Lucas 7:25 - O Novo Testamento na língua Kaingáng

²⁵ Ti mỹ ãjag mỹ ũn kur sĩnvĩ ag jykre ri ke nĩ'? Vó. Ũn kur sĩnvĩ ag vỹ ẽmã mág tá nỹtĩ, pã'i mág ĩn krẽm, ũn jẽn mág tĩ ag. Ag pijé ẽmã tũ ja mĩ mũ tĩ'.

Lucas 7:25 Iomraidhean Croise

Mateus 11:8

Kỹ ti jykre mỹ ãjag mỹ ũn kur sĩnvĩ ag jykre ri ke nĩ'? Vó, ũn kur sĩnvĩ ag vỹ, ẽmã mág tá nỹtĩgtĩ, pã'i ag ĩn krẽm.

Mateus 3:4

João ẽn kur tóg tỹ kãvãru pãnĩ sór kyki tỹ há nĩ. Kỹ tóg nén ũ fár hã tỹ vẽsógfĩg tĩ gé. Ópã hã ko ti tĩ, mỹg mré.

Mateus 6:29

Ge ra tóg sĩnvĩ nỹtĩ, ka fej ti, pã'i mág tỹ Salomão kur sĩnvĩ kãfór, ti tỹ ẽprã ke ag kur sĩnvĩ kãfór ja ra. Ki hã sóg tó mũ mỹr.

Lucas 16:19

Kỹ tóg ag mỹ: “kejẽn ũ tóg nĩgtĩ, ũn riko pẽ,” he mũ. “Kur kaja e tu ti tĩgtĩ, kur hapẽ. Kurã kar ki tóg vẽjẽn há ko tĩ. Fénhta ri ke han tóg tĩ, kurã kar ki.

Lucas 7:24

Kỹ ag tóg mũ mũ sir, João mỹ tó jé. Ag mũ kar kỹ Jesus tóg ũn e ẽn ag mỹ João kãmén mũ. “Ẽmã tũ ja ra ãjag tóg mũ ja nĩgtĩ, João ve jé,” he tóg. “Kỹ ti jykre hỹn ne ri ke nĩ, ãjag mỹ? Kejẽn kãka tóg goj jagma krã tỹ man man ke tĩ. João jykre mỹ ãjag mỹ tag ri ke tũ nĩ'? Hỹ, ri ke tũ ti nĩ.

Lucas 7:26

Ti jykre mỹ ãjag mỹ Topẽ vĩ tó tĩ ag jykre ri ke nĩ'? Hỹ, ri ke ti nĩ. Topẽ vĩ tó tĩ vẽ mỹr, hã ra tóg Topẽ vĩ tó tĩ ag kãfór kar nĩ.