Lucas 7:9 - O Novo Testamento na língua Kaingáng

⁹ Kỹ tóg ti mỹ e tĩ. Kỹ tóg ag mỹ: “Israel ũ pijé ti ri ke nĩ', ti tỹ tỹ fóg hã ra',” he mũ. “Ki kanhró tóg nĩ mỹr, kỹ tóg inh ki rã kỹ jẽ. Ge ve ja tũ sóg nĩ. Há' he kỹ ti nĩ ha, ti mỹ rãnhrãj tĩ ti,” he tóg.

Lucas 7:9 Iomraidhean Croise

Mateus 15:28

Kỹ tóg fi mỹ: “ã hã ne tóg inh ki rã há han'. Hã kỹ sóg ã mỹ han mũ,” he mũ. Ti tỹ tag tó kỹ fi kósin fi tóg há' he mũ, óra ẽn hã kã.

Mateus 8:10

Kỹ tóg ti mỹ e tĩ. Kỹ tóg ti mré mũ ag mỹ: “ha mẽ, Israel ag vỹ ti ri ke tũ nỹtĩ,” he mũ. “Ki kanhró tóg nĩ mỹr, kỹ tóg inh ki rã kỹ jẽ. Ge ve ja tũ sóg nĩ,” he tóg.

Mateus 9:33

Kỹ Jesus tóg, ti jagrẽ kórég kutẽm mũ sir. Kỹ tóg vĩ há' he mũ sir. Kỹ tóg vẽnh kar mỹ e tĩ. “Ge ve ja tũ ẽg tóg nỹtĩ, ẽg povo kar kãmĩ,” he ag tóg mũ.

Lucas 7:10

Kỹ ag tóg vỹnvỹn ke mũ, capitão ĩn ra, ti tỹ ũn jẽgnẽg mũ ag. Ag tỹ tá junjun mũ ra tóg há' he ja nĩ sir.

Lucas 7:50

Hã ra Jesus tóg fi mỹ ke mãn mũ. “Ã tỹ inh ki rã kỹ sóg ã kren han mũ,” he tóg. “Ha jatun mỹ tĩg,” he tóg, ũn tỹtá kórég ja ẽn fi mỹ.

Lucas 7:8

“Ha vé, tỹ ti nẽji pã'i krẽm ke nĩ gé, kỹ porisa ag nẽji tỹ ti krẽm ke nỹtĩ gé. Hã kỹ ti nẽji pã'i jykre ki kanhró nĩ. Ti tỹ porisa ũ mỹ: kutĩg, hen kỹ ti nẽji tĩ tĩ, ti tỹ ti mỹ: kunĩg, hen kỹ ti nẽji kãtĩ tĩ gé. Ti tỹ ti mỹ rãnhrãj tĩ mỹ: tag han ra, hen kỹ tóg han tĩ. Ti vĩ tỹ tóg ag jẽgnẽg tĩ. Hã kỹ tóg ki kanhró nĩ. Ã vĩ tỹ ã nẽji ti mỹ rãnhrãj tĩ tỹ há' henh mũ,” he ag tóg mũ, capitão mré ke ag.