Lucas 9:19 - O Novo Testamento na língua Kaingáng

¹⁹ Kỹ ag tóg ti mỹ: “ũ ag vỹ: João Batista vẽ, he tĩ, jãvo ũ ag vỹ: Elias vẽ, he tĩ gé, jãvo ũ ag vỹ: vãsỹ Topẽ vĩ tó tĩ ũ vỹ rĩr mãn, he tĩ gé, ã to,” he mũ.

Lucas 9:19 Iomraidhean Croise

Mateus 14:2

Kỹ tóg ti camarada ag mỹ: “João Batista hỹn, ãjag tỹ inh mỹ ũ tó mũ ẽn ti,” he mũ. “Ti hỹn rĩr mãn, sỹ ti tén kar kỹ, hã kỹ tóg milagre tỹ hẽn ri ke hynhan tĩgtĩ,” he tóg, Herodes ti, Jesus to.

Mateus 3:1

Kejẽn João Batista tóg ẽmã tũ ja ra tĩ mũ, ga tỹ Judéia tá ga kórég ẽn ra. Tá jẽ kỹ tóg ag jyvẽn mũ sir.

Marcos 6:14

Kỹ pã'i mág tỹ Herodes tóg Jesus kãme mẽg mũ. Vẽnh kar vỹ ti kãmén tĩ, hã kỹ tóg mẽg mũ. Kỹ tóg: “João Batista hỹn, “ he mũ. “Ti ter ja tán hỹn vỹn ké. Hã kỹ tóg ẽg tỹ nén han vãnh hynhan tĩ,” he tóg, Jesus to.

Marcos 6:15

Hã ra ũ ag tóg Jesus to: “Elias vẽ,” he mũ. Kỹ ũ ag tóg: “Topẽ vĩ tó tĩ vẽ, vãsỹ Topẽ vĩ tó tĩ ag ri ke vẽ,” he mũ gé.

Lucas 9:18

Kejẽn Jesus tóg Topẽ mré vĩ mũ, ti pin kỹ. Hã ra ti mré mũ tĩ ag tóg ti mré nỹtĩ nĩ. Kỹ tóg ag mỹ: “ag iso hẽ ri ke tĩ?” he mũ.

Lucas 9:20

Kỹ tóg ag mỹ: “ag jãvo ãjag hẽ ri ke tĩ, iso?” he mũ. Kỹ Pedro vỹ ti mỹ: “tỹ ã Cristo nĩ, Topẽ tỹ ẽg mỹ ũn jẽnẽg mũ ẽn vỹ tỹ ã nĩ,” he mũ.

João 1:21

Kỹ ag tóg ti mỹ: “kỹ ã hỹn tỹ ũ nĩ? Ã mỹ tỹ Elias nĩ'?“ he mũ. Hã ra tóg: “vó“ he mũ gé. Kỹ ag tóg ti mỹ: “Topẽ vĩ tó tĩ ũ nẽji kãtĩg ke mũ gé. Ti hã mỹ tỹ ã nĩ?“ he mũ. Hã ra tóg: “vó,” he mũ gé.

João 1:25

Kỹ ag tóg: “ã tỹ hẽ ri ken kỹ ag kygpe sór nẽ, ã tỹ tỹ Cristo tũ hã ra?“ he mũ. “Inh pijé tỹ Elias nĩ'. Inh pijé tỹ Topẽ vĩ tó tĩ ẽn nĩ',” he ã tóg tĩ, hã ra ã tóg ag kygpég tĩ,” he ag tóg.

João 7:40

Kỹ Jesus vĩ mẽg mũ ũ ag tóg ti to: “Topẽ vĩ tó tĩ pẽ ẽn vẽ,” he mũ.

João 9:17

Kỹ ag tóg ũn kyvó ja ẽn ki jẽmẽ mãn mũ. “Ti mỹ tỹ ũn há nĩ', ũn kórég mỹ vó?“ he ag tóg mũ. “Ã tỹ tóg há' hé mỹr,” he ag tóg. Kỹ tóg: “inh mỹ tóg tỹ Topẽ vĩ tó tĩ pẽ nĩ,” he mũ.