Lucas 8:22 - O Novo Testamento na língua Kaingáng

²² Kejẽn tóg canoa kã ra rã mũ, ti mré mũ tĩ ag mré. Kỹ tóg ag mỹ: “mũ nỹ, goj nig mág kafã ũ ra,” he mũ.

Lucas 8:22 Iomraidhean Croise

Mateus 14:22

Kỹ tóg ti mré mũ tĩ ag mỹ tó mũ, ag tỹ canoa kã mĩ mũ jé, ag tỹ ti jo kafã ũ ra mũ jé. “Isỹ ver ũn e tag ag mỹ: ha mũjẽg, henh ke vẽ,” he tóg ag mỹ.

Mateus 8:18

Kejẽn ag tóg, Jesus pénĩn e nỹtĩ, fag ke gé, hã kỹ tóg ti mré mũ tĩ ag mỹ: “mũ jé ha,” he mũ. “Goj kafã ũ ra ẽg tóg mũnh mũ,” he tóg.

Marcos 5:21

Kỹ Jesus tóg goj nig mág kafã ra tĩg mãn mũ, canoa kãmĩ. Kỹ vẽnh e tóg ti jo vẽnh mãn mũ, goj fyr tá.

Marcos 6:45

Vẽsỹmér Jesus tóg ti mré mũ tĩ ag mỹ: “ijo kafã ũ ra mũjẽg, ẽmã tỹ Betsaida ra,” he mũ. “Isỹ ũn e tag ag mỹ: ha mũjẽg, henh ke vẽ ver,” he tóg.

Marcos 8:13

Kỹ tóg ag ré kỹ tĩ mũ sir. Canoa kã ki tóg rã mãn mũ, kỹ tóg kafã ũ ra tĩ mũ sir.

Lucas 5:1

Kejẽn tóg goj nig mág tỹ Galiléia fyr tá Topẽ vĩ kãmén jẽ nĩ. Hã ra vẽnh e tãvĩ vỹ ti pénĩn nỹtĩ nĩ, kỹ ag tóg ti kutãn mũ sir.

Lucas 8:23

Ag mũn kỹ Jesus tóg nũr mũ sir. Hã ra vãhã kóho jũ tóg kraug he mũ sir. Kỹ goj tóg canoa kã ki krém ke mũ. Ti fãn sór tóg mũ sir. Kỹ tóg ag mỹ ag kãgter ha mẽ tĩ.

Lucas 8:33

Kỹ ag tóg ti ki kãpa mũ sir. Porko ag ki ag tóg ge mũ sir. Kỹ porko ag tóg rán ki re mũ. Goj ki ag tóg vár mũ sir. Nãgnãr kỹ ag tóg tũ' he kãn mũ sir.

João 6:1

Tag pãte tóg kejẽn goj nig mág tỹ Galiléia fĩn rãm mũ. Goj ẽn jiji ũ hã vỹ: Tiberíades tỹ goj, he mũ.

Han Kãme 27:2

Kỹ ẽg tóg canoa mág kã ra ge mũ sir. Ẽmã tỹ Adramítio tá ke vẽ, canoa mág ẽn ti. Ag tỹ ga tỹ Ásia fyr ra mũ sór vẽ. Kỹ ẽg tóg goj kã mĩ mũ mũ, tá pa kỹ. Aristarco tóg ẽg mré tĩ mũ, ẽmã tỹ Tessalônica tá ke ẽn ti, ga tỹ Macedônia tá.