Lucas 8:14 - O Novo Testamento na língua Kaingáng

¹⁴ Kỹ ti fy tỹ sónh kã ki krãn kỹ nỹtĩ vỹ, ge nỹtĩgtĩ gé. Topẽ vĩ mẽg ag tóg tĩ gé. Hã ra ag tóg, ag rãnhrãj hã tỹ vẽnh kutãn tĩ. Ón kỹ ag tóg riko nỹtĩ sór mũ, ag rãnhrãj to. Nén kar to ag tóg én tĩ, kỹ tag hã ne ag kókég tĩ'. Hã kỹ ag tóg, Topẽ vĩ mĩ ẽkrén mãn tũ nĩ sir. Kanẽn há han tũ ag tóg nĩ gé sir.

Lucas 8:14 Iomraidhean Croise

Mateus 13:22

Ti fy ũ tóg sónh kã ki krãn kỹ nĩ. Ũ vẽ gé. Topẽ vĩ mẽg tóg mũ gé. Hã ra tóg ti rãnhrãj hã mĩ ẽkrég mũ sir. Nén kar to én tóg mũ sir. Ón kỹ tóg riko nĩ sór mũ. Hã kỹ tóg Topẽ vĩ kã jatu' he mũ sir. Kỹ tóg kanẽn há han tũ nĩ sir.

Marcos 4:19

Hã ra ag tóg, ag rãnhrãj hã mĩ ẽkrég mũ, ón kỹ riko nĩ sór kỹ. Nén ũ kar to ag tóg én tĩ, hã kỹ Topẽ vĩ tóg, ag mỹ tũ' he mũ sir. Kỹ ag tóg kanẽn há han tũ nĩ.

Lucas 16:13

“Ã jagrẽ régre nĩn kỹ tóg vẽnh mỹ tĩ. Ã tỹ Topẽ hã tỹ jagrẽ nĩn kỹ jãnkamy tãn ẽn tỹ jagrẽ nĩ sór tũg nĩ. Ã tỹ jãnkamy e ve sór kỹ ti hã vỹ tỹ ã jagrẽ nĩnh mũ. Kỹ ã tóg Topẽ tỹ ã mỹ nén tó mũ ẽn to jykrén há han ke tũ nĩ, ha vem nĩ,” he tóg, Jesus ti.

Lucas 21:34

“Vẽnh ki ẽmẽ, ãjag tỹ fénhta tãvĩ to vẽnh kutãn tũ nĩ je, vẽnh kanhir e to ke gé. Kỹ vẽjẽn to krĩ kufy han tũg nĩ gé, kur to, tag ki nén ũ kar to. Ke tũ nĩ mũ ra inh kãtĩg mãn ke kurã ẽn vỹ ãjag vatánh tá jun ke mũ.

Lucas 8:13

Kar ũ ag tóg tỹ pãró kri krãn kỹ nỹtĩ ẽn ri ke nỹtĩ gé. Mẽg ag tóg tĩ vẽ. Kỹ ag tóg: he, he tĩ. Ag mỹ tóg sér tĩ sir. Hã ra ag tóg tỹ, ẽkré jãre tũ ri ke nỹtĩ mỹr, ha mẽ. Mũ sĩ han ag tóg mũ, Topẽ mré. Nén ũ jagy kutẽ kỹ ag tóg, vãhã tovãnh mũ sir.

Lucas 8:15

Kar ga há ki krãn kỹ nỹtĩ ag vỹ, ge nỹtĩgtĩ gé. Jẽmẽg ag tóg tĩ. Kỹ ag tóg, ag fe tỹ ti ki rã mũ sir, ag tỹ ti vĩ ki króm jé. Kỹ ag tóg, kanẽn há han mũ sir. Komẽr hã ag tóg, kanẽn há han', han', he mũ, ag tỹ nén ũ jagy vég mũ ra,” he tóg.

Lucas 8:7

Ti fy ũ tỹ tóg, sónh kã ki krãn mũ. Kỹ sónh tóg, ti mré mur mũ, ti kri tóg rũm ke mũ sir. Kỹ tóg ter mũ sir, sónh kã ki.

João 15:6

Ũ tỹ isovãnh mũ ẽn fón jé tóg ke mũ, inh panh ti. Ẽg tỹ uva pẽ kórég kym kỹ fón ẽn ri ke tóg nĩ. Ẽg tỹ ti pẽ kym kỹ fón kỹ tóg tóg mũ, kỹ ẽg tóg pũn tĩ sir. Ẽn ri ke han jé tóg ke mũ, inh panh ti, ũ tỹ isovãnh mũ ẽn tỹ.

1 Timóteo 6:17

Ẽprã ũn riko ag mỹ tóm nĩ, ag tỹ vẽso: “tỹ inh ũn riko pẽ nĩ,” he tũ nĩ jé. Ag riko vỹ kãnhmar tũ' henh ke mũ. Ag jé Topẽ hã ki nén ũ kar ve sór. Ti hã vỹ ẽg mỹ nén ũ kar nĩm tĩ, ẽg fe tỹ mrin ken jé.

2 Timóteo 4:10

Demas vỹ isovãnh kỹ vyr. Ẽprã vẽjykre han sór ti nĩ, hã kỹ tóg isovãnh kỹ Tessalônica ra vyr. Crescente vỹ Galácia ra vyr, kỹ Tito vỹ Dalmácia ra vyr.

Hebreu 6:1

Ãjag tỹ ver gĩr kãsir ri ke nỹtĩ ra sóg ãjag mỹ ũn sanh ag tũ kãmén sór mũ ha, ãjag tỹ ver to tar tũ nỹtĩ ra, ha mẽ. Ãjag tỹ nén mẽ vén jan hã vẽ, ha mẽ: vẽjykre kórég tovãnh, ẽg tỹ nén to ter ke mũ ẽn tovãnh kãn, Topẽ ki rã,