Lucas 8:16 - O Novo Testamento na língua Kaingáng

¹⁶ Kỹ tóg: “ẽg tỹ néj grug kỹ ẽg pijé, kẽj krẽm fẽg tĩ',” he mũ. “Ẽg pijé, kỹmỹ krẽm fẽg tĩ gé'. Ti fẽg jafã kri ẽg tóg fẽg tĩ. Kỹ vẽnh kar tóg vég mũ sir, ag tỹ ẽg ĩn kã ra kãgen kỹ.

Lucas 8:16 Iomraidhean Croise

Lucas 11:33

“Ẽg tỹ néj grug kỹ ẽg pijé, péju kỹ fẽg tĩ'. Ẽg pijé, kẽj krẽm fẽg tĩ'. Ti fẽg jafã kri ẽg tóg fẽg tĩ. Kỹ ẽg tóg ẽg tỹ ĩn kã ra kãge kỹ ve há han tĩ,” he tóg.

Lucas 8:15

Kar ga há ki krãn kỹ nỹtĩ ag vỹ, ge nỹtĩgtĩ gé. Jẽmẽg ag tóg tĩ. Kỹ ag tóg, ag fe tỹ ti ki rã mũ sir, ag tỹ ti vĩ ki króm jé. Kỹ ag tóg, kanẽn há han mũ sir. Komẽr hã ag tóg, kanẽn há han', han', he mũ, ag tỹ nén ũ jagy vég mũ ra,” he tóg.

Han Kãme 26:18

“Ag kanẽ nugnón sór inh mũ. Ag tỹ vẽjykre pãno han kỹ tóg ag kã ki kuty nĩ sir, hã ra sóg ag kã ki jẽngrẽ han sór mũ. Japo krẽm ag nỹtĩ. Hã ra sóg ag kygvãn sór mũ. Ag tỹ inh vĩ mranh tỹ sóg vẽnh pãte fón sór mũ, ag tỹ ũ tỹ inh ki ge kỹ nỹtĩ ag mré kanhkã tá junjun jé, he tóg inh mỹ, Jesus ti,” he tóg, Paulo ti.

Nén Venh Ke 1:20

“Krĩg ag vég ã tóg jẽ nĩ, inh nĩgé kã ki. Kỹ ã tóg néj tỹ kri vin jafã tỹ 7 (ke) tag vég mũ gé. Nhỹ ã mỹ kãmén, ã tỹ nén vég mũ tag ti. Topẽ tỹ jẽgnẽ jafã ag vỹ krĩg tỹ 7 (ke) tag ri ke nỹtĩ. Inh ki ge kỹ nỹtĩ ag ki ag tóg rĩr tĩ. Sỹ ã mỹ ẽmã tỹ 7 (ke) tó mũ ẽn tá ag nỹtĩ. Kar kỹ ag néj tỹ kri vin jafã ri ke nỹtĩ gé,” he tóg, ũ tỹ tỹ ẽprã ke nĩ ve ẽn ti.

Nén Venh Ke 11:4

Topẽ vĩ tó tĩ régre ẽn ag vỹ Topẽ vĩ to tar nỹtĩ, ka tỹ oliveira tar ẽn ri ke. Kỹ ag tóg néj gru ri ke nỹtĩ, néj tỹ kri fẽg jafã kri nỹtĩg kỹ. Ũ tỹ tỹ ẽprã ke ag kri ke ẽn rã hã ti nỹtĩ, néj tỹ kri fẽg jafã régre ẽn ti. Tag ri ke ag nỹtĩ, Topẽ vĩ tó tĩ régre ẽn ag.