Lucas 9:2 - O Novo Testamento na língua Kaingáng

² Kỹ tóg ag jẽgnẽg mũ sir, ag tỹ vẽnh kar mỹ Topẽ tỹ tỹ ẽg pã'i nĩ ẽn kãmén jé, ag tỹ ũn kagyga ag tỹ há' he jé gé.

Lucas 9:2 Iomraidhean Croise

Mateus 10:5

Ũ tỹ 12 ẽn ag jẽgnẽg tóg mũ sir, Jesus ti, ag tỹ vẽnh kar mỹ Topẽ vĩ kãmén jé. Kỹ tóg ag mỹ: “ver fóg ag mỹ inh kãmén mũ tũg nĩ, kanhgág ag mỹ kãmén tũg nĩ gé ver,” he mũ. “Kỹ Samaria tá ke ag jamã ki ge tũg nĩ gé,” he tóg.

Mateus 13:19

Ũ tóg kejẽn, ón kỹ Topẽ vĩ mẽg mũ. Hã ra tóg to jykrén tũ nĩ. Kỹ Nén-Kórég vỹ, ti mỹ tỹ tũ' he mũ sir, ti tỹ mẽ ja ti tỹ. Kã jatu tóg nĩ sir. Nén fy tỹ ẽmĩn kri kutẽ mũ ẽn hã vẽ.

Mateus 24:14

Kỹ nação kar vỹ, vẽnh vĩ sér ẽn mẽnh mũ, ga kar mĩ hã, kỹ ag tóg, Topẽ tỹ tỹ ẽg pã'i nĩnh ke ẽn mẽnh mũ. Ag tỹ mẽ kãn kỹ kurã tỹ ẽgno vẽ sir,” he tóg, Jesus ti.

Mateus 3:2

“Ãjag jykre pãno tovãnh nĩ, Topẽ tỹ tỹ ãjag pã'i nĩ jé,” he tóg.

Marcos 16:15

Kỹ tóg ag mỹ: “ga kri mũ kỹ ẽmã kar mĩ vẽnh vĩ sér kãmén nĩ, Topẽ tỹ há kar ag mỹ,” he mũ.

Marcos 6:12

Kỹ ag tóg mũ mũ sir. “Ãjag jykre tovãnh nĩ,” he ag tóg mũ, vẽnh kar mỹ.

Lucas 10:1

Kỹ Jesus tóg ũ tỹ 70 (ke) ag vin mũ gé sir, ag tỹ ti jo mũ jé. Ũn régre tĩn', ũn régre tĩn' he tóg. Ag mỹ tóg: “ẽmã kar mĩ Topẽ vĩ kãmén mũjẽg,” he mũ. Ag nón tóg ra tĩg sór mũ gé.

Lucas 10:11

“ha vé, ẽg pẽn nug hã kykũgkũg ẽg tóg mũ, ãjag tỹ ẽg kavénh tũ nĩ jé,” hem nĩ. “Ge ra ẽg tóg ãjag mỹ tó mũ, ẽg tỹ ãjag mỹ nén tónh kãmũ jan ti, hã vỹ: “Topẽ vỹ tỹ ẽg pã'i nĩnh mũ, ũri,” he mũ,” hem nĩ ag mỹ,” he tóg.

Lucas 10:9

Ũn kaga ag tỹ há' hem nĩ. Ag mỹ: “Topẽ vỹ tỹ ãjag pã'i nĩnh mũ, ũri,” hem nĩ.

Lucas 16:16

“Moisés tỹ ẽg mỹ Topẽ vĩ tó ja ẽn vỹ João tá krỹg, vãsỹ Topẽ vĩ tó tĩ ag tỹ ẽg mỹ nén tó ja kar ẽn ti. João tá jun kỹ vẽjykre tãg vẽ sir, hã vỹ: Topẽ tỹ tỹ ẽg pã'i nĩ, he mũ. Kỹ ũ tỹ hẽn ri ke ag tóg vãsãnsãn tĩ, ag tỹ ve jé.

Lucas 9:11

Hã ra ũn e ẽn ag tóg mẽg mũ, kỹ ag tóg ti nón mũ mũ. Ag tỹ ti pétẽm kỹ tóg ag mỹ vĩ há han mũ. Ag mỹ tóg Topẽ tỹ tỹ ẽg pã'i nĩnh ke kãmén mũ. Kỹ tóg ag kã mĩ ũn kagyga tỹ há' he mũ gé, fag mré hã.