Lucas 8:29 - O Novo Testamento na língua Kaingáng

²⁹ Hã ra Jesus tóg Nén-Kórég ag mỹ: “ti ki pa jẽg,” he ja nĩ, hã kỹ tóg prẽr mũ. Ti kãgmĩ tỹ hẽn ri ke han ja ag tóg nĩgtĩ, Nén-Kórég ag. Kỹ ti mré ke ag tóg corrente tỹ ti se ja nĩgtĩ gé, ti mrĩnh kỹ, ti nĩgé, ti pẽn ke gé. Hã ra tóg ti se ja kykym kãn ja nĩgtĩ. Kỹ Nén-Kórég ag tóg ẽmã tũ ja ra ti pére mũ ja nĩgtĩ.

Lucas 8:29 Iomraidhean Croise

Marcos 5:8

Hã ra tóg ti mỹ: “ti tovãnh ra, Nén-Kórég',” he ja nĩ.

Lucas 8:28

Ẽn tóg ti kato tẽ kỹ ti krẽm mũg ke mũ. Prẽr kỹ tóg: “!..ã isỹ hẽ ri kenh mũ, Jesus’..!” he mũ. “!..Kynhmỹ Topẽ kósin'..!” he tóg. “!..Ã mỹ sóg to vĩnh mũ, ã tỹ inh vóg kónãn tũ nĩ jé..!” he tóg.

Lucas 8:30

Kỹ Jesus tóg ti mỹ: “ã jiji hẽ ri ke tĩ?” he mũ. Kỹ tóg: “Mil,” he mũ, Nén-Kórég tỹ hẽn ri ke ag tỹ tỹ ti jagrẽ nỹtĩn kỹ.

Lucas 9:39

Jagrẽ kórég ti nĩ. Kỹ tóg kejẽn ti kã vyryn ke tĩ. Vãhã tóg prẽr tĩ. Ti ter tĩ han tóg tĩ sir, kỹ tóg jãrãn tĩ. Jãrãn kỹ tóg jũrũn' jũrũn' ke tĩ gé, kỹ tóg kejẽn ti tovãnh mũ sir, komẽr hã, ti rỹj kar kỹ.

Lucas 9:42

Ti jun kỹ ti jagrẽ tóg ti kã vyryn ke mãn mũ. Kỹ tóg kutẽ mũ sir. Kỹ tóg ti jagrẽ mỹ vĩ jũ han mũ, ti tỹ ti ki kãkutẽ jé. Hã ki tóg kyrũ ẽn tỹ há' he mũ sir. Kỹ tóg ti panh mỹ: “té,” he mũ sir.