Lucas 9:1 - O Novo Testamento na língua Kaingáng

¹ Kỹ tóg ũ tỹ 12 (ke) ẽn ag jé prẽr mũ. Ag vẽnh mãn kỹ tóg ag tar han mũ sir, ag tỹ vẽjagrẽ kórég pan jé, ag tỹ ũn kagyga ag tỹ há' he jé gé.

Lucas 9:1 Iomraidhean Croise

Mateus 16:19

Ẽprã ke ag vỹ kanhkã ra mũnh ke mũ, ã vĩ ki. Ã hã mỹ sóg ti nón jafã finh ke mũ sir, save ti. Kỹ ã tỹ ũ mỹ: “kanhkã ra tĩg jé ã tóg ke mũ,” hen kỹ tóg ra tĩg mũ. Kỹ ã tỹ ũ mỹ: “kanhkã ra tĩg ke tũ ã nĩ,” hen kỹ tóg ra tĩg ke tũ nĩ,” he tóg, Pedro mỹ.

Mateus 4:24

Hã kỹ ti kãme tóg vẽnh kar kri rũm mũ sir, ga tỹ Síria tá ke kar kri. Kỹ ag tóg sir ũn kagyga ag tatĩ kãmũ mũ, ti to, vẽnh kaga vẽnh mỹ han mũ ag mré hã, kỹ tóg ag tỹ há' he kãn mũ sir. Vẽjagrẽ kórég ag pan kãn tóg mũ gé. Ũ ter tĩ han tĩ ag tỹ tóg há' he mũ gé, ũn kãnhgrĩn kỹ nỹtĩ ag tỹ ke gé, fag kar tỹ ke gé.

Mateus 8:9

“Ha vé, tỹ sóg pã'i krẽm ke nĩ gé, kỹ soldado ag tóg tỹ inh krẽm ke nỹtĩ gé. Hã kỹ sóg pã'i jykre ki kanhró nĩ. Isỹ soldado ũ mỹ: kutĩg, hen kỹ tóg tĩ mũ. Sỹ ti mỹ: kunĩg, hen kỹ tóg kãtĩ mũ gé. Isỹ inh camarada mỹ: tag han ra, hen kỹ tóg han tĩ. Inh vĩ tỹ sóg ag jẽgnẽg tĩ. Ã vĩ hã tỹ ã tóg ti tỹ há' henh ke mũ,” he tóg.

Lucas 10:1

Kỹ Jesus tóg ũ tỹ 70 (ke) ag vin mũ gé sir, ag tỹ ti jo mũ jé. Ũn régre tĩn', ũn régre tĩn' he tóg. Ag mỹ tóg: “ẽmã kar mĩ Topẽ vĩ kãmén mũjẽg,” he mũ. Ag nón tóg ra tĩg sór mũ gé.

Lucas 10:19

Ti kri ke vỹ tỹ inh nĩ. Ha vé, ãjag to sóg vãsãn mũ, pỹn tỹ ãjag kókég tũ nĩ jé, ãjag tỹ ti sãn mũ ra, pỹn kakrã ke gé, Nén-Kórég kar ag ke gé. Ũ vỹ ãjag kókén ke tũ pẽ nĩ gé.

João 14:12

Ki hã sóg tó mũ, ha mẽ. Ũ tỹ inh ki rã há han mũ ẽn vỹ isỹ nén han mũ ri ke han ke mũ gé, hã ra tóg isỹ nén han mũ kãfór han ke mũ, ha vem nĩ, isỹ ũri inh panh venh tĩg ken kỹ.

Han Kãme 1:8

“Hã ra Topẽ kuprĩg vỹ tỹ ãjag jagrẽ nĩnh ke mũ. Kỹ ti hã vỹ ãjag tar han ke mũ, ãjag tỹ inh kãmén jé. Jerusalém tá ãjag tóg inh kãmén ke mũ, ga tỹ Judéia tá ke gé, ga tỹ Samaria tá ke gé, ga fyn ja tá hã ke gé mỹr,” he tóg, Jesus ti.

Han Kãme 3:16

“Kỹ ẽg tóg Jesus ki ge mũ. Hã kỹ Jesus tóg ũn kãnhgrĩ ja tag tỹ tar' he mũ, ãjag tỹ ũn vég mũ tag ti. Jesus vỹ ti tỹ ti ki rã han. Hã kỹ tóg ti tỹ Jesus ki rã kỹ há' he mũ sir, ãjag rĩnve,” he tóg.

Han Kãme 4:30

Kỹ ẽg mré milagre hynhan nĩ gé. Ũn kaga ag tỹ há' hem nĩ, ẽg tỹ nén han vãnh han nĩ, ẽg tỹ ã mỹ to vĩn kỹ, ẽg tỹ ã kósin jiji tó kỹ, ũn kuryj nĩ ẽn,” he ag tóg, Topẽ mỹ.

Han Kãme 9:34

Kỹ Pedro tóg ti mỹ: “Enéias', Jesus Cristo vỹ ã han. Jẽgnẽ ra, ã nỹg ja fi han ra,” he mũ.