Lucas 8:13 - O Novo Testamento na língua Kaingáng

¹³ Kar ũ ag tóg tỹ pãró kri krãn kỹ nỹtĩ ẽn ri ke nỹtĩ gé. Mẽg ag tóg tĩ vẽ. Kỹ ag tóg: he, he tĩ. Ag mỹ tóg sér tĩ sir. Hã ra ag tóg tỹ, ẽkré jãre tũ ri ke nỹtĩ mỹr, ha mẽ. Mũ sĩ han ag tóg mũ, Topẽ mré. Nén ũ jagy kutẽ kỹ ag tóg, vãhã tovãnh mũ sir.

Lucas 8:13 Iomraidhean Croise

Marcos 6:20

Herodes vỹ ti kamẽg ja nĩ, ti tỹ jykre kuryj nĩn kỹ. Topẽ jykre hã han tóg tĩ ja nĩgtĩ. Kỹ Herodes tóg ti jy nĩgãn ja nĩ, ti jykre há tugrĩn. Ti vĩ tóg ti mỹ mẽ há ja nĩ, ge ra tóg to jykrén ja tũ nĩ.

Lucas 8:12

Ũ ag tóg, Topẽ vĩ jẽmẽg tĩ. Ag tỹ jẽmẽ kar kỹ Japo tóg, ag mỹ tỹ tũ' he tĩ, Topẽ vĩ tỹ. Kỹ ag tóg sir, ti ki ge tũ nĩgtĩ. Krenkren ke tũ ag tóg nĩ sir. Kỹ ag tóg ga kri vár mũ ẽn ri ke nỹtĩ.

Lucas 8:14

Kỹ ti fy tỹ sónh kã ki krãn kỹ nỹtĩ vỹ, ge nỹtĩgtĩ gé. Topẽ vĩ mẽg ag tóg tĩ gé. Hã ra ag tóg, ag rãnhrãj hã tỹ vẽnh kutãn tĩ. Ón kỹ ag tóg riko nỹtĩ sór mũ, ag rãnhrãj to. Nén kar to ag tóg én tĩ, kỹ tag hã ne ag kókég tĩ'. Hã kỹ ag tóg, Topẽ vĩ mĩ ẽkrén mãn tũ nĩ sir. Kanẽn há han tũ ag tóg nĩ gé sir.

João 15:2

Kỹ ãjag uva tóg pẽ ri ke nỹtĩ. Ũ tỹ inh vĩ han sór tũ ẽn ag hã vỹ tỹ uva pẽ kanẽn vãnh ẽn ri ke nỹtĩ. Ẽn kym kỹ tóg fón tĩ, inh panh ti. Kỹ tóg ũn kanẽn há han mũ ẽn ki rĩr há han tĩ, ẽn féj rógrãm tóg tĩ, ti tỹ kanẽ e han jé.

João 15:6

Ũ tỹ isovãnh mũ ẽn fón jé tóg ke mũ, inh panh ti. Ẽg tỹ uva pẽ kórég kym kỹ fón ẽn ri ke tóg nĩ. Ẽg tỹ ti pẽ kym kỹ fón kỹ tóg tóg mũ, kỹ ẽg tóg pũn tĩ sir. Ẽn ri ke han jé tóg ke mũ, inh panh ti, ũ tỹ isovãnh mũ ẽn tỹ.

João 5:35

“João vỹ ãjag mỹ néj gru ri ke ja nĩ, ãjag mỹ kurã sĩ han kỹ, ti tỹ ãjag mỹ Topẽ vĩ kãmén ja nĩn kỹ. Kỹ tóg ãjag mỹ sér tĩ ja nĩ. Hã ra tóg kurã e han ja tũ nĩ.

