Lucas 8:38 - O Novo Testamento na língua Kaingáng

³⁸ Kỹ ũn jagrẽ kórég ja tóg ti mỹ to vĩ e han mũ, “nhỹ ã mré tĩg mũ,” hen kỹ. Hã ra Jesus tóg ti pére tĩg jãvãnh nĩ.

Lucas 8:38 Iomraidhean Croise

Mateus 4:24

Hã kỹ ti kãme tóg vẽnh kar kri rũm mũ sir, ga tỹ Síria tá ke kar kri. Kỹ ag tóg sir ũn kagyga ag tatĩ kãmũ mũ, ti to, vẽnh kaga vẽnh mỹ han mũ ag mré hã, kỹ tóg ag tỹ há' he kãn mũ sir. Vẽjagrẽ kórég ag pan kãn tóg mũ gé. Ũ ter tĩ han tĩ ag tỹ tóg há' he mũ gé, ũn kãnhgrĩn kỹ nỹtĩ ag tỹ ke gé, fag kar tỹ ke gé.

Lucas 8:28

Ẽn tóg ti kato tẽ kỹ ti krẽm mũg ke mũ. Prẽr kỹ tóg: “!..ã isỹ hẽ ri kenh mũ, Jesus’..!” he mũ. “!..Kynhmỹ Topẽ kósin'..!” he tóg. “!..Ã mỹ sóg to vĩnh mũ, ã tỹ inh vóg kónãn tũ nĩ jé..!” he tóg.

Lucas 8:37

Gerasa tá ke kar ag tóg kanẽ jur nỹtĩ. Hã kỹ ag tóg ti mỹ: “ã tĩg kỹ tóg ẽg mỹ há tĩnh mũ,” he mũ. Kỹ tóg canoa kã ra rã kỹ tĩ mũ, ti mré mũ tĩ ag mré.

Lucas 8:39

“Ã jamã ra vỹn ké,” he tóg ti mỹ. “Tá ag mỹ kãmén nĩ, Topẽ tỹ ã tỹ há' he tag ti,” he tóg. Kỹ tóg ẽmã kar mĩ tĩ mũ. Ag mỹ tóg kãmén kãn mũ sir.

Filipos 1:23

Inh kren ke mỹ inh mỹ hán tĩ vỹ, iser ke vó? he sóg tĩ. Iser kỹ sóg Cristo mré nĩnh mũ. Kỹ tóg inh mỹ hapẽ nĩ, isỹ ti venh há tĩn kỹ.