Lucas 8:31 - O Novo Testamento na língua Kaingáng

³¹ Kỹ ag tóg Jesus mỹ to vĩ mũ, ti tỹ nũgme ra ag jẽgnẽg tũ nĩ jé, inferno ra.

Lucas 8:31 Iomraidhean Croise

Mateus 25:41

“Kỹ sóg inh jakãnh tá nỹtĩ ag mỹ: inh panh vỹ ãjag mỹ vĩ kónãn. Pĩ nhyr vãnh ra mũjẽg. Nén-Kórég mỹ tóg kar kỹ nĩ, pĩ nhyr vãnh ẽn ti, ti tỹ jẽgnẽ jafã ag mỹ ke gé. Ẽn ra mũjẽg.

Lucas 8:28

Ẽn tóg ti kato tẽ kỹ ti krẽm mũg ke mũ. Prẽr kỹ tóg: “!..ã isỹ hẽ ri kenh mũ, Jesus’..!” he mũ. “!..Kynhmỹ Topẽ kósin'..!” he tóg. “!..Ã mỹ sóg to vĩnh mũ, ã tỹ inh vóg kónãn tũ nĩ jé..!” he tóg.

Lucas 8:32

Hã ra porko e ag tóg tá jẽg nỹtĩ nĩ, pãnónh tá. Kỹ Nén-Kórég ag tóg Jesus mỹ to vĩ e han mũ, ti tỹ ag mỹ: “ha porko ki gejẽg, ge kỹ,” he jé. Kỹ tóg ag mỹ ke mũ.

Roma 10:7

Kỹ ẽg: “ũ nỹ hỹn vẽnh kuprĩg ag jamã ra tĩg mũ, Cristo rĩn mãn jé?“ henh ke tũ pẽ nĩ gé. Rĩr mãn kỹ ti nĩ ha.

Nén Venh Ke 11:7

Kejẽn ag tóg kãmén kãn mũ sir, Topẽ tỹ ag mỹ nén tó mũ ẽn ti. Kỹ nũgme tá mĩg tóg kãkutẽ mũ, kỹ tóg ag to rárá kỹ ag kãgtén mũ.

Nén Venh Ke 17:8

“Fi mẽg tag vỹ vãsỹ jẽ ja nĩgtĩ. Ũri tóg ki tũ nĩ, hã ra tóg kãnhmar nũgme tá kãkutẽnh ke mũ, Topẽ tỹ ti kókén pẽ han jé. Kỹ tóg ẽprã ke ag mỹ e tĩnh mũ, ag tỹ fi mẽg tag ven kỹ, ũn jygji tỹ Topẽ livro ki rán kỹ nỹtĩ tũ ag mỹ. Topẽ tỹ nén ũ kar han to hã tóg ag rán ja tũ nĩ. Kỹ ag tóg rĩnrĩr ke tũ nĩ. Vãsỹ tóg nĩ ja nĩgtĩ. Kỹ tóg ver ki tũ nĩ. Hã ra tóg kejẽn kãtĩg mãn ke mũ.

Nén Venh Ke 19:20

Kỹ ag tóg mĩg ẽn ség mũ, ũ tỹ ón kỹ Topẽ vĩ tó tĩ ẽn ag mré, ũ tỹ mĩg rĩnve nén ve vãnh tỹ hẽn ri ke hynhan ja ẽn ti. Ti tỹ milagre hynhan tugrĩn ag tóg ti vĩ kri nĩm ja nĩgtĩ, ũ tỹ ti rá tỹ ránrán kỹ nỹtĩ kar ag, ũ tỹ ti kãgrá to: “Topẽ vẽ,” he mũ kar ag. Kỹ ũ tỹ mĩg ẽn ség mũ ag tóg pĩ gru fir ki ti fón mũ, pĩ mág pẽ ki, ũ tỹ ón kỹ Topẽ vĩ tó tĩ ẽn ag mré. Ag rĩnrĩr ra ag tóg ki ag vãm mũ, pó tỹ enxofre pũr nĩja ri ke ẽn ki.

Nén Venh Ke 9:11

Ũ tỹ nũgme ki rĩr tĩ ẽn, ũ tỹ Topẽ tỹ jẽnẽ jafã ri ke nĩ ẽn vỹ tỹ ag pã'i mág nĩ, ópã ẽn ag pã'i mág. Hebreu ag vĩ ki ti jiji vỹ: Abadom, he mũ, kỹ tóg Grego ag vĩ ki: Apolião, he mũ, hã vỹ: nén ũ kar kókég tĩ, he mũ, ẽg vĩ ki.