Lucas 9:11 - O Novo Testamento na língua Kaingáng

¹¹ Hã ra ũn e ẽn ag tóg mẽg mũ, kỹ ag tóg ti nón mũ mũ. Ag tỹ ti pétẽm kỹ tóg ag mỹ vĩ há han mũ. Ag mỹ tóg Topẽ tỹ tỹ ẽg pã'i nĩnh ke kãmén mũ. Kỹ tóg ag kã mĩ ũn kagyga tỹ há' he mũ gé, fag mré hã.

Lucas 9:11 Iomraidhean Croise

Mateus 12:15

Hã ra tóg ki kanhró nĩ, ag tỹ ti tén sór ẽn ki. Kỹ tóg tá kãkutẽ mũ sir. Ti tĩg kỹ ũn tỹ hẽn ri ke ag tóg, ti nón mũ mũ, ũn kagyga ag ke gé, fag ke gé. Kỹ tóg ag tỹ há' he kãn mũ sir, fag tỹ ke gé.

Mateus 14:14

Kỹ Jesus tóg kafã ũ tá vag ke mũ, kỹ tóg tá ũn e ẽn ag vég mũ sir, ti nón kãmũ mũ ẽn ag. Kỹ ag tóg ti mỹ jagtar nỹtĩ. Ag jagãgtãn kỹ tóg, ag kã mĩ ũn kagyga ag tỹ há' he mũ sir.

Mateus 21:31

Kỹ ũ tỹ hẽ nỹ ti panh vĩ ki króm hỹn?“ he tóg. Kỹ ag tóg ti mỹ: “ũn sanh ti,” he mũ. Kỹ Jesus tóg “hỹ, hã vẽ,” he mũ. “Hã kỹ sóg ãjag mỹ ke mũ. Ũ tỹ governo mỹ jãnkamy mãg tĩ ũ ag vỹ Topẽ vĩ mranh, hã ra ag tóg to jykrén mãn kỹ ag jykre kórég tovãnh. Kỹ ũn mén tũ ũ fag vỹ fag jykre kórég tovãnh gé. Hã kỹ ag tóg Topẽ tỹ tỹ ẽg pã'i nĩ venh ke mũ, fag ke gé. Ti kósin sanh ri ke ag hã vẽ. Ag jãvo ãjag tóg kanhkã venh ke tũ nĩ, ãjag tỹ ón kỹ Topẽ mỹ: he, he mũ ra.

Mateus 21:43

“Hã kỹ sóg ãjag mỹ: ãjag tỹ Topẽ tỹ tỹ ẽg pã'i nĩ venh ke vẽ vẽ, hã ra ãjag tóg venh ke tũ nĩ,” he mũ. “Ũ ag hã vỹ venh ke mũ, povo ũ ag, ag tỹ inh vĩ kri fi kỹ,” he tóg.

Lucas 1:53

Ũn jagtar ag mỹ tóg nén ũ há kar vin tĩ, ũ tỹ ti vĩ mẽ sór mũ ẽn ag kar mỹ. Ũn riko ag mỹ tóg: ha mũ jẽg, he tĩ. Kỹ tóg ag mỹ nén ũ nĩm tũ nĩgtĩ, kỹ ag tóg jagtar nỹtĩ ha, ũ tỹ ti vĩ mẽ jãvãnh ẽn ag, fag ke gé.

Lucas 5:31

Hã ra tóg ag mỹ: “hỹ, ag mré sóg jẽg mũ,” he mũ. “Hã mẽ, ũn kaga tũ ag vỹ médico venh mũ tũ nĩgtĩ. Ũn kaga ag hã vỹ ti venh mũ tĩ,” he tóg.

Lucas 8:1

Tag pãte Jesus vỹ ẽmã kar mĩ tĩg kãn mũ, ẽmã kãsir mĩ hã ke gé. Topẽ vĩ tó tóg tĩ mũ. Ag mỹ tóg: “Topẽ tỹ tỹ ãjag pã'i nĩ sór vẽ,” he mũ. Kỹ ũ tỹ 12 (ke) ag tóg ti mré mũ mũ.

Lucas 8:10

Kỹ tóg ag mỹ: “ãjag hã mỹ sóg, kãmén há han ke mũ, Topẽ tỹ tỹ ẽg pã'i nĩ ti,” he mũ. “Hã ra sóg ũ ag mỹ: tag ri ke ti nĩ, he tãvĩ han mũ, ũ tỹ ón kỹ mẽg mũ ag mỹ. Kỹ ag tóg mẽg mũ ra ki kagtĩg nỹtĩnh mũ. To jykrén ke tũ ag nĩ gé,” he tóg.

