Lucas 8:35 - O Novo Testamento na língua Kaingáng

³⁵ Kỹ tá ke ag tóg ra mũ kãn mũ, nén ẽn ve jé. Ag tỹ Jesus tá junjun kỹ ag tóg ti vég mũ sir, ũn jagrẽ kórég ja ẽn ti. Nĩ tóg mũ ha, Jesus rã hã. Kur tóg nĩ ha, krĩ há tóg nĩ ha. Kỹ ag fe tóg jũrũn ke mũ sir.

Lucas 8:35 Iomraidhean Croise

Mateus 4:24

Hã kỹ ti kãme tóg vẽnh kar kri rũm mũ sir, ga tỹ Síria tá ke kar kri. Kỹ ag tóg sir ũn kagyga ag tatĩ kãmũ mũ, ti to, vẽnh kaga vẽnh mỹ han mũ ag mré hã, kỹ tóg ag tỹ há' he kãn mũ sir. Vẽjagrẽ kórég ag pan kãn tóg mũ gé. Ũ ter tĩ han tĩ ag tỹ tóg há' he mũ gé, ũn kãnhgrĩn kỹ nỹtĩ ag tỹ ke gé, fag kar tỹ ke gé.

Marcos 5:15

Hã ra ũn jagrẽ kórég ja ẽn tóg kur tu kỹ nĩ nĩ. Krĩ há tóg nĩ gé. Kỹ ag fe tóg jũrũn ke mũ.

Lucas 10:39

Kỹ fi jãvy fi vỹ nĩ gé, hã vỹ: Maria, he mũ. Ẽn fi vỹ ti rã hã nĩ kỹ ti vĩ jẽmẽg nĩ nĩ.

Lucas 15:17

Kỹ tóg kejẽn krĩ há han mũ. To jykrén tóg mũ sir. “Inh panh mỹ rãnhrãj tĩ ag vỹ ẽmĩ ko mág tĩ. Ag jẽn tóg ag mỹ kén tĩ. Jo sóg kókĩr kỹ ter sór mũ ha,” he tóg.

Lucas 2:46

Vãhã fag tóg tá ti vég mũ. Topẽ ĩn krẽm tóg nĩ nĩ, ẽg kanhrãn tĩ ag mré. Ag vĩ mẽg tóg nĩ nĩ, kỹ tóg ag ki jẽmẽg mũ gé.

Lucas 8:27

Kỹ tóg canoa kã ki kãkutẽ mũ. Hã ra ũn jagrẽ kórég tỹ hẽn ri ke tóg ti kato tẽ mũ. Si há tóg tĩ ha, ti jagrẽ e nĩ ti. Kỹ tóg kur tũ nĩ. Kator tóg nĩ. Ðn tũ ti nĩ gé. Vẽnh kej tá tóg jẽgtĩ, pãró tỹ vẽnh kej tá.

Lucas 8:34

Kỹ ũ tỹ porko ki rĩr tĩ ag tóg pétẽ mũ, ẽmã ra. Tá ag tóg kãmén mũ, ẽmã kãsir mĩ hã ke gé.

Han Kãme 22:3

Kỹ tóg ag mỹ: “tỹ sóg Judeu nĩ. Ẽmã tỹ Tarso tá inh mur, ga tỹ Cilícia tá,” he mũ. “Ẽmã tag ki sóg hã ra mog, kỹ Gamaliel tóg inh kanhrãn. Inh mỹ tóg ẽg jógjóg ag jykre tó kãn, kỹ sóg to tar ja nĩ. Topẽ jykre to sóg tar pẽ ja nĩgtĩ, ãjag tỹ ũri han mũ ri ke. Topẽ jykre hỹn, he sóg tĩ gé, ẽg jykre ẽn to, hã ra sóg kygnẽ.

1 João 3:8

Ũ tỹ Topẽ vĩ mranh mũ ẽn vỹ tỹ Japo mré ke nĩ. Japo hã ne ti vĩ mranh tĩgtĩ'. Topẽ tỹ nén ũ kar han mũ ẽn kã Japo ne ti vĩ mranh vén'. Kỹ tóg ũri mranh tĩ nĩ gé. Hã ra Topẽ kósin vỹ Japo tỹ nén han mũ kókén ja nĩ. Hã jé tóg mur ja nĩ.