1 Corinto 13:2

Topẽ tóg hẽn ri ke mũn ẽg mỹ nén ũ kar tó tĩ. Kỹ ẽg vẽnh jyvẽn há han tĩgtĩ. Hẽn ri ke mũn ẽg tóg Topẽ ki rã há han kỹ nỹtĩ. Kỹ ẽg ti vĩ to: “hỹ mỹ vỹ?” he tũ pẽ nĩgtĩ. Kỹ ẽg tóg pãnónh mỹ: “ha tĩg,” he tĩ, hã ra tóg sir tĩ tĩ. Ẽg tỹ jérĩn mỹ vẽnh kar to há tũ nỹtĩn kỹ tóg tỹ ón kỹ ke nĩ.

1 Corinto 15:2

Ti vĩ kri nĩm kỹ ãjag tóg krenkren ke mũ, ãjag tỹ tovãnh tũ nĩn kỹ. Sỹ ãjag mỹ nén tó ja ẽn tỹ tũ' he tũg nĩ, ke tũ nĩ mũ ra ãjag tóg fagrĩnh mỹ kri fi ja nĩnh mũ. Kỹ ãjag tóg tá nén ũ venh ke tũ nĩ gé.

Galácia 3:1

Galácia tá ke', ãjag ne tóg krĩ tũ nỹtĩ ve nĩ'. Ũ nỹ ãjag krĩn kónãn, ãjag tỹ Jesus Cristo tovãnh sór jé? Ti tỹ ka to sa ja ẽn tó kãn inh mỹr ãjag mỹ, hã ra ãjag tỹ ne jé vãsỹ vẽjykre ẽn han sór nẽ?

Galácia 3:4

Ke tũ nĩ mũ ra ãjag tóg fagrĩnh mỹ Topẽ kuprĩg tỹ jagrẽ nỹtĩ. Hã ra tóg inh mỹ tỹ fagrĩnh mỹ ke tũ nĩ.

Éfeso 3:17

ti tỹ Cristo tỹ ãjag ki ẽmã han jé, ãjag tỹ ti ki ge kỹ nỹtĩn kỹ. Ti tỹ ẽg to há nĩ vỹ tỹ ga ri ke nĩ, ẽg tỹ ti ki jãrén jé, ka jãrén ri ke. Kỹ ẽg tóg ti to tar nỹtĩ sir. Hã jé sóg ti mỹ ãjag tó tĩ gé.

Colossos 1:23

Hã kỹ ti ki ge tovãnh tũg nĩ. Tar nỹtĩm nĩ, ti to krónh ke tũg nĩ. Ãjag tỹ Jesus kãme sér ẽn mẽ kỹ ãjag tóg Topẽ tỹ ẽg mỹ nén ũ vin ke mũ ẽn kãme mẽ ja nĩgtĩ gé. Ga kri mũ kar ag vỹ mẽg mũ ha, Jesus kãme sér ẽn. Inh rãnhrãj hã vẽ, sỹ ag mỹ tónh ke ti, inh, hã vỹ: Paulo, he mũ.

Colossos 2:7

Ti hã vỹ ẽg mỹ ga ri ke nĩ. Ti ki jãre han nĩ, ka jãre ẽn ri ke. Ti ki ge tovãnh tũg nĩ. Tag hã mẽ ãjag, ãjag tỹ ti vĩ mẽ vén kỹ. Kỹ to tar nỹtĩm nĩ, Topẽ mỹ vẽnh vĩ há tó kỹ.

1 Tessalônica 3:5

Hã kỹ sóg Timóteo jẽnẽ, isỹ ãjag to krĩ kufy ja nĩn kỹ. “Ag mỹ Topẽ tovãnh tũ nĩ vỹ?“ he ja sóg nĩ. “Ẽg krĩn kónãn tĩ ẽn mỹ ag krĩn tũ nĩ vỹ? Ti tỹ ag krĩn kónãn kỹ sóg fagrĩnh mỹ ag mỹ tó ja nĩ mỹr',” he ja sóg nĩ.

1 Timóteo 1:19

Ti ki rã to krónh ke tũg nĩ. Vẽjykre pãno han sór tũg nĩ. Ũ ag tóg vẽjykre pãno han mãn ja nĩgtĩ. Hã ra ag tóg kykũnh sór ja tũ nĩgtĩ. Hã kỹ ag tóg ti ki rã kar kỹ ti tovãnh ja nĩgtĩ.

