Lucas 8:48 - O Novo Testamento na língua Kaingáng

⁴⁸ Kỹ tóg fi mỹ vĩ há han kỹ: “inh kósin', ã tỹ inh ki rã kỹ ã tóg há' hé. Ha tĩg, jatun mỹ,” he mũ.

Lucas 8:48 Iomraidhean Croise

Mateus 12:20

Ẽprã ke ag tỹ inh vĩ mranh kỹ ag tóg vãn tóg tỹ kamkam ke ẽn ri ke nỹtĩ. Hã ra ti pijé ag tỹ kamkam ke kãn ke mũ', isỹ ũ to: inh fe, he mũ ẽn ti. Néj gru tỹ nhyn ke sór ẽn ri ke ag nỹtĩ gé. Ti pijé ag tỹ nhyn kenh ke mũ'. Ag mỹ tóg vĩ há han ke mũ. Tag kar kỹ sóg kejẽn vẽnh kar jykre tugnỹm ke mũ.

Mateus 8:13

Kỹ tóg capitão mỹ: “Inh ki rã kỹ ã tóg jẽ nĩ,” he mũ. “Hã kỹ ã tóg venh ke mũ sir. Ã camarada tỹ inh hur há' hé,” he tóg. Kỹ tóg tĩ mũ sir. Jesus tỹ ti mỹ tó mũ ẽn hã kã tóg há' he ja nĩ.

Mateus 9:2

Ti tỹ ti jamã tá jun kỹ ag tóg vãhã, ti mỹ ũn kãnhgrĩ vyn kỹ junjun mũ. Kỹmỹ kri tóg nỹ nĩ. Kỹ Jesus tóg, ag tỹ ti ki ge kỹ nỹtĩ vég mũ sir. Hã kỹ tóg ũn kãnhgrĩ ẽn mỹ: “inh kósin',” he mũ. “Ã fe tỹ há' hé. Ã tỹ Topẽ vĩ mranh ja ẽn tỹ tũ' hen hã vẽ ha,” he tóg.

Mateus 9:22

Hã ra Jesus tóg vĩrĩn ke kỹ fi vég mũ. Kỹ tóg fi mỹ: “inh kósin',” he mũ. “Kamẽg tũg nĩ. Ã tỹ inh ki rã kỹ ã tóg há' henh ke mũ,” he tóg. Kỹ fi tóg há' he mũ sir vẽsỹmér, ha mẽ.

Marcos 5:34

Hã ra tóg fi mỹ: “inh kósin,” he mũ. “Ã tỹ inh ki rã hã kỹ ã tóg há' hé. Ha tĩg, jatun mỹ. Ã tỹ há' he vẽ ha,” he tóg.

Lucas 17:19

Kỹ tóg fóg ẽn mỹ: “jẽgnẽ ra,” he mũ.“Ha tĩg,” he tóg. “Ã tỹ inh ki rã hã kỹ ã tóg há' he mũ,” he tóg.

Lucas 18:42

Kỹ tóg ti mỹ: “he, ha tã mĩ vé,” he mũ. “Ã tỹ inh ki rã kỹ ã há' henh ke mũ,” he tóg.

Lucas 7:50

Hã ra Jesus tóg fi mỹ ke mãn mũ. “Ã tỹ inh ki rã kỹ sóg ã kren han mũ,” he tóg. “Ha jatun mỹ tĩg,” he tóg, ũn tỹtá kórég ja ẽn fi mỹ.

Lucas 8:47

Kỹ ũn tỹtá ẽn fi tóg: “Ti hỹn inh vé,” he mũ. Hã kỹ fi tóg jũrũn ke mũ. Ti krẽm fi tóg grĩnh ke mũ. Vẽnh kar rĩnve fi tóg ti mỹ tó kãn mũ.“Isỹ ã kur mẽ kỹ sóg vẽsỹmér há' hé,” he fi tóg.

Han Kãme 14:9

Ẽn tóg sir Paulo vĩ mẽg mũ. Kỹ Paulo tóg ti tugnỹm mũ. Kỹ tóg ti tỹ Jesus vĩ kri fig mũ vég mũ, Jesus tỹ ti tỹ há' he jé.

2 Corinto 6:18

“Ãjag jóg vỹ tỹ inh nĩnh mũ, kỹ ãjag tóg tỹ inh krẽ nỹtĩnh mũ, he tóg, ẽg Senhor ti, ũ tỹ nén ũ kar han ki kanhró ẽn ti,” he ja tóg nĩgtĩ, Topẽ vĩ rán ki.

Hebreu 4:2

Mẽ ẽg huri, Topẽ tỹ ẽg mỹ nén han sór mũ ẽn ti. Ũ tỹ ga kórég mĩ mũ mũ ẽn ag tỹ mẽ ri ke han ẽg tóg huri. Hã ra ag tóg kri fi ja tũ nĩgtĩ, ag tỹ mẽg mũ ra. Hã kỹ tóg ag mỹ nén ũ há han ja tũ nĩ, Topẽ ti.