Lucas 7:34 - O Novo Testamento na língua Kaingáng

³⁴ Ti jãvo sóg vãkrég tũ nĩgtĩ. Jẽg sóg tĩ, kron sóg tĩ gé. Kỹ ãjag tóg iso: “ti hã ne jẽg tĩ'. Ti hã ne kron tĩ'. Ti hã ne Topẽ vĩ mranh tĩ ag to há nĩ',” he tĩ, ẽprã ke fi kósin to.

Lucas 7:34 Iomraidhean Croise

Mateus 11:19

Ti jãvo sóg vãkrég tũ nĩgtĩ. Jẽg sóg tĩ, kron sóg tĩ gé. Kỹ ãjag tóg iso: “ti hã ne jẽg tĩ', ti hã ne kron tĩ', ti hã ne governo mỹ jãnkamy mãg tĩ ag to há nĩgtĩ', ti hã ne Topẽ vĩ mranh tĩ ag hã to há nĩgtĩ',” he tĩ sir, ẽprã ke fi kósin to. Kỹ João jykre tóg, ãjag mỹ kórég nỹ, ti vãkre to. Jãvo inh jykre tóg ãjag mỹ kórég nỹ gé, inh vãkrég tũ to. Hã ra ẽg tóg ẽg tỹ ũ jykre tugnỹm kỹ ti jykre há ẽn ki kanhró nĩ sir,” he tóg, Jesus ti.

Mateus 5:46

“Ãjag mré ke ũ ag tóg, ãjag to há nỹtĩ. Ãjag tỹ tag ag hã to há nỹtĩn kỹ, fag hã to há nỹtĩn kỹ tóg, tỹ nén ũ tũ nĩ ver. Ũn jykre kórég ag vỹ ge nỹtĩgtĩ gé, governo mỹ jãnkamy mãg tĩ ag. Ũ tỹ ag to há nỹtĩ ẽn ag hã to ag tóg, há nỹtĩgtĩ, vẽnh kato. Há ti nĩ, hã ra tóg tỹ nén ũ tũ nĩ ver.

Mateus 9:11

Kỹ pã'i ag tóg vég mũ. Kỹ ag tóg ti mré mũ tĩ ag mỹ: “ãjag pã'i ne tóg ũn jykre pãno ag mré jẽg mũ',” he mũ.

Lucas 11:37

Ti tỹ ag mré vẽmén kar kỹ Fariseu ũ tóg ti mỹ: “inh mré jẽn kãtĩg,” he mũ. Kỹ tóg ti mré tĩ mũ.

Lucas 14:1

Kejẽn tóg vẽnhkán ke kurã tá krỹg mũ. Kỹ tóg Fariseu ag pã'i ũ ĩn krẽm nĩ nĩ, ti mré jẽn jé. Hã ra ag tóg tá ti tỹ rĩr mũ. “Ti mỹ vẽnhkán ke kurã ki rãnhrãj ke tũ?” he ag tóg mũ.

Lucas 15:2

Kỹ tóg Fariseu ag mỹ kórég nỹ, Topẽ vĩ to ẽg kanhrãn tĩ ag mỹ ke gé. Kỹ ag tóg ti to vĩ vĩ he mũ sir. “Topẽ vĩ mranh tĩ ag to tóg há nĩgtĩ. Ag mré tóg jẽg tĩ mỹr,” he ag tóg mũ.

Lucas 19:7

Hã ra vẽnh e ẽn tóg Jesus to jũ kỹ ti mỹ: “Topẽ vĩ mranh tĩ vẽ, hã ra tóg ti ĩn krẽm nũr sór mũ,” he mũ.

Lucas 5:29

Kỹ Levi tóg ti mỹ fénhta mág han mũ. Kỹ ũ tỹ governo mỹ jãnkamỹ mãg tĩ ũ ag vỹ tá nỹtĩ gé, ag mré ke ũ ag ke gé.

Lucas 7:33

Gĩr tag ag ri ke ãjag tóg nỹtĩ, João to, iso ke gé,” he tóg. “João vỹ vãkre ja nĩgtĩ, jẽg tũ, kron tũ. Kỹ ãjag tóg ti to: “jagrẽ kórég ti nĩ,” he ja nĩgtĩ, ti vãkre to.

Lucas 7:35

Hã ra ũ tỹ Topẽ jykre to há kar ag tóg ti tỹ ki hã tó mũ ki kanhró nỹtĩ, komẽr hã, fag mré hã,” he tóg, Jesus ti. Ti tỹ ag mỹ João Batista kãmén hã vẽ.

Lucas 7:36

Kejẽn Fariseu ũ tóg ti kógfyn mũ, ti tỹ ti ĩn ra tĩg jé, ti mré jẽn jé.

João 12:2

Tá fag tóg Jesus mỹ fénhta han mũ. Kỹ Marta fi tóg vẽjẽn ki rĩr mũ. Lázaro vỹ Jesus mré nĩ nĩ, mesa to.

João 2:2

Kỹ ag tóg Jesus mỹ tó mũ gé, ti tỹ fénhta venh kãtĩg jé, ti mré mũ tĩ ag mré.