Lucas 8:41 - O Novo Testamento na língua Kaingáng

⁴¹ Kỹ vãhã ũ tóg ti ki jun mũ. Israel ag vẽnh kanhrãn jafã to pã'i vẽ, ti jijin hã vỹ: Jairo, he mũ. Ẽn tóg ti mỹ to vĩ mũ, ti tỹ ti ĩn ra tĩg jé.

Lucas 8:41 Iomraidhean Croise

Lucas 13:14

Hã ra vẽnh kanhrãn jafã to pã'i tóg Jesus to jũ mũ, ti tỹ vẽnhkán ke kurã ki fi tỹ há' hen kỹ. Kỹ tóg vẽnh kar jyvẽn kỹ ag mỹ: “kurã tỹ 6 (ke) hã ki ẽg tóg rãnhrãj ke mũ ha,” he mũ. “Hã kỹ kurã tỹ 6 (ke) ẽn ki kãmũm nĩ, ti tỹ ãjag tỹ há' hen jé. Vẽnhkán ke kurã ki vẽnh kygtãg kãmũ tũg nĩ,” he tóg mũ.

Lucas 17:16

Ti tỹ tá jun kỹ tóg ti krẽm mũg ke mũ. Ti mỹ tóg: “inh mỹ tóg há tĩ, ã tỹ isỹ há' hen kỹ,” he mũ. Samaria tá fóg ũ vẽ, ũ tỹ Jesus to kyrã mũ ẽn ti.

Lucas 5:8

Kỹ tóg Simão mỹ e tĩ. Kỹ tóg Jesus krẽm grĩnh kỹ ti mỹ: “ã hỹn inh ré kỹ tĩg mũ ha. Topẽ vĩ mranh ja inh nĩgtĩ. Kórég inh nĩ,” he mũ.

Lucas 8:42

Ti kósin pir fi vỹ kaga jagy nỹ, kỹ fi kaga ẽn vỹ fi tén sór mũ. Kri prỹg tỹ 12 (ke) fi nĩ. Kỹ tóg ti mré tĩ mũ. Ti tĩg kỹ ũn e ag tóg ti nón mũ mũ.

Lucas 8:49

Ti tỹ ver fi mré vẽmén jẽ ra ũ tóg jun mũ, pã'i tỹ Jairo ẽn ĩn tá. “Ã kósin fi vỹ hur tũg. Hã kỹ ti kutãn mãn tũg nĩ,” he tóg.

João 11:21

Kỹ Marta fi tóg ti kato tẽ kỹ ti mỹ: “Senhor,” he mũ. “Ã tỹ kãnĩ ra ti ter ke tũ nĩ vẽ,” he fi tóg.

Han Kãme 13:15

Ũ tóg tá Topẽ tỹ ẽg mỹ vẽjykre nĩm ja ẽn to ke mũ, rán kỹ nĩ ẽn to. Ti tỹ ẽg jyvẽn tó tóg mũ gé, vãsỹ Topẽ vĩ tó tĩ ag tỹ rán ja ẽn ti. Kar kỹ pã'i ag tóg Paulo ag jé prẽr mũ. Kỹ ag tóg: “kanhkã', ãjag tỹ ẽg jyvẽn sór kỹ tóg há nĩ,” he mũ.

Han Kãme 18:17

Kỹ tá nỹtĩ ag tóg Sóstenes kãgmĩg mũ. Judeu ag vẽnh kanhrãn jafã to pã'i vẽ. Ti kãgmĩ kỹ ag tóg ti mrãnmrãn mũ, pã'i mág ẽn ĩn tá, hã ra Gálio tóg ki ẽmẽ sór tũ nĩ.

Han Kãme 18:8

Hã ra Judeu ag vẽnh kanhrãn jafã to pã'i vỹ Jesus ki rã mũ, ti jiji hã vỹ: Crispo, he mũ. Ti mré ke kar vỹ Jesus ki ge mũ gé, Corinto tá ke tỹ hẽn ri ke. Kỹ ag tóg kygpe kỹ nỹtĩ sir.

Han Kãme 9:38

Jo Jope tóg Lida to hã nĩ, hã ra Pedro tóg Lida tá nĩ nĩ. Kỹ Jope tá ke ag tóg ti ki kanhró nỹtĩ. Kỹ ag tóg ũn régre ag jẽgnẽg mũ, ag tỹ ti mỹ: “kur kãtĩg mẽ han,” he jé.

Nén Venh Ke 5:8

Kỹ nén nẽ tỹ 4 (ke) ẽn ag vỹ mũgmũg ke kãn mũ, kófa tỹ 24 (ke) ag ke gé. Cordeiro ẽn krẽm ag tóg mũgmũg ke kãn mũ sir. Kófa ag vỹ vãkyn jafã tỹ harpa génh kỹ nỹtĩ, pénky tỹ ouro génh kỹ ke gé. Pénky ẽn kã ki tóg fór nĩ, pũn kỹ ger há han jafã ẽn tỹ, hã vỹ: ẽg tỹ Topẽ mré vẽmén tĩ, he mũ.