Lucas 8:46 - O Novo Testamento na língua Kaingáng

⁴⁶ Hã ra tóg: “vó, ũ tóg inh kur mẽ,” he mũ.“Inh kuprĩg vỹ inh mỹ tó, hã kỹ sóg ki kanhrãn mũ,” he tóg.

Lucas 8:46 Iomraidhean Croise

Lucas 5:17

Kejẽn tóg ag kanhrãn nĩ nĩ. Pã'i tỹ hẽn ri ke ag tóg ti vĩ mẽg nỹtĩ, Fariseu ag, Topẽ vĩ to ẽg kanhrãn tĩ ag, kuvar há tá ke ag, ga tỹ Galiléia tá ke ag, ga tỹ Judéia tá ke ag, Jerusalém tá ke ag ke gé. Hã ra Topẽ tóg ti tar han, hã kỹ tóg ũn kaga tỹ hẽn ri ke tỹ há' he kãn mũ.

Lucas 6:19

Kỹ vẽnh kar vỹ ti kã krỹ' he sór mũ sir, hã jé ag tóg ti ki junjun mũ. Kỹ ũ tỹ ti kã krỹ' he mũ ẽn ag vỹ há' he kãn mũ, ti tỹ ti jykre tar tỹ ag tỹ há' hen kỹ.

Lucas 8:47

Kỹ ũn tỹtá ẽn fi tóg: “Ti hỹn inh vé,” he mũ. Hã kỹ fi tóg jũrũn ke mũ. Ti krẽm fi tóg grĩnh ke mũ. Vẽnh kar rĩnve fi tóg ti mỹ tó kãn mũ.“Isỹ ã kur mẽ kỹ sóg vẽsỹmér há' hé,” he fi tóg.

1 Pedro 2:9

Ãjag hã kuprẽg tóg, ãjag tỹ tỹ ti tũ to pã'i mág nỹtĩ jé, ãjag tỹ tỹ ti povo nỹtĩ jé, vyr mỹ. Ãjag kuprẽg tóg, ãjag tỹ ti tỹ nén han mũ kãmén jé, ti jykre tar ti. Vãsỹ ãjag tóg kuty mĩ mũ ja nĩgtĩ. Hã ra tóg ãjag tatĩ kãtĩg, ãjag tỹ ũri kurã mĩ mũ jé, jẽngrẽ mĩ.