Lucas 8:2 - O Novo Testamento na língua Kaingáng

² Kỹ ũn tỹtá fag tóg ti mré mũ mũ gé sir, ti tỹ fag tỹ há' hen kỹ. Ũ fag tóg kaga ja nỹtĩgtĩ. Ũ fag tóg jagrẽ kórég ja nỹtĩgtĩ gé. Hã ra tóg fag tỹ há' he kãn ja nĩ. Ũ fi vỹ tỹ Maria fi nĩ, Madalena he mũ tag fi. Jesus vỹ fi jagrẽ kórég tỹ 7 (ke) pan ja nĩ, ha mẽ.

Lucas 8:2 Iomraidhean Croise

Mateus 4:24

Hã kỹ ti kãme tóg vẽnh kar kri rũm mũ sir, ga tỹ Síria tá ke kar kri. Kỹ ag tóg sir ũn kagyga ag tatĩ kãmũ mũ, ti to, vẽnh kaga vẽnh mỹ han mũ ag mré hã, kỹ tóg ag tỹ há' he kãn mũ sir. Vẽjagrẽ kórég ag pan kãn tóg mũ gé. Ũ ter tĩ han tĩ ag tỹ tóg há' he mũ gé, ũn kãnhgrĩn kỹ nỹtĩ ag tỹ ke gé, fag kar tỹ ke gé.

Marcos 16:1

Vẽnhkán ke kurã tũg kỹ, kuty ẽn kã fag tóg nén ger há mãg mũ. Maria Madalena fi vẽ, kar kỹ Salomé fi ke gé, kar kỹ Maria tỹ Tiago mỹnh fi ke gé. Fag tỹ ti fár ger há han sór vẽ.

Marcos 16:9

Semana kurã ve ẽn ki Jesus tóg ti rĩr mãn kỹ, kusãg ki Maria Madalena fi mỹ vẽnh ven vén mũ, ti tỹ ũn ki vẽjagrẽ kórég tỹ 7 (ke) pan ja ẽn fi mỹ.

Lucas 23:27

Kỹ ũ tỹ hẽn ri ke ag vỹ Jesus nón mũ mũ, ũn tỹtá fag ke gé. Ẽn fag vỹ vẽsỹrénh mũ. Kygfỹ mág han fag tóg mũ sir.

Lucas 23:49

Hã ra ti to há ag vỹ ti vég nỹtĩ nĩ, kakó ki, ũn tỹtá fag ke gé. Galiléia tá ke fag tóg ti mré kãmũ ja nĩgtĩ gé. Ti ter ve kãn fag tóg mũ sir.

Lucas 23:55

Kỹ ũn tỹtá fag vỹ ag nón mũ mũ, ti kej ve jé, ag tỹ ti finh mũ ja tá. Ti mré Galiléia tá kãmũ ja ẽn fag vẽ.

Lucas 8:30

Kỹ Jesus tóg ti mỹ: “ã jiji hẽ ri ke tĩ?” he mũ. Kỹ tóg: “Mil,” he mũ, Nén-Kórég tỹ hẽn ri ke ag tỹ tỹ ti jagrẽ nỹtĩn kỹ.

João 19:25

Hã ra Jesus mỹnh fi vỹ tá jẽ nĩ, krunh rã hã, fi jãvy fi mré. Kar kỹ Maria Madalena fi vỹ tá jẽ nĩ gé, kar kỹ Maria ũ fi ke gé, Clopas prũ fi.

Han Kãme 1:14

Tá junjun kỹ ag tóg Topẽ mré vĩ mũ, ag tỹ hẽ tá nỹtĩ ẽn tá, ũn tỹtá fag mré hã, Maria fi ke gé, Jesus mỹnh ẽn fi, ti jãvy ag mré hã ke gé, ha mẽ.