Lucas 9:10

Kejẽn Jesus tỹ ũn vin mũ ag vỹ ti to vỹnvỹn ke mũ, ti tỹ ag jẽgnẽ ja ẽn tá. Ti mỹ ag tóg kãmén mũ sir. Kỹ tóg ag mré vẽnh péju kỹ tĩ mũ, ẽmã tỹ Betsaida ra, vyr mỹ ag mré vẽmén jé.

Lucas 9:12

Ti tỹ ag mỹ tó jẽ ki tóg rãké nỹ sir, kỹ ũ tỹ 12 (ke) ag tóg ti mỹ: “ã tỹ ag jẽgnẽnh há tóg tĩ, ag tỹ ẽmã kar mĩ vẽjẽn kũmpra he jé, tá nũgnũr jé ke gé. Tag ki tóg ẽmã tũ nĩ,” he mũ.

Lucas 9:2

Kỹ tóg ag jẽgnẽg mũ sir, ag tỹ vẽnh kar mỹ Topẽ tỹ tỹ ẽg pã'i nĩ ẽn kãmén jé, ag tỹ ũn kagyga ag tỹ há' he jé gé.

João 4:34

Hã ra tóg: “ijẽn to ken hã vẽ, hã vỹ: isỹ Topẽ rãnhrãj han kãn ke, he mũ. Isỹ ũ tỹ inh jẽnẽg mũ ẽn vĩ han ke vẽ.

João 6:37

Inh panh vỹ ũ ag kuprẽg mũ, ag tỹ tỹ isũ nỹtĩ jé. Ũ tỹ iso kãmũ kar vỹ inh mỹ há nỹtĩ. Inh pijé ũ mỹ: “inh mré kãtĩ tũg,” henh ke mũ'.

Han Kãme 28:31

Vẽnh kar mỹ tóg Topẽ tỹ tỹ ẽg pã'i nĩ kãmén mũ sir, fe tar han kỹ. Ẽg Senhor tỹ Jesus Cristo kãmén tóg mũ sir. Ũ tóg ti mỹ: “vĩ tũg ra,” he tũ nĩ, ti se kỹ nĩ hã ra.

Roma 10:14

Ẽg tỹ ti ki ge tũ nỹtĩ ra ẽg tóg: “inh kren han nĩ,” he ki kagtĩg nỹtĩnh mũ vẽ. Ẽg tỹ ti vĩ mẽ ja tũ nỹtĩ ra ẽg tóg ti ki ge ki kagtĩg nỹtĩnh mũ vẽ. Ũ tỹ ẽg mỹ ti vĩ tó tũ nĩ ra ẽg ti vĩ mẽnh ke tũ nĩ vẽ.

Roma 10:17

Hã kỹ ẽg tóg, ẽg tỹ ti vĩ mẽ há han kar kỹ ti ki rã tĩ. Ẽg tỹ Cristo kãme mẽ kỹ ẽg ti ki rã tĩ.

Roma 15:3

Cristo pijé ti tỹ nén to én mũ ẽn han ja nĩgtĩ'. Hã kỹ tóg ẽg jagfy jagtar ja nĩgtĩ. Kỹ tóg Topẽ mỹ: “ã to ag tóg vĩ kónãn tĩ, ã kato tẽ ag. Hã ra ag vĩ vỹ inh kri kutẽnh ke mũ,” he ja nĩ. Ti mur tũg ki Topẽ vĩ tó tĩ ũ tóg ti vĩ tag rán ja nĩ, hã ra tóg ge nĩ.

2 Timóteo 4:2

“Topẽ vĩ kãmén ra,” he mũ. Kejẽn ag tóg mẽ sór tĩ. Kejẽn ag tóg mẽ sór tũ nĩgtĩ. Ge ra ag mỹ kãmén nĩ. Ag mỹ ag tỹ kygnẽ ja ẽn tóm nĩ. Ag jyvẽn tar han nĩ, ag tỹ mẽ jãvãnh nỹtĩn kỹ. Ag to krónh ke tũg nĩ, ag tỹ kejẽn Jesus ki rã sór jé.

Hebreu 4:16

Hã kỹ ẽg tóg Topẽ mré vẽmén ke mũ, jatun mỹ. Mũmẽg ke tũ ẽg tóg nĩ. Ẽg jagãgtãn jé tóg ke mũ. Kỹ tóg ẽg tar han ke mũ gé, ẽg krój nỹtĩn kỹ.