Hebreu 10:39

Ẽg pijé ti tovãnh ke mũ'. Kỹ ẽg tóg, ũ tỹ ti tovãnh mũ ẽn ag vãgfor ẽn ri ke han ke tũ nĩ gé. Ti ki ge kỹ ẽg tóg nỹtĩ, hã kỹ ẽg krenkren ke mũ.

Tiago 2:26

Ge ti nĩ gé, ẽg mỹ. Ẽg tỹ ti ki ge kỹ nỹtĩn kỹ ẽg tóg ti vĩ kri finh ke mũ, Raabe fi ri ke. Ẽg tỹ ti vĩ han tũ nĩn kỹ tóg ẽg mỹ nén ũ há han ke tũ nĩ gé, ẽg tỹ ón kỹ ti ki ge kỹ nỹtĩn kỹ, ẽg fár tỹ kuprĩg tũ ra ter kỹ nỹ ẽn ri ke ti nĩ.

2 Pedro 2:20

Ẽg Senhor tỹ Jesus Cristo ki kanhró ja ag tóg nỹtĩ vẽ, ẽg kren han mũ ẽn ti. Ti tugrĩn ag tóg ẽprã vẽjykre kavéj kar tovãnh ja nĩgtĩ vẽ. Hã ra ag tóg ag tỹ nén tovãnh mũ ẽn han mãn mũ, kỹ tóg tỹ ag jagrẽ nĩ mãn mũ sir. Kỹ tóg ũri kórég kãfór nĩ, ag mỹ.

2 Pedro 2:22

Ag to ẽg tóg tag tó tĩ, ha mẽ: “cachorro vỹ ti tũgtũv ẽn ko mãn tĩ,” he ẽg tóg tĩ. “Porco tóg ti vẽnh kype há han kỹ jẽ ra óré mĩ vẽsĩn mãn tĩ. Kỹ tóg vẽnh kavénh mãn tĩ,” he ẽg tóg tĩ gé. Ũ tỹ vẽjykre kórég tovãnh kar kỹ han mãn tĩ ag to ken hã vẽ.

1 João 2:19

Ẽg mré ke ag vẽ vẽ, hã ra ag tóg ón kỹ tỹ ẽg mré ke ja nỹtĩgtĩ. Ag tỹ tỹ ẽg mré ke pẽ nỹtĩ ra ag tóg ver ẽg mré mũnh ke mũ vẽ. Hã ra ag tóg ti tovãnh kỹ ti kato tẽ mũ ha. Hã ki tóg ve há tĩ, ag tỹ tỹ ẽg mré ke tũ nỹtĩ ti.

Judas 1:12

Ãjag tỹ Jesus ki ge kỹ jagnẽ to há nỹtĩn kỹ ãjag tóg igreja krẽm fénhta han tĩ. Ẽn kã ag tóg ãjag mré jẽg tĩ gé, ũ tỹ Topẽ to ón tĩ ag. Hã ra ag tóg ki ãjag kavénh tĩ gé. Jatun mỹ ag tóg jẽn mág tĩ. Mỹ'ãg vãnh ag nỹtĩ. Ũ to jykrén vãnh ag tóg nỹtĩ gé. Ãjag jẽn mág hã mĩ ag tóg ẽkrég tĩ. Kejẽn kãka tóg kanhkã góg sá tatĩn kãtĩ tĩ. Hã ra tóg kutẽ tũ nĩgtĩ, ta ti. Tag ri ke ag nỹtĩ. Véké ag tóg vĩ tĩ. Ka ũ tóg kanẽn vãnh nỹtĩ. Ẽn kunũg ẽg tóg tĩ, ti jãre mré hã. Kỹ tóg kanẽn mãn ke tũ pẽ nĩ sir. Tag ri ke ag tóg nỹtĩ gé, ũ tỹ Topẽ to ón mũ ag.