Lucas 8:8 - O Novo Testamento na língua Kaingáng

⁸ Ti fy ũ tỹ tóg ga há ki krãn mũ. Kỹ tóg mur há han mũ. Kanẽn há han tóg mũ. Kanẽ tỹ 100 (ke) han tóg mũ sir, ga há ẽn ki,” he tóg. Kỹ tóg prẽr mũ. “!..Ũ nĩgrẽg nỹtĩ tỹ tỹ jẽmẽ jé..!” he tóg, prẽr kỹ, Jesus ti.

Lucas 8:8 Iomraidhean Croise

Mateus 11:15

To jykrén há han nĩ,” he tóg.

Mateus 13:23

Ti fy ũ tóg ga há ki krãn kỹ nĩ. Ũ vẽ gé. Topẽ vĩ mẽg tóg mũ gé. Mẽ kỹ tóg to jykrén mũ sir. Kỹ tóg kanẽn há han mũ sir. Kỹ ũ vỹ tóg kanẽ tỹ 100 han, jo ũ vỹ tóg kanẽ tỹ 60 han mũ, jo ũ vỹ tóg kanẽ tỹ 30 han mũ gé,” he tóg.

Marcos 4:20

Kỹ ti tỹ ga há ki krãn mũ ẽn vỹ tỹ Topẽ vĩ mẽg mũ ag nỹtĩ gé. Hej, he ag tóg mũ sir, kanẽn há han ag tóg mũ, ũ tóg kanẽ tỹ 30 (ke) han mũ, ũ tóg kanẽ tỹ 60 (ke) han mũ, ũ tóg kanẽ tỹ 100 (ke) han mũ,” he tóg.

Marcos 4:23

Ũn nĩgrẽg nỹtĩ tỹ tỹ jẽmẽ jé,” he tóg.

Marcos 4:8

Ti fy ũ tóg ga há kri kutẽ mũ. Kỹ tóg ti mur kỹ mog há han mũ. Kanẽn há han tóg mũ gé. Ũ tóg kanẽ tỹ 30 (ke) han, jo ũ vỹ kanẽ tỹ 60 (ke) han, jo ũ vỹ kanẽ tỹ 100 (ke) han.

Marcos 7:16

Ũ nĩgrẽg nỹtĩ tỹ tỹ jẽmẽ jé,” he tóg.

Lucas 14:35

“Ti kãhór nĩn kỹ tóg kórég nĩ. Fón ẽg tóg tĩ. Ẽg pijé ẽg japỹ ki ti fón tĩ', ẽg jakré tỹ tóg há' henh ke tũ nĩ gé. Ti fón pẽ han jé ẽg tóg ke mũ. Ri ke ãjag nỹtĩ, ãjag tỹ inh mré mũ pẽ han tũ nĩn kỹ. Jẽmẽ há han nĩ, sỹ ãjag mỹ nén tó mũ tag ti,” he tóg.

Lucas 8:15

Kar ga há ki krãn kỹ nỹtĩ ag vỹ, ge nỹtĩgtĩ gé. Jẽmẽg ag tóg tĩ. Kỹ ag tóg, ag fe tỹ ti ki rã mũ sir, ag tỹ ti vĩ ki króm jé. Kỹ ag tóg, kanẽn há han mũ sir. Komẽr hã ag tóg, kanẽn há han', han', he mũ, ag tỹ nén ũ jagy vég mũ ra,” he tóg.

Lucas 8:7

Ti fy ũ tỹ tóg, sónh kã ki krãn mũ. Kỹ sónh tóg, ti mré mur mũ, ti kri tóg rũm ke mũ sir. Kỹ tóg ter mũ sir, sónh kã ki.

Éfeso 2:10

Ti hã ne ẽg han mãn ja nĩgtĩ'. Jesus Cristo tỹ tóg ẽg han ja nĩgtĩ, ẽg tỹ vẽjykre há han jé. Topẽ vỹ ẽg mỹ vẽjykre há tag nĩm kãn, ẽg tỹ hã jagma mũ jé.

Colossos 1:10

Kỹ ãjag tóg ẽg mré ẽg Senhor jykre ki króm ke ki kanhró nỹtĩnh mũ gé, ãjag jykre tỹ ti mỹ há nỹn jé. Ẽg tỹ vẽjykre há han kỹ ẽg tóg ti mỹ ẽkré kanẽ há ẽn ri ke han tĩ. Ãjag tỹ tag han kỹ tóg há tĩ. Kỹ ãjag tóg Topẽ ki kanhrãn há han ke mũ gé sir.

Nén Venh Ke 13:9

Ũn nĩgrẽg nỹtĩ ag tỹ tỹ jẽmẽ jé.

Nén Venh Ke 2:11

“Ũ nĩgrẽg nỹtĩ ag tỹ tỹ jẽmẽ jé, Topẽ kuprĩg vĩ ti. Ũ tỹ inh ki ge kỹ nỹtĩ ag hã mỹ tóg tó tĩ, Topẽ kuprĩg ti,” he tóg. “Ũ tỹ isovãnh tũ ẽn vỹ nũgme ki vár ke tũ nĩ,” he tóg, ũ tỹ tỹ ẽprã ke nĩ ve ẽn ti. Ti tỹ Esmirna tá ke ag mỹ vẽnh vĩ jẽnẽg mũn hã vẽ.

Nén Venh Ke 2:7

“Ũ nĩgrẽg nỹtĩ ag tỹ tỹ jẽmẽ jé, Topẽ kuprĩg vĩ ti. Ũ tỹ inh ki ge kỹ nỹtĩ ag hã mỹ tóg tó tĩ,” he tóg. “Ũ tỹ isovãnh tũ ẽn vỹ ka tỹ ẽg rĩnrĩr han ke mũ ẽn kanẽ konh ke mũ, Topẽ jakré ẽn kanẽ,” he tóg, ũ tỹ tỹ ẽprã ke nĩ ve ẽn ti. Ti tỹ Éfeso tá ke ag mỹ vẽnh vĩ jẽnẽg mũn hã vẽ.

Nén Venh Ke 3:13

“Ũ nĩgrẽg nỹtĩ ag tỹ tỹ jẽmẽ jé, Topẽ kuprĩg vĩ ti. Ũ tỹ inh ki ge kỹ nỹtĩ ag hã mỹ tóg tónh ke mũ, Topẽ kuprĩg ti,“ he tóg, ũ tỹ tỹ ẽprã ke nĩ ve ẽn ti. Ti tỹ ẽmã tỹ Filadélfia tá ke ag mỹ vẽnh vĩ jẽnẽg mũn hã vẽ.

Nén Venh Ke 3:6

“Ũ nĩgrẽg nỹtĩ ag tỹ tỹ jẽmẽ jé, Topẽ kuprĩg vĩ ti. Ũ tỹ inh ki ge kỹ nỹtĩ ag hã mỹ tóg tónh ke mũ, Topẽ kuprĩg ti,” he tóg, ũ tỹ tỹ ẽprã ke nĩ ve ẽn ti. Ti tỹ ẽmã tỹ Sardes tá ke ag mỹ vẽnh vĩ jẽnẽg mũn hã vẽ.