Lucas 8:40 - O Novo Testamento na língua Kaingáng

⁴⁰ Kỹ Jesus tóg vỹn ke mũ, nig kafã ũ ra. Kỹ tóg vẽnh e ẽn mỹ sér tĩ. Ti jãvãnh ja ag tóg nĩ.

Lucas 8:40 Iomraidhean Croise

Mateus 9:1

Kỹ Jesus tóg, canoa ki rã kỹ goj nig mág kafã ũ ra tĩg mãn mũ sir, ti mré mũ tĩ ag mré. Kỹ tóg ti jamã tá jun mũ.

Marcos 12:37

Hã kỹ Davi tóg Cristo to: inh Senhor vẽ, he ja nĩ. Ti tỹ tỹ ti krẽ'krẽ nĩ ra ti mỹ tỹ ti kri ke nĩnh ke mũ vẽ'?“ he tóg. Hã ra ag tỹ ti mỹ ne tónh ke tóg tũ tĩ. Ti vĩ tag tóg vẽnh kar mỹ há nỹ.

Marcos 5:21

Kỹ Jesus tóg goj nig mág kafã ra tĩg mãn mũ, canoa kãmĩ. Kỹ vẽnh e tóg ti jo vẽnh mãn mũ, goj fyr tá.

Marcos 6:20

Herodes vỹ ti kamẽg ja nĩ, ti tỹ jykre kuryj nĩn kỹ. Topẽ jykre hã han tóg tĩ ja nĩgtĩ. Kỹ Herodes tóg ti jy nĩgãn ja nĩ, ti jykre há tugrĩn. Ti vĩ tóg ti mỹ mẽ há ja nĩ, ge ra tóg to jykrén ja tũ nĩ.

Lucas 19:48

Hã ra tóg ag mỹ ki króv tũ nĩ. Vẽnh kar mỹ tóg mẽ sér tĩ, ti vĩ ti, hã kỹ tóg vẽnh mỹ tĩ sir, pã'i ag tỹ ti tén sór mũ ra.

Lucas 19:6

Kỹ tóg tére tỹ mrãnh ke mũ sir. Jesus mỹ tóg: “mũ jé ha,” he mũ. Ti mỹ tóg sér tĩ, Jesus tỹ ti ĩn krẽm nũr sór kỹ.

Lucas 5:1

Kejẽn tóg goj nig mág tỹ Galiléia fyr tá Topẽ vĩ kãmén jẽ nĩ. Hã ra vẽnh e tãvĩ vỹ ti pénĩn nỹtĩ nĩ, kỹ ag tóg ti kutãn mũ sir.

Lucas 8:39

“Ã jamã ra vỹn ké,” he tóg ti mỹ. “Tá ag mỹ kãmén nĩ, Topẽ tỹ ã tỹ há' he tag ti,” he tóg. Kỹ tóg ẽmã kar mĩ tĩ mũ. Ag mỹ tóg kãmén kãn mũ sir.

João 5:35

“João vỹ ãjag mỹ néj gru ri ke ja nĩ, ãjag mỹ kurã sĩ han kỹ, ti tỹ ãjag mỹ Topẽ vĩ kãmén ja nĩn kỹ. Kỹ tóg ãjag mỹ sér tĩ ja nĩ. Hã ra tóg kurã e han ja tũ nĩ.

Han Kãme 10:33

“Kỹ sóg vẽsỹmér ã to ũ ag jẽgnẽ. Kỹ ã tóg kãtĩ mũ. Kỹ tóg há tĩ, ã kãtĩg ti. Hã to ẽg tóg vẽnh mãn, Topẽ jo. Topẽ tỹ ã mỹ nén tó ja kãmén ra ẽg mỹ. Ẽg tỹ mẽnh há tóg tĩ,” he tóg, Cornélio ti, Pedro mỹ.