ke gé,” he tóg.

Han Kãme 8:36

Ge ag tóg mũ mũ, ẽpry jagma. Kỹ ag tóg goj tá junjun mũ. Kỹ pã'i ẽn tóg: “tag ki tóg goj nĩ. Ã tỹ ki inh kype jé tóg há nĩ,” he mũ.

Han Kãme 9:22

Hã ra tóg fe tar nĩ. Kỹ tóg Judeu ag kanhrãn mũ, ẽmã tỹ Damasco tá. Ag mỹ tóg Jesus kãmén mũ. “Tỹ tóg Cristo nĩ, Jesus ti,” he tóg. Kỹ tóg ag tỹ ti vĩ kafãn sór mũ ra ag mỹ vẽnh mỹ tĩ sir.

1 João 5:1

Ẽg tỹ Jesus to: “Cristo vỹ tỹ ti nĩ, Topẽ kósin vỹ tỹ ti nĩ,” hen kỹ ẽg tóg tỹ ti jãvy nỹtĩ. Ẽg jóg mág to há nỹtĩn kỹ ẽg tóg ti krẽ ũ ag to há nỹtĩnh ke mũ gé, ũ tỹ ẽg mré ti ki ge kỹ nỹtĩ ag to.