Lucas 8:33 - O Novo Testamento na língua Kaingáng

³³ Kỹ ag tóg ti ki kãpa mũ sir. Porko ag ki ag tóg ge mũ sir. Kỹ porko ag tóg rán ki re mũ. Goj ki ag tóg vár mũ sir. Nãgnãr kỹ ag tóg tũ' he kãn mũ sir.

Lucas 8:33 Iomraidhean Croise

Mateus 8:32

Kỹ tóg ag mỹ: “he,” he mũ. Kỹ ag tóg porko ag ki ge mũ, Nén-Kórég ag. Kỹ vãhã porko ag tóg, rán ki re kãn mũ sir, goj nig mág ki ag tóg vár mũ. Nãgnãr kãn ag tóg mũ sir, tũ' he ag tóg mũ sir, mỹr, ha mẽ.

Lucas 5:1

Kejẽn tóg goj nig mág tỹ Galiléia fyr tá Topẽ vĩ kãmén jẽ nĩ. Hã ra vẽnh e tãvĩ vỹ ti pénĩn nỹtĩ nĩ, kỹ ag tóg ti kutãn mũ sir.

Lucas 8:32

Hã ra porko e ag tóg tá jẽg nỹtĩ nĩ, pãnónh tá. Kỹ Nén-Kórég ag tóg Jesus mỹ to vĩ e han mũ, ti tỹ ag mỹ: “ha porko ki gejẽg, ge kỹ,” he jé. Kỹ tóg ag mỹ ke mũ.

Lucas 8:34

Kỹ ũ tỹ porko ki rĩr tĩ ag tóg pétẽ mũ, ẽmã ra. Tá ag tóg kãmén mũ, ẽmã kãsir mĩ hã ke gé.

João 8:44

Japo krẽ vỹ tỹ ãjag nỹtĩ, kỹ ãjag tóg ti tỹ nén tó mũ ẽn hã han tĩ. Topẽ tỹ ẽprã ke ag hynhan ẽn kã tóg ag kãgtén sór tĩgtĩ, Japo ti. Vãsỹ ti jykre vẽ, kỹ tóg ũri tỹ ti jykre nĩ gé ver. Ti pijé ki hã tó tĩ'. Ki hã tó to ti kórég pẽ nĩ, Japo ti. Vẽnh ó vỹ tỹ ti tũ pẽ nĩ. Ti hã vỹ tỹ ũn ón tĩ ag jóg kar nĩ.

1 Pedro 5:8

Vẽnh ki rĩrm nĩ. Nũr ri ke han tũg nĩ. Ha vé, ẽg kato vãsãn tĩ ẽn, Japo ẽn tóg ẽg to vãjig tĩgtĩ. Mĩg kókĩr ri ke ti nĩ, ti tỹ ẽg mãn sór kỹ.

Nén Venh Ke 9:11

Ũ tỹ nũgme ki rĩr tĩ ẽn, ũ tỹ Topẽ tỹ jẽnẽ jafã ri ke nĩ ẽn vỹ tỹ ag pã'i mág nĩ, ópã ẽn ag pã'i mág. Hebreu ag vĩ ki ti jiji vỹ: Abadom, he mũ, kỹ tóg Grego ag vĩ ki: Apolião, he mũ, hã vỹ: nén ũ kar kókég tĩ, he mũ, ẽg vĩ ki.