Lucas 8:17 - O Novo Testamento na língua Kaingáng

¹⁷ Ge ti nĩ, sỹ ãjag mỹ nén tó mũ kar ti. Ver ãjag tóg to jykrén tũ nĩgtĩ. Ãjag tỹ vãhã to jykrén kãn ke vẽ. Ver ãjag tóg ki kagtĩg nỹtĩ. Ãjag tỹ vãhã ki kanhrãn kãn ke vẽ,” he tóg.

Lucas 8:17 Iomraidhean Croise

Mateus 10:26

“Ge ra ag kamẽg tũg nĩ, pã'i ag. Ẽg tỹ vẽnh péju kỹ nén han mũ tóg vẽnh ven kãn ke mũ. Ẽg tỹ vẽnh kar vatánh tá nén to jykrén mũ tóg vẽnh ven kãn ke mũ gé.

Marcos 4:22

Hã kỹ ãjag tỹ, ãjag tỹ nén ki kagtĩg ẽn ki kanhrãn kãn ke vẽ.

1 Corinto 4:5

Kỹ ũ jykre to vĩ sór tũg nĩ, kurã tỹ ẽgno to hã, ẽg Senhor kãtĩg ke to hã. Ti ha ne nén kar vẽnh ven han kãn ke mũ', ẽg tỹ vẽnh vatánh tá nén han mũ mré hã, ẽg tỹ kuty tá nén han mũ mré hã, ẽg tỹ nén ũ to jykrén mũ ẽn mré hã ke gé. Kỹ ẽg tóg mẽnh mũ sir, Topẽ tỹ ẽg mỹ vĩ há han ke ti. Vyrmỹ tóg ẽg mỹ tónh ke mũ, ẽg kar mỹ, ẽg tỹ nén han ja ti.