Lucas 8:12 - O Novo Testamento na língua Kaingáng

¹² Ũ ag tóg, Topẽ vĩ jẽmẽg tĩ. Ag tỹ jẽmẽ kar kỹ Japo tóg, ag mỹ tỹ tũ' he tĩ, Topẽ vĩ tỹ. Kỹ ag tóg sir, ti ki ge tũ nĩgtĩ. Krenkren ke tũ ag tóg nĩ sir. Kỹ ag tóg ga kri vár mũ ẽn ri ke nỹtĩ.

Lucas 8:12 Iomraidhean Croise

Mateus 13:19

Ũ tóg kejẽn, ón kỹ Topẽ vĩ mẽg mũ. Hã ra tóg to jykrén tũ nĩ. Kỹ Nén-Kórég vỹ, ti mỹ tỹ tũ' he mũ sir, ti tỹ mẽ ja ti tỹ. Kã jatu tóg nĩ sir. Nén fy tỹ ẽmĩn kri kutẽ mũ ẽn hã vẽ.

Mateus 13:4

Ti tỹ krãn kỹ ti fy ũ tóg, ẽpry kri kutẽ mũ, kỹ sẽsĩ tóg ko mũ sir.

Marcos 4:15

“Ti fy ũ vỹ ẽmĩn kri kutẽ mũ. Topẽ vĩ mẽg mũ ũ ag vẽ. Ag tỹ mẽg mũ ra Satanás tóg ag mỹ tỹ tũ' he mũ, vẽsỹmér. Kỹ ag tóg ki kagtĩg nỹtĩ ha. Ẽpry kri kutẽ mũ ri ke ag hã vẽ sir.

Lucas 8:11

“Topẽ vĩ vỹ, nén fy ri ke nĩ.

Lucas 8:13

Kar ũ ag tóg tỹ pãró kri krãn kỹ nỹtĩ ẽn ri ke nỹtĩ gé. Mẽg ag tóg tĩ vẽ. Kỹ ag tóg: he, he tĩ. Ag mỹ tóg sér tĩ sir. Hã ra ag tóg tỹ, ẽkré jãre tũ ri ke nỹtĩ mỹr, ha mẽ. Mũ sĩ han ag tóg mũ, Topẽ mré. Nén ũ jagy kutẽ kỹ ag tóg, vãhã tovãnh mũ sir.

Lucas 8:5

“kejẽn ũ tóg, nén ũ krãn mũ, gãr hẽn ri ke mũn. Hã ra ti fy ũ tóg ga kri vár mũ, kỹ ag tóg ti sãn mũ, kỹ sẽsĩ vỹ ko mũ gé sir.

Nén Venh Ke 12:9

Mĩg fẽr ẽn kutẽm ag tóg mũ sir. Pỹn ve tỹ ũn ve fag krĩn kónãn mũ ẽn hã vẽ. Japon hã vẽ. Satanás hã vẽ. Ẽprã ke ag tỹ Topẽ kato vãsãnsãn han mũ ẽn hã vẽ, hã vỹ: mĩg fẽr, he mũ. Ag tỹ kanhkã tá ti kutẽm kỹ ag tóg ga kri ti fón mũ sir, ti krẽm ke kar ag mré hã.